ꦏꦠꦽꦱ꧀ꦤꦤ꧀ꦱꦶꦤꦸꦁꦒꦶꦁꦒꦸꦫꦶꦠ꧀
17 March 2024 | 205 kali
Geguritan By : Sinarendra Krisna
꧄ꦏꦠꦽꦱ꧀ꦤꦤ꧀ꦱꦶꦤꦸꦁꦒꦶꦁꦒꦸꦫꦶꦠ꧀꧄
(ꦱꦶꦤꦫꦺꦤ꧀ꦢꦿ)
꧋ꦢꦏ꧀ꦝꦼꦣꦼꦂꦮꦶꦗꦶꦤꦶꦁꦏꦠꦽꦱ꧀ꦤꦤ꧀ꦭꦸꦩꦤ꧀ꦠꦂꦱꦭꦫꦶꦏ꧀ꦠꦸꦭꦶꦱ꧀ꦱꦤ꧀
ꦲꦶꦁꦲꦤ꧀ꦠꦫꦤꦺꦥꦼꦥꦱꦶꦂꦲꦶꦁꦒꦶꦱꦶꦏ꧀ꦏꦶꦁꦱꦩꦺꦴꦢꦿ
ꦲꦶꦁꦲꦤ꧀ꦠꦫꦤꦺꦒꦸꦩꦼꦭꦸꦂꦫꦺꦲꦺꦴꦩ꧀ꦧꦏ꧀ꦱꦼꦒꦫ
ꦠꦤ꧀ꦱꦃꦲꦔꦭꦺꦭꦫꦒꦠꦸꦮ
ꦒꦫꦶꦠ꧀ꦠꦏꦺꦒꦼꦒꦸꦫꦶꦠ꧀ꦠꦤ꧀ꦲꦶꦁꦮꦠꦸꦏꦫꦁ
ꦩꦶꦱꦪꦩꦶꦤꦧꦭꦶꦔꦸꦁꦏꦸꦂꦫꦶꦱꦼꦥꦶ
ꦗꦿꦺꦴꦤꦶꦁꦝꦝꦱꦸꦩ꧀ꦭꦼꦩ꧀ꦥꦶꦠ꧀ꦥꦿꦭꦩ꧀ꦥꦶꦠ
ꦲꦥꦕꦩꦂꦏꦲꦺꦲꦶꦱꦶꦃꦒꦼꦊꦩ꧀ꦠꦶꦭꦶꦏ꧀ꦱꦸꦱꦸꦃꦲꦺ꧉
꧋ꦢꦏ꧀ꦝꦼꦣꦼꦂꦮꦶꦗꦶꦤꦶꦁꦏꦠꦽꦱ꧀ꦤꦤ꧀ꦭꦸꦩꦤ꧀ꦠꦂꦱꦭꦫꦶꦏ꧀ꦠꦸꦭꦶꦱ꧀ꦱꦤ꧀
ꦱꦶꦁꦭꦸꦫꦸꦕꦿꦶꦠꦮꦼꦏꦼꦭ꧀ꦭꦶꦁꦥꦩꦤ꧀ꦠꦤꦶ
ꦏꦸꦩꦿꦶꦔꦼꦠ꧀ ꦏꦽꦁꦒꦺꦴꦱ꧀ꦱꦤ꧀
ꦔꦸꦢꦁꦢꦺꦴꦫꦤ꧀ꦭꦤ꧀ꦧꦸꦤ꧀ꦠꦸꦠ꧀ꦠꦤ꧀
ꦲꦁꦒꦏꦁꦱꦪꦃꦭꦸꦁꦏꦿꦃꦫꦶꦤꦱꦧꦸꦔꦃ
ꦢꦢꦶꦧꦤ꧀ꦠꦼꦤ꧀ꦠꦮꦸꦂꦫꦶꦁꦥꦤꦤ꧀ꦝꦁ
ꦗꦿꦤꦶꦁꦝꦝꦏꦁꦲꦏꦶꦁꦲꦏꦶꦁꦢꦸꦩꦼꦭ꧀ꦭꦶꦁꦥꦼꦥꦺꦭꦶꦁ
ꦏꦺꦴꦮꦺꦏꦧꦺꦃꦏꦸꦢꦸꦢꦢꦶꦧꦺꦴꦕꦃꦏꦁꦲꦸꦠꦩ꧉