ꦲꦸꦠꦁꦢꦶꦲꦸꦠꦁ

19 April 2024 | 171 kali
Cerkak By : Dyah Kurniawati

 

ꦲꦸꦠꦁꦢꦶꦲꦸꦠꦁ

 

UTANG DIUTANG

 

ꦢꦺꦤꦶꦁ꧇ ꦢꦾꦃꦏꦸꦂꦤꦶꦪꦮꦠꦶ

Dening: Dyah Kurniawati

 

꧋ꦢꦺꦤꦶꦲꦣꦶꦏꦸꦫꦒꦶꦭ꧀ꦧꦺꦔꦶꦧꦼꦔꦶꦩꦫꦤꦺꦁꦲꦺꦴꦩꦃꦏꦸꦱꦥꦼꦂꦭꦸꦤꦼꦩ꧀ꦧꦸꦁꦣꦸꦮꦶꦠ꧀ꦥꦶꦠꦸꦁꦪꦸꦠ꧈ꦏꦁꦒꦺꦴꦠꦩ꧀ꦧꦃꦲꦤ꧀ꦤꦼꦧꦱ꧀ꦕꦼꦁꦏꦺꦃ꧉ꦗꦤ꧀ꦗꦶꦤꦺꦲꦉꦥ꧀ꦢꦶꦧꦭꦺꦏ꧀ꦤꦺꦩꦶꦁꦒꦸꦔꦉꦥ꧀ꦱꦮꦶꦱ꧀ꦱꦺꦕꦼꦁꦏꦺꦃꦲꦺꦢꦶꦱꦼꦠꦺꦴꦂꦏꦺꦥꦧꦿꦶꦏ꧀꧈ꦲ꧀ꦭꦢꦭꦃ꧈ꦠꦶꦧꦏꦺꦧꦉꦁꦲꦉꦥ꧀ꦢꦶꦱꦼꦠꦺꦴꦂꦏꦺꦉꦒꦕꦼꦁꦏꦺꦃꦩꦸꦣꦸꦤ꧀ꦲꦺꦴꦫꦱꦪꦩꦸꦤ꧀ꦝꦏ꧀ꦤꦔꦶꦁꦩꦭꦃꦲꦤ꧀ ꦗ꧀ꦭꦺꦴꦒ꧀ꦠꦼꦫꦸꦱ꧀꧈ꦱꦶꦢꦤꦺꦢꦶꦕꦸꦭ꧀ꦏꦺꦏꦤ꧀ꦛꦶꦉꦒꦩꦸꦫꦃ꧈ꦲꦺꦴꦫꦧꦭꦶꦏ꧀ꦩꦺꦴꦣꦭ꧀꧈

꧋ꦲꦏꦸꦩꦺꦭꦸꦧꦶꦔꦸꦁ꧈ꦉꦤ꧀ꦕꦤꦏꦸꦤꦒꦶꦃꦮꦸꦫꦸꦁꦲꦤ꧀ꦢꦼꦊꦁꦧꦺꦴꦕꦃꦲꦺꦔꦭꦩꦸꦤ꧀ꦠꦼꦫꦸꦱ꧀ꦏꦪꦮꦺꦴꦁꦔꦼꦁꦭꦼꦁ꧉ꦏꦩꦁꦏꦣꦸꦮꦶꦠ꧀ꦏꦸꦮꦶꦲꦉꦥ꧀ꦠꦏ꧀ꦲꦁꦒꦺꦴꦗꦒꦤ꧀ꦧꦪꦂꦱ꧈ꦥ꧈ꦥ꧈ꦲꦤꦏ꧀ꦏꦸꦱꦶꦁꦏꦸꦭꦶꦪꦃꦤꦺꦁꦪꦺꦴꦒ꧀ꦪ꧉ꦫꦢꦩꦸꦩꦼꦠ꧀ꦩꦼꦂꦒꦣꦸꦮꦶꦠ꧀ꦠꦧꦸꦁꦔꦤ꧀ꦏꦸꦠꦼꦠꦼꦥ꧀ꦲꦺꦴꦫꦕꦸꦏꦸꦥ꧀꧈

꧋ꦱꦶꦢꦤꦺꦠꦏ꧀ꦮꦤꦺꦏ꧀ꦮꦤꦺꦏ꧀ꦤꦺꦤꦼꦩ꧀ꦧꦸꦁꦱꦶꦩ꧀ꦧꦏ꧀ꦏꦸꦱꦶꦁꦲꦤꦭꦸꦮꦂꦏꦺꦴꦠ꧈ꦚꦶꦭꦶꦃꦠꦼꦭꦸꦁꦪꦸꦠ꧉ꦠꦏ꧀ꦗꦤ꧀ꦗꦺꦤꦶꦢꦏ꧀ꦱꦲꦸꦂꦂꦮꦸꦭꦤ꧀ꦔꦉꦥ꧀ꦪꦺꦤ꧀ꦱꦺꦂꦠꦶꦥꦶꦏꦱꦶꦏꦸꦩꦼꦠꦸ꧉ꦊꦒ꧈ꦣꦸꦮꦶꦠ꧀ꦮꦶꦱ꧀ꦢꦶꦠꦿꦤ꧀ꦱꦥꦼꦂꦤꦺꦁꦠꦧꦸꦁꦔꦤ꧀ꦏꦸ꧉ꦒꦒꦺꦲꦏꦸꦧꦸꦣꦭ꧀ꦤꦺꦁꦧꦁꦧꦧ꧀ꦭꦱ꧀ꦠꦿꦤ꧀ꦱꦥꦼꦂꦧꦪꦂꦱ꧈ꦥ꧈ꦥ꧈꧉

꧋ꦮꦸꦭꦤ꧀ꦕꦤ꧀ꦝꦏ꧀ꦏꦺ꧈ꦏ꧀ꦭꦸꦤ꧀ꦛꦶꦁꦲꦥꦺꦩꦸꦤꦶꦥꦿꦠꦤ꧀ꦝꦩ꧈ꦧꦁꦏꦶꦁꦱꦭ꧀ꦝꦺꦴꦤꦺꦠꦩ꧀ꦧꦃ꧉ꦤꦶꦪꦠ꧀ꦏꦸꦲꦉꦥ꧀ꦭꦁꦱꦸꦁꦲꦤ꧀ꦢꦸꦢꦸꦭ꧀ꦧꦭꦺꦏ꧀ꦤꦺꦣꦸꦮꦶꦠ꧀ꦠꦺꦱꦶꦩ꧀ꦧꦏ꧀ꦏꦸꦠꦼꦭꦸꦁꦪꦸꦠꦱꦶꦁꦠꦏ꧀ꦱꦶꦭꦶꦃꦮꦸꦭꦤ꧀ꦮꦶꦔꦶ꧉ꦭꦒꦶꦧꦲꦺꦔꦿꦁꦒꦺꦃꦲꦥꦺꦱꦏꦩꦺꦗ꧈ꦲꦤꦮ꧈ꦄ꧈ꦩ꧀ꦭꦼꦧꦸꦱꦏꦲꦣꦶꦏꦸꦱꦶꦁꦗꦼꦤꦼꦁꦔꦺꦫꦠ꧀ꦤ꧉ꦧꦺꦴꦕꦃꦲꦺꦱꦩ꧀ꦧꦠ꧀ꦲꦉꦥ꧀ꦧꦪꦂꦕꦶꦕꦶꦭ꧀ꦭꦤ꧀ꦲꦺꦴꦩꦃꦤꦔꦶꦁꦄ꧈ꦠ꧈ꦩ꧈ꦏꦼꦧ꧀ꦭꦺꦴꦏꦶꦂ꧉ꦲꦶꦤ꧀ꦠꦶꦤꦺꦤꦼꦩ꧀ꦧꦸꦁꦣꦸꦮꦶꦠ꧀ꦫꦺꦴꦁꦪꦸꦠꦱꦼꦠꦼꦔꦃ꧈ꦢꦶꦧꦭꦼꦏ꧀ꦤꦺꦱꦼꦤꦶꦤ꧀ꦤꦸꦁꦒꦸꦧꦸꦏꦏꦺꦧꦁꦲꦉꦥ꧀ꦔꦸꦫꦸꦱ꧀ ꦄ꧈ꦠ꧈ꦩ꧉

꧋ꦱꦶꦢꦤꦺꦮꦸꦫꦸꦁꦲꦺꦴꦭꦺꦃꦏꦸꦚꦲꦸꦂꦱꦶꦩ꧀ꦧꦏ꧀ꦏꦸ꧈ꦤꦔꦶꦁꦲꦏꦸꦮ꧈ꦄꦣꦶꦱꦶꦏ꧀ꦪꦺꦤ꧀ꦝꦸꦮꦶꦠ꧀ꦱꦶꦁꦲꦉꦥ꧀ꦠꦏ꧀ꦱꦲꦸꦂꦏꦺꦢꦶꦱꦶꦭꦶꦃꦫꦠ꧀ꦤ꧉ꦱꦶꦩ꧀ꦧꦏ꧀ꦏꦸꦊꦒꦮ꧈ꦥꦶꦪꦺꦩꦤꦺꦃꦗꦼꦤꦼꦁꦔꦺꦏ꧀ꦭꦸꦮꦂꦒ꧉ꦧꦉꦁꦢꦏ꧀ꦥꦶꦏꦶꦂꦲꦥꦲꦶꦏꦶꦱꦶꦁꦢꦶꦲꦫꦤ꧀ꦤꦶꦲꦸꦠꦁꦢꦶꦲꦸꦠꦁꦏꦸꦮꦶꦪ꧈ꦩꦸꦭꦼꦏ꧀꧈

*****
*꧋ꦩꦢꦶꦪꦸꦟ꧀ ꧇꧑꧙꧇ꦄꦥꦿꦶꦭ꧀ ꧇꧒꧐꧒꧔꧇꧉
*꧋ꦮꦶꦱ꧀ꦤꦠꦺꦏꦥꦕꦏ꧀ꦲꦶꦁꦏꦭꦮꦂꦠꦶꦗꦏꦭꦺꦴꦢꦁꦤꦺꦴꦩꦼꦂ꧇꧔꧕-꧔꧖꧇ꦠꦁꦒꦭ꧀ ꧇꧑꧓꧇ꦄꦥꦿꦶꦭ꧀ ꧇꧒꧐꧒꧔꧇ꦫꦸꦧꦿꦶꦏ꧀ꦥꦼꦔꦭꦩꦤ꧀ꦏꦸ,ꦏꦕ꧇꧓꧔꧇꧉

Leave a Reply

Your email address will not be published. Required fields are marked *