ꦧꦼꦭꦗꦂꦏꦼꦥꦣꦪꦁꦩꦸꦭꦶꦪꦠꦤ꧀ꦥꦩꦼꦩꦤ꧀ꦝꦁꦈꦱꦶꦪ

(ꦱꦶꦤꦫꦺꦤ꧀ꦢꦿ)

꧋ꦲꦤꦮꦚ꧀ꦕꦶꦤꦺꦮꦺꦴꦁꦠꦸꦮꦏꦸꦢꦸꦭꦶꦭꦔꦏꦺꦴꦤ꧀ꦤꦶꦪꦺꦤ꧀ꦲꦤꦏ꧀ꦏꦺꦏꦣꦁꦏꦭꦭꦸꦮꦶꦃꦠꦸꦭꦸꦱ꧀ꦠꦤ꧀ꦥꦥꦩꦿꦶꦃꦄꦩꦭ꧀ꦭꦺ꧉ꦲꦤꦮꦚ꧀ꦕꦶꦤꦺꦮꦺꦴꦁꦱꦶꦁꦭꦸꦮꦶꦃꦠꦸꦮꦈꦩꦸꦂꦫꦺꦏꦸꦢꦸꦭꦶꦭꦔꦶꦭꦺꦴꦩꦫꦁꦠꦸꦩꦶꦤ꧀ꦢꦏ꧀ꦏꦺꦮꦺꦴꦁꦲꦼꦤꦺꦴꦩ꧀ꦱꦶꦁꦏꦼꦉꦥ꧀ꦭꦸꦮꦶꦃꦗꦸꦗꦸꦂꦲꦺꦴꦩꦺꦴꦁꦔꦤ꧀ꦭꦤ꧀ꦥꦏꦂꦠꦶꦤꦺ꧉ꦲꦤꦮꦚ꧀ꦕꦶꦤꦺꦲꦏꦸꦭꦤ꧀ꦥꦚ꧀ꦗꦼꦤꦼꦁꦔꦤ꧀ꦏꦧꦺꦃꦱꦶꦁꦥꦚ꧀ꦕꦺꦤ꧀ꦮꦶꦱ꧀ꦲꦏꦺꦃꦮꦶꦭꦁꦔꦤ꧀ꦲꦸꦩꦸꦂꦫꦺ꧈ꦱꦶꦁꦥꦚ꧀ꦕꦺꦤ꧀ꦮꦶꦱ꧀ꦢꦮꦭꦏꦺꦴꦤ꧀ꦲꦸꦫꦶꦥ꧀ꦥꦺ꧈ꦱꦶꦁꦥꦚ꧀ꦕꦺꦤ꧀ꦮꦶꦱ꧀ꦮꦉꦒ꧀ꦔꦿꦱꦏ꧀ꦲꦏꦺꦄꦱꦶꦤ꧀ꦏꦼꦕꦸꦠ꧀ꦊꦒꦶꦥꦻꦠ꧀ꦠꦺꦏꦲꦤꦤ꧀ꦏꦸꦢꦸꦩꦉꦩ꧀ꦩꦼꦒꦸꦫꦸꦩꦫꦁꦧꦺꦴꦕꦃꦧꦺꦴꦕꦃꦕꦶꦭꦶꦏ꧀ꦱꦶꦁꦱꦼꦤꦗꦤ꧀ꦥꦚ꧀ꦕꦺꦤ꧀ꦢꦸꦫꦸꦁꦧꦶꦱꦉꦱꦶꦏ꧀ꦧꦼꦧꦸꦄꦼꦁꦲꦸꦩ꧀ꦧꦼꦭ꧀ꦭꦺꦣꦺꦮꦺꦤꦔꦶꦁꦕꦼꦛꦭꦸꦮꦶꦃꦠꦸꦭꦸꦱ꧀ꦤꦶꦪꦠ꧀ꦠꦺ꧈ꦉꦱꦶꦏ꧀ꦠꦤ꧀ꦢꦁꦠꦤ꧀ꦢꦸꦏ꧀ꦏꦺ꧈ꦧꦺꦕꦶꦏ꧀ꦏꦼꦢꦭ꧀ꦭꦛꦶꦤꦺ꧉