ꦏꦶꦱꦶꦤ꧀ꦤꦤ꧀

18 March 2024 | 490 kali
Cerkak By : Dyah Kurniawati

 

ꦏꦶꦱꦶꦤ꧀ꦤꦤ꧀

 

KISINAN

 

ꦢꦺꦤꦶꦁ꧇ ꦢꦾꦃꦏꦸꦂꦤꦶꦪꦮꦠꦶ

 

Dening: Dyah Kurniawati

 

꧋ꦮꦶꦱ꧀ꦏꦥꦶꦁꦥꦶꦫꦧꦲꦺꦲꦏꦸꦏꦸꦮꦶꦫꦁꦔꦤ꧀ꦲꦩꦂꦒꦱꦭꦃꦲꦤ꧀ꦢꦼꦊꦁꦣꦸꦮꦶꦠ꧀ꦲꦚꦂꦱꦶꦁꦱꦠ꧀ꦭꦺꦫꦩꦤ꧀ꦩꦺꦃꦥꦣ꧉ꦏꦪꦩꦶꦁꦒꦸꦮꦶꦔꦶꦤꦭꦶꦏꦧ꧀ꦭꦤ꧀ꦗꦤꦺꦁꦩꦶꦤꦶꦩꦂꦏꦺꦠ꧀ ꦤꦭꦶꦏꦲꦉꦥ꧀ꦧꦪꦂꦤꦺꦁꦏꦱꦶꦂꦠꦶꦧꦤꦺꦣꦸꦮꦶꦠ꧀ꦏꦸꦲꦶꦱꦶꦤꦺꦠꦸꦩ꧀ꦥꦸꦏ꧀ꦏꦤ꧀꧇꧒꧐꧐꧐꧇ꦫꦸꦥꦶꦪꦃꦏꦫꦺꦴꦫꦺꦕꦺꦃ꧉ꦏꦩꦁꦏꦩꦲꦸꦥꦱ꧀ꦲꦉꦥ꧀ꦩꦿꦺꦤꦺꦏꦪꦱꦸꦩ꧀ꦭꦼꦩ꧀ꦥꦶꦠ꧀꧇꧕꧐꧐꧐꧐꧇ꦫꦸꦥꦶꦪꦃꦧꦶꦫꦸ꧉ꦱꦶꦢꦤꦺꦧꦫꦁꦱꦶꦁꦮꦶꦱ꧀ꦏꦣꦸꦁꦢꦏ꧀ꦗꦸꦥꦸꦏ꧀ꦢꦏ꧀ꦧꦭꦺꦏ꧀ꦏꦏꦺꦩꦤꦺꦃꦏꦤ꧀ꦛꦶꦲꦊꦱ꧀ꦱꦤ꧀ꦧꦫꦁꦔꦺꦲꦺꦴꦫꦕꦺꦴꦕꦺꦴꦏ꧀꧈ꦱꦶꦢꦤꦺꦩꦸꦁꦠꦸꦏꦸꦗꦗꦤ꧀ꦱꦕꦸꦏꦸꦥ꧀ꦥꦺꦣꦸꦮꦶꦠ꧀ꦏꦁꦒꦺꦴꦤꦸꦠꦸꦥ꧀ꦥꦶꦫꦱꦲꦶꦱꦶꦤ꧀꧈

꧋ꦊꦭꦏꦺꦴꦤ꧀ꦩꦁꦏꦺꦴꦤꦺꦴꦢꦏ꧀ꦧꦭꦺꦤ꧀ꦤꦶꦩꦤꦺꦃꦩꦲꦸꦲꦺꦱꦸꦏ꧀꧈ꦤꦭꦶꦏꦲꦉꦥ꧀ꦤꦺꦁꦮꦫꦸꦁꦧ꧀ꦭꦤ꧀ꦗꦱꦪꦸꦂꦫꦤ꧀ꦩꦸꦁꦲꦤ꧀ꦢꦸꦢꦸꦠ꧀ꦱꦊꦩ꧀ꦧꦂꦣꦸꦮꦶꦠ꧀ꦮꦼꦂꦤꦧꦶꦫꦸꦱꦏꦣꦺꦴꦩ꧀ꦥꦺꦠ꧀ꦠꦺꦧꦺꦴꦗꦺꦴꦏꦸ꧉ꦮꦶꦱ꧀ꦲꦪꦼꦩ꧀ꦩꦼꦱ꧀ꦛꦶꦕꦸꦏꦸꦥ꧀ꦩꦼꦂꦒꦩꦸꦁꦲꦉꦥ꧀ꦠꦸꦏꦸꦠꦺꦩ꧀ꦥꦺ꧈ꦠꦲꦸ꧈ꦭꦤ꧀ꦗꦔꦤ꧀ꦤꦤ꧀꧉ꦒꦒꦺꦲꦤ꧀ꦗꦸꦗꦸꦒ꧀ꦧꦏꦸꦭ꧀ꦗꦔꦤ꧀ꦤꦤ꧀ꦤꦺꦁꦔꦉꦥ꧀ꦥꦺꦥꦼꦫꦸꦩꦃꦲꦤ꧀꧈ꦠꦼꦏꦤ꧀ꦥꦁꦒꦺꦴꦤ꧀ꦤꦤ꧀ꦮꦶꦱ꧀ꦫꦩꦺꦲꦶꦧꦸꦲꦶꦧꦸꦩꦶꦭꦶꦃꦗꦔꦤ꧀ꦤꦤ꧀ꦏꦁꦏꦧꦺꦃꦏꦠꦺꦴꦤ꧀ꦏꦼꦱꦸꦱꦸꦲꦺꦴꦫꦏꦺꦴꦧꦼꦂꦔꦿꦸꦩ꧀ꦥꦶ꧉ꦱꦼꦩꦤꦲꦸꦒꦲꦏꦸꦱꦼꦭꦏ꧀ꦧꦸꦣꦭ꧀ꦏꦼꦂꦗ꧈ꦪꦕꦼꦥꦼꦠ꧀ꦩꦠ꧀ꦩꦸꦠ꧀ꦗꦸꦥꦸꦏ꧀ꦠꦺꦩ꧀ꦥꦺ꧈ꦠꦲꦸꦭꦤ꧀ꦏꦁꦏꦸꦁꦠꦩ꧀ꦧꦃꦭꦺꦴꦩ꧀ꦧꦺꦴꦏ꧀ꦠꦺꦴꦩꦠ꧀꧈ꦤꦭꦶꦏꦢꦏ꧀ꦧꦸꦏꦏ꧀ꦝꦺꦴꦩ꧀ꦥꦺꦠ꧀ꦏꦸꦲ꧀ꦭꦏꦺꦴꦏ꧀ꦲꦤꦤꦺꦩꦸꦁꦱꦊꦩ꧀ꦧꦂ꧇꧒꧐꧐꧐꧇ꦫꦸꦥꦶꦪꦃ꧉ꦔꦤ꧀ꦠꦶꦠꦏ꧀ꦗꦸꦁꦏꦼꦭ꧀ꦏꦺꦲꦶꦱꦶꦣꦺꦴꦩ꧀ꦥꦺꦠ꧀꧈ꦪꦥꦁꦒꦃꦲꦺꦴꦫꦤꦼꦩꦸꦭꦶꦪꦤꦺ꧉

꧋ꦏꦫꦺꦴꦧꦶꦔꦸꦁꦩꦶꦏꦶꦂꦥꦶꦪꦺꦲꦺꦴꦭꦺꦃꦏꦸꦏꦤ꧀ꦝꦩꦫꦁꦧꦏꦸꦭ꧀ꦭꦺ꧉ꦏꦫꦺꦴꦤꦸꦁꦒꦸꦱꦼꦥꦶꦩ꧀ꦭꦶꦥꦶꦂꦫꦢꦚꦶꦱꦶꦃ꧉ꦧꦉꦁꦮꦶꦱ꧀ꦱꦼꦥꦶꦲꦏꦸꦧꦶꦱꦶꦏ꧀ꦧꦶꦱꦶꦏ꧀ꦩꦫꦁꦧꦏꦸꦭ꧀ꦭꦺ꧈꧇ꦧꦸ꧈ꦱꦼꦥꦸꦤ꧀ꦠꦼꦤ꧀ꦤꦺꦲꦶꦏꦶꦩꦲꦸꦏ꧀ꦭꦺꦫꦸꦲꦺꦴꦭꦺꦃꦏꦸꦗꦸꦥꦸꦏ꧀ꦝꦸꦮꦶꦠ꧀ ꦲꦶꦏꦶꦧ꧀ꦭꦤ꧀ꦗꦤꦺꦢꦏ꧀ꦒꦮꦱꦶꦏ꧀ꦥꦉꦁ?ꦩꦼꦁꦏꦺꦴꦣꦸꦮꦶꦠ꧀ꦠꦺꦠꦏ꧀ꦠꦼꦂꦏꦺꦪ?꧇

꧋ꦧꦏꦸꦭ꧀ꦭꦺꦱꦼꦩꦲꦸꦂꦏꦫꦺꦴꦲꦁꦒꦸꦪꦸ꧈꧇ꦲꦶꦁꦒꦶꦃꦧꦸ꧈ꦧꦼꦤ꧀ꦗꦶꦁꦩꦮꦺꦴꦤ꧀ꦧꦺꦴꦠꦼꦤ꧀ꦤꦥꦤꦥ꧉꧇

꧋ꦏꦫꦺꦴꦔꦼꦩ꧀ꦥꦼꦠ꧀ꦲꦶꦱꦶꦤ꧀ꦏꦿꦺꦱꦺꦏ꧀ꦮꦣꦃꦧ꧀ꦭꦤ꧀ꦗꦠꦏ꧀ꦒꦮ꧉ꦠꦸꦗꦸꦤꦺꦧꦏꦸꦭ꧀ꦭꦏꦺꦴꦏ꧀ꦥꦔꦼꦂꦠꦺꦤ꧀꧈

 

**********

*꧋ꦩꦢꦶꦪꦸꦤ꧀ ꧇꧒꧘꧇ꦄꦒꦸꦱ꧀ꦠꦸꦱ꧀꧇꧒꧐꧒꧓꧇꧉

*꧋ꦮꦶꦱ꧀ꦤꦠꦺꦏꦥꦕꦏ꧀ꦲꦶꦁꦏꦭꦮꦂꦠꦶ꧇ꦗꦪꦧꦪ꧇ꦤꦺꦴꦩꦼꦂ꧇꧑꧒꧇ꦤꦺꦴꦥꦺꦩ꧀ꦧꦼꦂ꧇꧒꧐꧒꧓꧇ꦏꦕ꧇꧔꧘꧇ꦫꦸꦧꦿꦶꦏ꧀ꦲꦤꦲꦤꦧꦲꦺ꧉

Leave a Reply

Your email address will not be published. Required fields are marked *