ꦏꦼꦤꦥꦿꦺꦁꦄ꧈ꦠ꧈ꦩ꧈

17 March 2024 | 118 kali
Cerkak By : Dyah Kurniawati

ꦏꦼꦤꦥꦿꦺꦁꦄ꧈ꦠ꧈ꦩ꧈

 

KENA PRANK ATM

 

ꦢꦺꦤꦶꦁ꧇ ꦢꦾꦃꦏꦸꦂꦤꦶꦪꦮꦠꦶ
 Dening: Dyah Kurniawati

 

꧋ꦩꦲꦸꦲꦺꦱꦸꦏ꧀ꦱꦶꦱꦶꦃꦲꦤ꧀ꦏꦸꦩꦼꦠꦸꦲꦏꦸꦩꦼꦱꦶꦱꦤ꧀ꦤꦶꦠꦶꦥ꧀ꦲꦤ꧀ꦗꦸꦥꦸꦏ꧀ꦝꦸꦮꦶꦠ꧀ꦤꦺꦁꦄ꧈ꦠ꧈ꦩ꧉ꦠꦼꦏꦤ꧀ꦲꦺꦴꦩꦃꦣꦺꦮꦺꦏ꧀ꦏꦺꦏꦤ꧀ꦝꦏꦺꦴꦏ꧀ꦝꦸꦮꦶꦠ꧀ꦏꦸꦱꦭ꧀ꦝꦺꦴꦤꦺꦲꦺꦴꦫꦚꦸꦏꦸꦥ꧀ꦥꦶ꧉ꦮꦶꦱ꧀ꦥꦶꦤ꧀ꦝꦃꦄ꧈ꦠ꧈ꦩ꧈ꦠꦼꦠꦼꦥ꧀ꦮꦲꦺ꧉ꦲꦠꦶꦏꦸꦩꦏ꧀ꦠꦿꦠꦧ꧀꧈ꦭꦁꦱꦸꦁꦔꦼꦣꦿꦺꦴꦥ꧀꧈ꦏꦩꦁꦏꦧꦪꦂꦮꦸꦭꦤ꧀ꦲꦶꦏꦶꦭꦁꦱꦸꦁꦩ꧀ꦭꦼꦧꦸꦄ꧈ꦠ꧈ꦩ꧈ꦢꦸꦫꦸꦁꦏꦼꦱꦼꦁꦒꦺꦴꦭ꧀ꦧꦧꦂꦧ꧀ꦭꦱ꧀꧈ꦧꦤ꧀ꦗꦸꦂꦤꦺꦁꦔꦼꦤ꧀ꦢꦶꦥꦫꦤ꧀ꦤꦺꦣꦸꦮꦶꦠ꧀ꦏꦸ?ꦗꦼꦭꦭꦃꦩ-ꦧꦺꦁꦏꦶꦁꦏꦸꦏꦼꦧ꧀ꦭꦺꦴꦏꦶꦂ ꦲꦉꦥ꧀ꦔꦸꦫꦸꦱ꧀ꦩꦊꦱ꧀ꦲꦤ꧀ꦠꦿꦤꦺ꧉ꦠꦸꦂꦱꦏꦱ꧈ꦩ꧈ꦱ꧈ꦧꦺꦁꦏꦶꦁꦲꦸꦒꦲꦺꦴꦫꦲꦤꦭꦥꦺꦴꦂꦫꦤ꧀ꦝꦸꦮꦶꦠ꧀ꦩꦼꦠꦸ꧉

꧋ꦏꦫꦺꦴꦣꦼꦊꦒ꧀ꦝꦼꦊꦒ꧀ꦏꦠꦺꦴꦤ꧀ꦏꦼꦩ꧀ꦭꦶꦮꦼꦂꦠꦒꦶꦃꦲꦤ꧀ꦲꦶꦏꦶ꧈ꦠꦒꦶꦃꦲꦤ꧀ꦏꦲꦺ꧈ꦠꦒꦶꦃꦲꦤ꧀ꦲꦶꦏꦸ꧉꧉꧉ꦮꦣꦸꦃꦒꦺꦏ꧀ꦥꦶꦪꦺꦲꦶꦏꦶꦩꦼꦁꦏꦺꦴ꧉ꦱ꧀ꦮꦮꦤꦲꦠꦶꦏꦸꦩꦁꦏꦺꦴꦤꦺꦴꦲꦤ꧀ꦗꦸꦫꦸꦁꦲꦏꦸꦒꦩ꧀ꦥꦁꦔꦺꦴꦩꦺꦭ꧀ꦔꦺꦴꦩꦺꦭ꧀ ꦮꦺꦴꦁꦱꦲꦺꦴꦩꦃꦥꦣꦏꦼꦤꦱꦼꦩ꧀ꦥꦿꦺꦴꦠ꧀ ꦲꦺꦴꦫꦲꦤꦱꦶꦁꦮꦤꦶꦕꦼꦩꦸꦮꦶꦠ꧀꧈

꧋ꦏꦭꦮꦤ꧀ꦲꦠꦶꦩꦁꦏꦼꦭ꧀ ꦲꦏꦸꦩꦼꦚꦁꦏꦤ꧀ꦠꦺꦴꦂꦧꦁꦕꦼꦣꦏ꧀ꦥꦱꦂ꧉ꦲꦤ꧀ꦠꦿꦶꦤꦺꦧꦾꦸꦃ꧉꧉꧉ꦔꦭꦃꦲꦏꦺꦲꦲꦸꦣꦶꦱꦶꦆꦤ꧀ꦝꦤꦺꦱꦾꦆꦣꦺꦴꦭ꧀꧈ꦱꦶꦢꦤꦺꦩꦺꦴꦠꦺꦴꦂꦠꦏ꧀ꦧꦤ꧀ꦝꦁꦩꦼꦚꦁꦏꦤ꧀ꦠꦺꦴꦂꦧꦁꦱꦶꦁꦢꦏ꧀ꦲꦁꦒꦼꦥ꧀ꦱꦼꦥꦶ꧉ꦤꦔꦶꦁꦠꦶꦧꦏ꧀ꦏꦺꦗꦱ꧀ꦧꦸꦏ꧀ꦲꦶꦏꦼꦠ꧀ ꦧ꧀ꦭꦁꦏꦺꦴꦤꦁ꧈ꦱꦩꦗꦸꦒꦱꦩꦶꦩꦮꦺꦴꦤ꧀꧈

꧋ꦪꦮꦶꦱ꧀ꦭꦃ꧈ꦏꦤ꧀ꦛꦶꦏꦼꦥꦼꦏ꧀ꦱꦲꦏꦸꦗꦸꦥꦸꦏ꧀ꦲꦤ꧀ꦠꦿꦶꦪꦤ꧀ꦩꦼꦱꦶꦱꦤ꧀ꦤꦸꦤꦸꦠ꧀ꦔꦶꦪꦸꦥ꧀ꦭꦤ꧀ꦔꦣꦼꦩ꧀꧈ꦭꦸꦩꦪꦤ꧀ꦥꦤꦱ꧀ꦱꦺꦲꦠꦶꦏꦸꦱꦶꦁꦏꦼꦩꦿꦺꦴꦥꦺꦴꦏ꧀ꦢꦶꦠꦺꦥꦱ꧀ꦱꦶꦄ꧈ꦕ꧈ꦢꦢꦶꦫꦢꦩꦔꦼꦠ꧀ꦩꦔꦼꦠ꧀ꦱꦶꦛꦶꦏ꧀꧈ꦏꦫꦺꦴꦚꦮꦁꦠꦺꦭ꧀ꦭꦼꦂꦱꦶꦁꦧꦼꦤꦶꦁꦧꦼꦤꦶꦁꦲꦏꦸꦧꦤ꧀ꦗꦸꦂꦲꦶꦱꦼꦁꦩꦫꦤꦺꦁꦄ꧈ꦠ꧈ꦩ꧈ꦱꦶꦁꦲꦤꦲꦶꦁꦫꦸꦮꦁꦔꦤ꧀ꦲꦶꦏꦸ꧉ꦲ꧀ꦭꦏꦺꦴꦏ꧀ꦠꦶꦧꦏ꧀ꦏꦺꦣꦸꦮꦶꦠ꧀ꦏꦸꦧꦭꦶꦏ꧀ꦩꦤꦺꦃꦲꦸꦠꦸꦃ꧉ꦮꦭꦃ꧉꧉꧉꧉

꧋ꦒꦒꦺꦣꦸꦮꦶꦠ꧀ꦲꦶꦁꦄ꧈ꦠ꧈ꦩ꧈ꦢꦏ꧀ꦱꦼꦣꦺꦴꦠ꧀ꦲꦏꦸꦧꦧ꧀ꦭꦱ꧀ꦩꦸꦭꦶꦃ꧉ꦲꦺꦴꦫꦔꦸꦫꦸꦱ꧀ꦤꦺꦴꦩꦼꦂꦲꦤ꧀ꦠꦿꦶꦪꦤ꧀ꦏꦸꦩꦲꦸ꧈ꦱꦶꦁꦥꦼꦤ꧀ꦠꦶꦁꦲꦏꦸꦲꦺꦁꦒꦭ꧀ꦠꦼꦏꦤ꧀ꦲꦺꦴꦩꦃꦭꦤ꧀ꦗꦭꦸꦏ꧀ꦱꦼꦥꦸꦫꦩꦫꦁꦮꦺꦴꦁꦱꦲꦺꦴꦩꦃꦱꦶꦁꦮꦶꦱ꧀ꦢꦏ꧀ꦲꦺꦴꦩꦺꦭ꧀ꦭꦶ꧉ꦤꦔꦶꦁꦠꦼꦏꦤ꧀ꦲꦺꦴꦩꦃꦲꦺꦴꦫꦲꦤꦱꦥꦱꦥ꧉

*****

*꧋ꦮꦶꦱ꧀ꦤꦠꦺꦏꦥꦕꦏ꧀ꦲꦶꦁꦏꦭꦮꦂꦠꦶ꧇ꦗꦪꦧꦪ꧇ꦤꦺꦴꦩꦼꦂ꧇꧒꧑꧇ꦗꦤꦸꦮꦫꦶ꧇꧒꧐꧒꧔꧇ꦏꦕ꧇꧔꧘꧇ꦫꦸꦧꦿꦶꦏ꧀ꦲꦤꦲꦤꦧꦲꦺ꧉

 

Leave a Reply

Your email address will not be published. Required fields are marked *