꧋ꦱꦺꦱꦸꦏ꧀ꦲꦶꦱꦶꦃꦲꦤꦭꦶꦤ꧀ꦠꦁꦥꦚ꧀ꦗꦼꦂꦫꦶꦤ꧉

20 January 2024 | 181 kali
Cerkak By : Philipus Dellian AR

꧋ꦱꦱꦸꦏ꧀ꦲꦶꦱꦶꦃꦲꦤꦭꦶꦤ꧀ꦠꦁꦥꦚ꧀ꦗꦼꦂꦫꦶꦤ꧉

꧋ꦧꦺꦭ꧀ꦠꦺꦴꦤ꧀ꦝꦮꦪꦃꦧꦸꦧꦂꦫꦤ꧀ꦱꦼꦏꦺꦴꦭꦃꦲꦚ꧀ꦗꦼꦫꦶꦠ꧀ꦏꦪꦏꦪꦲꦉꦥ‍꧀‍ꦚꦶꦒꦂꦲꦏꦱ꧉ꦅꦫꦮꦤ꧀ꦩꦼꦠꦸꦱꦏꦗꦼꦫꦺꦴꦏꦼꦭꦱ꧀ ꦩ꧀ꦭꦏꦸꦏ꧀ꦭꦸꦤꦸꦃꦏ꧀ꦭꦸꦤꦸꦃꦩꦼꦚꦁꦏꦤ꧀ꦠꦶꦤ꧀ ꦱꦥꦽꦭꦸꦤꦼꦩꦺꦴꦤꦶꦮꦤꦶꦠꦏꦁꦧꦔꦼꦠ꧀ꦢꦶꦠꦽꦱ꧀ꦤꦤꦶ꧈ꦲꦺꦴꦫꦭꦶꦪꦏꦗꦧꦲꦶꦧꦸꦤꦺꦣꦺꦮꦺ꧉

꧋ꦅꦫꦮꦤ꧀ꦱꦼꦏꦺꦴꦭꦃꦲꦶꦁSTM Mandira꧈ꦱꦲꦶꦏꦶꦣꦺꦮꦺꦏ꧀ꦏꦺꦲꦶꦁꦠꦲꦸꦤ꧀ꦥꦸꦁꦏꦱ꧀ꦱꦤ꧀ ꦗꦸꦫꦸꦱ꧀ꦱꦤꦎꦠꦺꦴꦩꦺꦴꦠꦶꦥ꧀꧈

ꦢꦺꦤꦺꦲꦶꦧꦸꦤꦺꦮꦶꦱ꧀ꦢꦺꦴꦢꦺꦴꦭ꧀ꦭ ꦤ꧀ꦲꦶꦁꦏꦤ꧀ꦠꦶꦤ꧀ꦱꦼꦏꦺꦴꦭꦃꦮꦶꦮꦶꦠ꧀ꦅꦫꦮꦤ꧀ꦲꦶꦱꦶꦃꦏꦼꦭꦱ꧀ꦭꦺꦴꦫꦺꦴꦱꦼꦏꦺꦴꦭꦃꦣꦱꦂ꧉

꧋ꦤꦭꦶꦏꦠꦼꦏꦤ꧀ꦭꦮꦁꦏꦤ꧀ꦠꦶꦤ꧀ ꦧꦸꦩꦶꦫꦃ꧈ꦲꦶꦧꦸꦤꦺꦅꦫꦮꦤ꧀ꦤꦼꦩ꧀ꦧꦺꦔꦱꦃꦲꦶꦥꦶꦫꦶꦁꦭꦤ꧀ꦒꦼꦭꦱ꧀ꦠꦶꦭꦱ꧀ꦗꦗꦤ꧀ꦤꦺꦧꦺꦴꦕꦃꦧꦺꦴꦕꦃ꧉ꦥꦶꦠꦏꦺꦴꦤ꧀ꦤꦺꦅꦫꦮꦤ꧀꧇ꦮꦶꦱ꧀ꦫꦩ꧀ꦥꦸꦁꦔꦤ꧀ ꦩꦏ꧀꧇꧈ꦧꦸꦩꦶꦫꦃꦱꦸꦩꦲꦸꦫ꧀꧇ꦮꦶꦱ꧀꧈ꦏꦫꦶꦲꦱꦃꦲꦱꦃ꧈ꦤꦁ꧉ꦏꦤ꧈ꦫꦶꦁꦏꦼꦱ꧀ꦱꦤꦧꦼꦏꦏꦱ꧀ꦱꦶꦁꦢꦶꦒꦮꦩꦸꦭꦶꦃ꧇꧉

꧋ꦱꦶꦤꦩ꧀ꦧꦶꦫꦶꦁꦏꦼꦱ꧀ꦫꦶꦁꦏꦼꦱ꧀ ꦅꦫꦮꦤ꧀ꦏꦤ꧀ꦝꦩꦫꦁꦲꦶꦧꦸꦤꦺ꧇ꦩꦏ꧀ ꦲꦏꦸꦏꦥꦶꦭꦶꦃꦩꦒꦁꦩꦼꦚꦁꦗꦼꦥꦁ꧇꧉ꦧꦸꦩꦶꦫꦃꦩꦤ꧀ꦝꦼꦒ꧀ꦲꦁꦒꦺꦴꦤ꧀ꦤꦺꦲꦱꦃꦲꦱꦃ꧉ꦤꦸꦭꦶꦠꦏꦺꦴꦤ꧀꧇ꦤꦁ꧈ꦏꦺꦴꦏ꧀ꦲꦢꦺꦴꦃꦠꦼꦩꦼꦤ꧀꧈ꦩꦒꦁꦠꦼꦏꦤ꧀ꦤꦒꦫꦩꦺꦴꦚ꧀ꦕ꧈ꦱꦶꦁꦔꦿꦒꦢ꧀ꦢꦶꦱꦥ꧇꧉

꧋ꦅꦫꦮꦤ꧀ꦩꦁꦱꦸꦭꦶ꧇ꦏꦼꦥꦭꦱꦼꦏꦺꦴꦭꦃꦣꦺꦮꦺꦱꦶꦁꦣꦮꦸꦃꦱꦸꦥꦪꦲꦏꦸꦏꦠꦸꦠ꧀ꦥꦿꦺꦴꦒꦿꦩ꧀ꦲꦶꦏꦶ꧉ꦱꦏꦱꦶꦱ꧀ꦮ꧇꧒꧕꧇ꦱꦶꦁꦢꦶꦱꦼꦭꦺꦏ꧀ꦱꦶ꧈ꦩꦸꦁ꧇꧒꧐꧇ꦱꦶꦁꦏꦥꦶꦭꦶꦃ꧉ꦧꦼꦒ꧀ꦗꦏꦸꦏ꧀ꦭꦼꦧꦸꦱꦶꦁ꧇꧒꧐꧇ꦏꦸꦮꦶ꧈ꦩꦏ꧀꧇꧉

꧋ꦲꦠꦶꦤꦺꦧꦸꦩꦶꦫꦃꦏꦿꦱꦩꦺꦴꦁꦏꦺꦴꦁꦒ꧀ ꦢꦺꦤꦺꦺꦲꦤꦏ꧀ꦏꦺꦲꦺꦴꦤ꧀ꦠꦁꦲꦤ꧀ꦠꦶꦁꦥꦿꦚꦠꦢꦢꦶꦧꦺꦴꦕꦃꦏꦁꦧꦶꦱꦒꦮꦺꦧꦺꦴꦩ꧀ꦧꦺꦴꦁꦔꦶꦁꦲꦠꦶ꧉ꦲꦤꦔꦶꦁꦲꦸꦒꦲꦤꦫꦱꦮꦱ꧀ꦱꦸꦩꦼꦭꦁꦩꦒꦼꦥꦺꦴꦏ꧀ꦏꦤ꧀ꦏꦫꦺꦴꦥꦥꦤ꧀ꦩꦒꦁꦲꦶꦁꦠꦤꦃꦩꦺꦴꦚ꧀ꦕ꧈ꦲꦶꦏꦸꦩꦼꦱ꧀ꦛꦶꦤꦺꦧꦸꦠꦸꦃꦫꦒꦢ꧀ꦲꦺꦴꦫꦱꦛꦶꦛꦶꦏ꧀꧈ꦥꦚ꧀ꦕꦺꦤ꧀ꦧꦼꦤꦼꦂꦏꦧꦺꦃꦩꦲꦸꦲꦤꦱꦶꦁꦔꦿꦒꦢ꧀ꦢꦶ꧉ꦤꦔꦶꦁꦗꦼꦤꦼꦁꦔꦺꦮꦺꦴꦁꦠꦸꦮ꧈ꦏꦼꦥꦿꦶꦪꦺꦮꦲꦺꦲꦺꦴꦫꦠꦼꦏꦤ꧀ꦲꦠꦶꦤꦺꦪꦺꦤ꧀ꦔꦼꦕꦸꦭ꧀ꦭꦏꦺꦲꦤꦏ꧀ꦠꦤ꧀ꦥꦚꦔꦺꦴꦤ꧀ꦤꦶ꧉

꧋ꦧꦸꦩꦶꦫꦃꦩꦶꦶꦏꦶꦂꦏꦼꦥꦿꦶꦪꦺꦲꦁꦒꦺꦴꦤ꧀ꦤꦺꦒꦺꦴꦭꦺꦏ꧀ꦱꦔꦸꦏꦁꦒꦺꦴꦅꦫꦮꦤ꧀꧈ꦲꦺꦴꦫꦏꦺꦠꦁꦱꦫꦸꦥꦶꦪꦃꦫꦺꦴꦁꦫꦸꦥꦶꦪꦃ꧉ꦔꦸꦤ꧀ꦝꦏ꧀ꦏꦺꦉꦒꦗꦗꦤ꧀ꦤꦤ꧀ꦕꦃꦱꦼꦏꦺꦴꦭꦃꦕꦼꦛꦢꦸꦢꦸꦕꦫꦏꦁꦧꦏꦭ꧀ꦢꦶꦥꦶꦭꦶꦃ꧈ꦲꦮꦶꦠ꧀ꦧꦸꦩꦶꦫꦃꦥꦤ꧈ꦩꦤꦮꦧꦺꦴꦕꦃꦧꦺꦴꦕꦃꦏꦩ꧀ꦥꦸꦁꦏꦺꦴꦤꦺꦴꦒꦼꦊꦩ꧀ꦱꦼꦏꦺꦴꦭꦃꦮꦲꦺꦮꦶꦱ꧀ꦲꦥꦶꦏ꧀꧈ꦲꦮꦶꦠ꧀ꦱꦥꦺꦫꦔꦤ꧀ꦩꦸꦫꦶꦢ꧀ꦲꦶꦁꦏꦺꦴꦤꦺꦴꦲꦱꦭ꧀ꦭꦺꦱꦏꦒꦺꦴꦭꦺꦴꦁꦔꦤ꧀ꦏꦸꦫꦁꦩꦩ꧀ꦥꦸ꧉ꦩꦸꦭꦏꦸꦮꦶꦧꦸꦩꦶꦫꦃꦏꦸꦢꦸꦒꦺꦴꦭꦺꦏ꧀ꦕꦫꦭꦶꦪꦩꦸꦫꦶꦃꦧꦶꦱꦤꦺꦚꦔꦺꦴꦤ꧀ꦤꦶꦲꦤꦏ꧀ꦏꦺꦲꦺꦴꦤ꧀ꦠꦁꦲꦤ꧀ꦠꦶꦁ꧉

꧋ꦢꦶꦤꦒꦸꦩꦤ꧀ꦠꦶꦩꦶꦁꦒꦸ꧈ꦩꦶꦁꦒꦸꦢꦢꦶꦱꦱꦶ꧉ꦮꦪꦃꦏꦁꦒꦺꦴꦲꦩ꧀ꦧꦸꦣꦭ꧀ꦭꦏꦺꦱꦶꦱ꧀ꦮꦩꦒꦁꦱꦁꦱꦪꦕꦼꦫꦏ꧀꧈ꦢꦶꦤꦢꦶꦤꦥꦼꦩ꧀ꦧꦼꦏꦭ꧀ꦭꦤꦩꦫꦁꦱꦶꦱ꧀ꦮꦩꦒꦁꦲꦸꦒꦮꦶꦱ꧀ꦩꦺꦃꦫꦩ꧀ꦥꦸꦁ꧉ꦧꦸꦩꦶꦫꦃꦱꦗꦿꦺꦴꦤꦺꦮꦼꦏ꧀ꦠꦸꦲꦶꦏꦸꦲꦺꦴꦫꦏꦼꦤ꧀ꦝꦠ꧀ꦲꦁꦒꦺꦴꦤ꧀ꦤꦺꦲꦔ꧀ꦭꦸꦫꦸꦉꦗꦼꦏꦶꦏꦁꦒꦺꦴꦒꦤꦼꦥ꧀ꦒꦤꦼꦥ꧀ꦱꦔꦸꦲꦤꦏ꧀ꦏꦺ꧉

꧋ꦮꦼꦔꦶꦲꦶꦏꦸꦭꦔꦶꦠ꧀ꦠꦺꦏꦼꦧꦏ꧀ꦩꦺꦒ꧈ꦲꦁꦒꦼꦩ꧀ꦧꦸꦊꦁꦥꦼꦠꦼꦁꦔꦭꦶꦁꦔꦶꦱꦸꦤꦂꦫꦶꦁꦉꦩ꧀ꦧꦸꦭꦤ꧀꧈ꦅꦫꦮꦤ꧀ꦭꦸꦁꦒꦸꦃꦝꦶꦁꦏ꧀ꦭꦶꦏ꧀ ꦠꦔꦤ꧀ꦤꦺꦠꦼꦔꦼꦤ꧀ꦲꦺꦴꦧꦃꦔꦶꦥꦠ꧀ꦔꦶꦥꦠ꧀ꦏꦺꦠꦺꦥꦱ꧀ꦲꦶꦁꦱꦤ꧀ꦝꦸꦮꦸꦂꦫꦺꦩꦮꦏꦁꦩꦺꦴꦔꦃꦩꦺꦴꦔꦃ꧉ꦤꦸꦭꦶꦣꦺꦮꦺꦏ꧀ꦏꦺꦲꦚ꧀ꦗꦸꦥꦸꦏ꧀ꦏꦲꦶꦤ꧀꧈

Leave a Reply

Your email address will not be published. Required fields are marked *