ꦲꦁꦔ꧀ꦭꦫꦸꦁꦱꦼꦥꦶ

3 January 2024 | 50 kali
Geguritan By : Supriyadi Sapta Atmaja

ꦲꦁꦔ꧀ꦭꦫꦸꦁꦱꦼꦥꦶ

ꦔꦸꦏꦶꦂꦭꦔꦶꦠ꧀ꦠꦺꦏꦱꦼꦥꦺꦤ꧀
ꦲꦶꦁꦮꦪꦃꦮꦼꦔꦶꦠꦤ꧀ꦥꦲꦶꦩ꧀ꦥꦶ꧈
ꦭꦶꦤ꧀ꦠꦁꦭꦶꦤ꧀ꦠꦁꦣꦣꦭꦶꦏ꧀ꦏꦤ꧀
ꦩꦺꦒꦩꦺꦒꦔꦿꦼꦒꦼꦩꦼꦁꦩꦮꦭꦶꦏ꧀ꦏꦤ꧀
ꦲꦶꦁꦔꦼꦤ꧀ꦢꦶꦧꦸꦤ꧀ꦧꦸꦤ꧀ꦏꦁꦠꦸꦩꦺꦠꦺꦱ꧀
ꦔꦽꦁꦒꦤꦶꦲꦺꦤ꧀ꦢꦃꦲꦺꦥꦗꦂ꧈
ꦏꦩꦺꦴꦁꦏꦮꦸꦱ꧀ꦫꦁꦒꦱ꧀ꦒꦼꦒꦺꦴꦣꦺꦴꦁꦔꦤ꧀ꦲꦶꦁꦮꦪꦃꦱꦼꦥꦶꦲꦸꦢꦤ꧀
ꦊꦩꦃꦤꦼꦭꦕꦼꦁꦏꦂ꧈
ꦮꦶꦠ꧀ꦮꦶꦠ꧀ꦧꦿꦶꦤ꧀ꦝꦶꦭ꧀ꦲꦺꦴꦫꦧꦶꦱꦠꦸꦩꦁꦏꦂ꧈
ꦲꦁꦏꦼꦂꦮꦶꦔꦶꦠ꧀ꦥꦶꦤ꧀ꦝꦊꦩꦃꦱꦔꦂ꧈
ꦲꦼꦤ꧀ꦢꦶꦱ꧀ꦮꦫꦤꦺꦗꦒꦺꦴꦏ꧀ꦭꦸꦫꦸꦏ꧀
ꦏꦁꦔꦶꦢꦸꦁꦔꦏꦺꦢꦺꦴꦔꦮꦪꦃꦲꦺꦱꦸꦏ꧀
ꦏꦧꦺꦃꦱꦼꦥꦶꦠꦤ꧀ꦥꦲꦸꦤꦶ꧈
ꦲꦩꦸꦁꦲꦠꦶꦏꦁꦒꦼꦩꦿꦺꦴꦤꦁꦭꦸꦫꦸꦥꦼꦥꦣꦁ꧈
ꦲꦶꦁꦥꦸꦕꦸꦏ꧀ꦏꦺꦮꦸꦏꦶꦂꦱꦸꦤ꧀ꦱꦼꦢꦾꦩꦣꦁꦏꦺꦥꦶꦏꦶꦂ
ꦏꦁꦏꦶꦤ꧀ꦠꦶꦂꦲꦶꦁꦱꦼꦒꦫꦏꦮꦠꦶꦂ꧈
ꦩꦼꦤꦼꦥ꧀ꦏꦺꦫꦱꦏꦁꦏꦶꦤꦥꦾꦸꦏ꧀ꦲꦺꦴꦩ꧀ꦧꦏ꧀ꦲꦶꦁꦢꦺꦴꦚ꧈
ꦏꦶꦤꦼꦧꦸꦂꦫꦶꦔꦶꦃꦲꦶꦁꦏꦫꦁꦱ꧀ꦮꦱꦤ꧈
ꦱꦱꦢꦫꦠꦏ꧀ꦠꦸꦁꦒꦸꦠꦼꦏꦩꦸ꧈
ꦏꦁꦒꦺꦴꦲꦩ꧀ꦧꦸꦱꦏ꧀ꦱꦼꦥꦶꦤꦺꦢꦭꦸ꧈
ꦱꦶꦤꦂꦠꦤ꧀ꦲꦔꦶꦤ꧀ꦲꦺꦱꦸꦏ꧀
ꦱꦸꦩꦶꦭꦶꦂꦲꦁꦒꦸꦒꦃꦏꦁꦥꦣꦔꦤ꧀ꦠꦸꦏ꧀꧈

 

ꦗꦠꦺꦤ꧀‌ꦥꦫꦏ꧀ꦲꦺꦱꦸꦏ꧀ ꧇꧖꧇ꦗꦤꦸꦮꦫꦶ꧇꧒꧐꧑꧗꧇

Leave a Reply

Your email address will not be published. Required fields are marked *