ꦭꦩ꧀ꦧꦺꦧꦺꦔꦺꦱ꧀ꦱꦤ꧀
17 December 2023 | 229 kali
Geguritan By : Supriyadi Sapta Atmaja
꧁ꦭꦩ꧀ꦧꦺꦧꦺꦔꦺꦱ꧀ꦱꦤ꧀꧂
꧋ꦥꦩꦺꦂꦲꦥꦶꦏ꧀ꦲꦸꦩꦸꦏ꧀ꦧꦼꦕꦶꦏ꧀
ꦢꦶꦥꦱꦁꦲꦶꦁꦥꦥꦤ꧀ꦥꦥꦤ꧀
ꦱꦢꦭꦤ꧀ꦢꦭꦤ꧀
ꦮꦶꦮꦶꦠ꧀ꦏꦥꦤ꧀ꦮꦺꦴꦁꦲꦥꦶꦏ꧀ꦲꦺꦴꦭꦺꦃꦥꦩꦺꦂ
ꦮꦶꦮꦶꦠ꧀ꦏꦥꦤ꧀ꦮꦺꦴꦁꦧꦼꦕꦶꦏ꧀ꦲꦺꦴꦭꦺꦃꦭꦺꦩꦺꦂ
ꦲꦸꦩꦸꦏ꧀ꦏꦥꦶꦤ꧀ꦠꦼꦂꦫꦤ꧀
ꦒꦺꦴꦭꦺꦏ꧀ꦥꦼꦔꦫꦸꦃꦒꦺꦴꦭꦺꦏ꧀ꦲꦶꦒꦸꦃ
ꦗꦫꦺꦩꦏꦶꦭ꧀ꦭꦶꦧꦉꦁꦢꦢꦶꦏꦺꦴꦏ꧀ꦩꦸꦏꦶꦭ꧀ꦭꦶ
ꦗꦫꦺꦲꦩ꧀ꦧꦺꦭꦗꦼꦧꦸꦭ꧀ꦲꦩ꧀ꦧꦭꦺꦭ
ꦗꦫꦺꦲꦉꦥ꧀ꦮꦺꦤꦺꦃꦗꦼꦤꦁ
ꦗꦼꦧꦸꦭ꧀ꦭꦺꦩꦸꦁꦒꦺꦴꦭꦺꦏ꧀ꦗꦼꦤꦼꦁ
ꦥꦶꦭꦶꦃꦤꦺꦴꦩꦼꦂꦱꦶꦗꦶꦗꦫꦺꦤꦺꦩꦼꦂꦒꦥꦏ꧀ꦏꦗꦶ
ꦥꦶꦭꦶꦃꦤꦺꦴꦩꦼꦂꦭꦺꦴꦫꦺꦴꦗꦫꦺꦧꦶꦱꦢꦶꦕꦺꦴꦤ꧀ꦠꦺꦴ
ꦥꦶꦭꦶꦃꦤꦺꦴꦩꦼꦂꦠꦼꦭꦸꦗꦫꦺꦒꦸꦮꦺꦧꦺꦭꦭꦸ
ꦲꦣꦸꦃꦩꦤ꧀ꦩꦤ꧀ꦱꦺꦴꦩꦤ꧀
ꦲꦏꦸꦒꦼꦩꦁꦢꦢꦶꦏꦺꦴꦂꦧꦤ꧀
ꦱꦽꦒꦼꦥ꧀ꦩꦸꦱꦽꦒꦼꦥ꧀ꦥꦸꦭꦱ꧀ꦱꦤ꧀
ꦏꦁꦒꦺꦴꦔꦣꦼꦥ꧀ꦥꦶꦕꦺꦴꦧ꧀ꦭꦺꦴꦱ꧀ꦱꦤ꧀
ꦮꦼꦒꦃ
ꦮꦼꦒꦃ
ꦮꦤ꧀ꦝꦺꦮꦤ꧀
ꦢꦺꦮꦤꦺꦥꦫꦧꦼꦏꦱꦏ꧀ꦲꦤ꧀
ꦲꦼꦩ꧀ꦧꦺꦭ꧀
ꦲꦥꦶꦏ꧀ꦩꦸꦲꦥꦶꦏ꧀ꦥꦸꦭꦱ꧀ꦱꦤ꧀
ꦭꦩ꧀ꦧꦺꦩꦸꦭꦩ꧀ꦧꦺꦧꦺꦔꦺꦱ꧀ꦱꦤ꧀꧈
ꦠꦩꦤ꧀ꦒꦺꦫꦶꦠ꧀ꦥꦺꦴꦗꦺꦴꦏ꧀ꦢꦺꦱ꧇꧒꧘꧇ꦩꦉꦠ꧀꧇꧒꧐꧑꧙
ꦢꦺꦤꦶꦁ: ꦱꦸꦥꦿꦶꦪꦢꦶ