ꦭꦶꦱꦃꦲꦩ꧀ꦧꦺꦮꦺꦃ

8 February 2024 | 152 kali
Cerkak By : Dyah Kurniawati

ꦭꦶꦱꦃꦲꦩ꧀ꦧꦺꦮꦺꦃ

 

LISAH MBEWEH

 

ꦢꦺꦤꦶꦁ꧇ ꦢꦾꦃꦏꦸꦂꦤꦶꦪꦮꦠꦶ
Dening: Dyah Kurniawati

 

꧋ꦲꦺꦱꦸꦏ꧀ꦏꦸꦮꦶꦯꦸꦩꦶꦢꦶꦲꦸꦠꦸꦱ꧀ꦧꦸꦮꦃꦪꦸꦠꦸꦏꦸꦊꦔꦏ꧀ꦭꦼꦤ꧀ꦛꦶꦏ꧀ꦲꦶꦁꦮꦫꦸꦁꦔꦺꦪꦸꦭꦩ꧀꧈ꦲꦩꦂꦒꦯꦸꦩꦶꦏꦸꦮꦶꦧꦺꦴꦕꦃꦲꦺꦭꦭꦺꦤ꧀ꦠꦸꦂꦭꦠꦃ꧈ꦤꦺꦁꦧꦸꦮꦃꦪꦸꦢꦶꦮꦤ꧀ꦠꦶꦮꦤ꧀ꦠꦶꦧꦺꦴꦭꦧꦭꦶꦏꦺꦴꦤ꧀ꦔꦺꦭꦶꦁꦲꦺꦭꦶꦁꦲꦥꦧꦲꦺꦱꦶꦁꦏꦸꦢꦸꦢꦶꦠꦸꦏꦸ꧉ꦱꦗꦤꦺꦲꦉꦥ꧀ꦢꦶꦒꦮꦤꦶꦕꦛꦼꦠ꧀ꦠꦤ꧀ ꦤꦔꦶꦁꦯꦸꦩꦶꦔꦺꦪꦺꦭ꧀ꦲꦺꦴꦫꦒꦼꦊꦩ꧀꧈

꧊ꦏꦫꦺꦴꦩ꧀ꦭꦏꦸꦭꦩ꧀ꦧꦺꦤꦺꦯꦸꦩꦶꦢꦽꦩꦶꦩꦶꦭ꧀ꦔꦥꦭ꧀ꦏꦺꦧ꧀ꦭꦤ꧀ꦗꦤꦺꦧꦺꦤ꧀ꦲꦺꦴꦫꦭꦭꦶ꧉ꦣꦸꦮꦶꦠ꧀ꦠꦺꦢꦶꦒꦼꦒꦼꦩ꧀ꦏꦼꦤ꧀ꦕꦼꦁꦱꦩꦂꦪꦺꦤ꧀ꦕꦼꦧ꧀ꦭꦺꦴꦏ꧀꧈

꧋꧇ꦭꦶꦱꦃꦏ꧀ꦭꦼꦤ꧀ꦛꦶꦏ꧀ꦱꦭꦶꦠꦼꦂ꧈ꦧꦿꦩ꧀ꦧꦁꦱꦼꦥꦿꦥꦠ꧀꧈꧇ꦩꦁꦏꦺꦴꦤꦺꦴꦮꦺꦴꦭꦮꦭꦶꦲꦁꦒꦺꦴꦤꦺꦔꦿꦥꦭ꧀ꦏꦧꦺꦃꦧ꧀ꦭꦤ꧀ꦗꦤꦺ꧉

꧋ꦩꦏ꧀ꦗꦼꦒꦒꦶꦒ꧀ ꦭꦒꦶꦲꦤ꧀ꦗꦁꦏꦃꦫꦺꦴꦁꦔꦠꦸꦱ꧀ꦩꦺꦠꦼꦂꦱꦏꦏꦢꦺꦴꦃꦲꦤ꧀ꦏꦠꦺꦴꦤ꧀ꦥꦏ꧀ꦦꦂꦠꦺꦴꦱꦶꦁꦒꦭꦏ꧀꧈ꦱꦏꦶꦁꦒꦭꦏ꧀ꦏꦺꦲꦶꦁꦏꦺꦴꦤꦺꦴꦢꦶꦲꦫꦤ꧀ꦤꦶꦦꦂꦠꦺꦴꦲꦩ꧀ꦧꦺꦮꦺꦃ꧉ꦯꦸꦩꦶꦱꦏꦭꦥꦸꦕꦼꦠ꧀ꦏꦺꦭꦶꦁꦔꦤ꧀ꦕꦿꦶꦠꦤꦺꦮꦺꦴꦁꦮꦺꦴꦁꦱꦶꦁꦢꦶꦕ꧀ꦭꦛꦸꦥꦏ꧀ꦦꦂꦠꦺꦴ꧉ꦤꦭꦶꦏꦮꦶꦱ꧀ꦕꦼꦣꦏ꧀ ꦥꦏ꧀ꦦꦂꦠꦺꦴꦠꦏꦺꦴꦤ꧀

꧋꧇ꦲꦉꦥ꧀ꦤꦺꦁꦔꦼꦤ꧀ꦢꦶ꧈ꦒꦼꦤ꧀ꦝꦸꦏ꧀?꧉

꧋ꦱꦏꦶꦁꦔꦺꦮꦺꦭ꧀ꦭꦺ꧈ꦯꦸꦩꦶꦱꦶꦁꦭꦠꦃꦧꦤ꧀ꦗꦸꦂꦱꦸꦩꦲꦸꦂ꧈꧇ꦲꦗꦼꦁꦠꦸꦩ꧀ꦧꦱ꧀ꦭꦶꦱꦃꦲꦩ꧀ꦧꦺꦮꦺꦃ꧇꧉

꧋ꦱꦏꦭꦥꦏ꧀ꦦꦂꦠꦺꦴꦩꦿꦶꦥꦠ꧀ꦠꦺꦩꦼꦤ꧀ꦢꦼꦭꦶꦏ꧀ ꦯꦸꦩꦶꦗꦿꦤ꧀ꦛꦭ꧀ ꦩ꧀ꦭꦪꦸꦧꦭꦶꦏ꧀ꦩꦸꦭꦶꦃ꧉ꦠꦼꦏꦤ꧀ꦢꦊꦩ꧀ꦩꦺꦧꦸꦮꦃꦪꦸꦭꦁꦱꦸꦁꦣꦺꦥꦿꦺꦴꦏ꧀ꦫꦲꦶꦤꦺꦥꦸꦕꦼꦠ꧀꧈ꦧꦸꦮꦃꦪꦸꦏꦒꦼꦠ꧀ꦏꦺꦴꦏ꧀ꦕꦼꦥꦼꦠ꧀ꦲꦺꦴꦭꦺꦃꦲꦺꦧ꧀ꦭꦤ꧀ꦗꦤꦔꦶꦁꦏꦺꦴꦏ꧀ꦲꦺꦴꦫꦒꦮꦲꦥꦲꦥ꧉

꧋ꦱꦮꦶꦱ꧀ꦱꦺꦔꦺꦴꦩ꧀ꦧꦺꦧꦚꦸꦥꦸꦠꦶꦃ꧈ꦯꦸꦩꦶꦧꦤ꧀ꦗꦸꦂꦕꦿꦶꦠꦪꦺꦤ꧀ꦤꦺꦁꦢꦭꦤ꧀ꦏꦼꦥꦼꦛꦸꦏ꧀ꦥꦏ꧀ꦦꦂꦠꦺꦴꦲꦩ꧀ꦧꦺꦮꦺꦃꦱꦶꦁꦒꦭꦏ꧀꧈ꦲꦺꦴꦫꦱꦼꦔꦗꦔꦺꦴꦩꦺꦴꦁꦲꦉꦥ꧀ꦠꦸꦏꦸꦭꦶꦱꦃꦲꦩ꧀ꦧꦺꦮꦺꦃꦤꦭꦶꦏꦢꦶꦠꦏꦺꦴꦤ꧀ꦤꦶꦥꦏ꧀ꦦꦂꦠꦺꦴ꧉

꧋꧇ꦲꦸꦮꦮꦲꦲꦲ꧉꧉꧉꧇꧈ꦧꦸꦮꦃꦪꦸꦒꦸꦩꦸꦗꦼꦁꦲꦺꦴꦫꦲꦸꦮꦶꦱ꧀ꦲꦸꦮꦶꦱ꧀꧈ꦲꦺꦴꦮꦭꦃꦲꦤꦲꦤꦧꦲꦺ꧉

 

*****

*꧊ꦩꦢꦶꦪꦸꦤ꧀꧇꧑꧒꧇ꦄꦥꦿꦶꦭ꧀꧇꧒꧐꧒꧒꧇꧉

*꧋ꦮꦶꦱ꧀ꦤꦠꦺꦏꦥꦕꦏ꧀ꦲꦶꦁꦏꦭꦮꦂꦠꦶ꧇ꦗꦪꦧꦪ꧇ꦤꦺꦴꦩꦼꦂ꧇꧒꧔꧇ꦦꦺꦧꦿꦸꦲꦫꦶ꧇꧒꧐꧒꧔꧇ꦏꦕ꧇꧔꧘꧇ꦫꦸꦧꦿꦶꦏ꧀ꦲꦤꦲꦤꦧꦲꦺ꧉

Leave a Reply

Your email address will not be published. Required fields are marked *