ꦩꦺꦠꦺꦴꦣꦺꦔꦧ꧀ꦭꦏ꧀

7 March 2024 | 111 kali
Cerkak By : Dyah Kurniawati

 

 

ꦩꦺꦠꦺꦴꦣꦺꦔꦧ꧀ꦭꦏ꧀

 

METODHE NGABLAK

 

ꦢꦺꦤꦶꦁ꧇ ꦢꦾꦃꦏꦸꦂꦤꦶꦪꦮꦠꦶ
Dening: Dyah Kurniawati

 

꧋ꦢꦶꦤꦲꦶꦏꦶꦲꦸꦭꦔꦤ꧀ꦲꦫꦶꦪꦤ꧀ꦏꦭ꧀ꦱ꧇꧙꧇ꦭ꧈ꦩꦠꦺꦫꦶꦥꦶꦣꦠꦺꦴ(ꦱꦼꦱꦺꦴꦫꦃ)꧉ꦱꦢꦸꦫꦸꦁꦔꦺꦩꦶꦮꦶꦠ꧀ꦠꦶꦲꦁꦒꦫꦥ꧀ꦱꦺꦴꦲꦭ꧀ ꦠꦏ꧀ꦧꦭꦺꦤ꧀ꦤꦶꦩꦤꦺꦃꦏꦤ꧀ꦛꦶꦲꦩ꧀ꦧꦼꦣꦺꦏ꧀ꦏꦶꦧꦺꦴꦕꦃꦧꦺꦴꦕꦃꦔꦺꦭꦶꦁꦔꦏꦺꦩꦠꦺꦫꦶꦱꦶꦁꦮꦶꦱ꧀ꦢꦶꦱꦶꦤꦲꦸ꧉ꦏꦪꦠꦥꦔꦼꦂꦠꦺꦤ꧀ꦤꦺ꧈ꦠꦸꦗꦸꦮꦤ꧀ꦤꦺ꧈ꦗꦶꦤꦶꦱ꧀ꦱꦺ꧈ꦩꦼꦠꦺꦴꦣꦺꦱꦼꦱꦺꦴꦫꦃꦭꦤ꧀ꦭꦶꦪꦭꦶꦪꦤꦺ꧉

꧋ꦱꦮꦶꦱ꧀ꦱꦺꦱꦶꦪꦒ꧈ꦧꦺꦴꦕꦃꦧꦺꦴꦕꦃꦧꦤ꧀ꦗꦸꦂꦩꦶꦮꦶꦠ꧀ꦠꦶꦲꦁꦒꦫꦥ꧀ꦱꦺꦴꦲꦭ꧀꧈ꦏꦠꦺꦴꦤꦲꦁꦒꦼꦛꦸꦤꦸꦭꦶꦱ꧀ꦮꦁꦱꦸꦭ꧀ꦭꦤ꧀ꦲꦶꦁꦏꦼꦂꦠꦱ꧀ꦲꦸꦭꦔꦤ꧀꧈ꦤꦔꦶꦁꦨꦸꦢꦶ꧈ꦩꦸꦫꦶꦢ꧀ꦱꦶꦁꦥꦭꦶꦁꦲꦤ꧀ꦝꦒꦼꦭ꧀ꦭꦤ꧀ꦭꦸꦕꦸꦲꦶꦁꦏꦼꦭꦱ꧀ꦏꦠꦺꦴꦤ꧀ꦲꦸꦱꦽꦒ꧀ꦧꦲꦺ꧉ꦢꦸꦫꦸꦁꦔꦤ꧀ꦠꦶꦱꦼꦥꦸꦭꦸꦃꦩꦼꦤꦶꦠ꧀ꦝꦺꦮꦺꦏ꧀ꦏꦺꦮꦶꦱ꧀ꦩꦗꦸꦏꦫꦺꦴꦲꦁꦒꦮꦒꦫꦥꦤ꧀ꦤꦺ꧉

꧋꧇ꦧꦸ꧈ꦏꦸꦭꦱꦩ꧀ꦥꦸꦤ꧀ꦩꦤ꧀ꦠꦸꦤ꧀꧇ꦏꦤ꧀ꦝꦤꦺꦏꦫꦺꦴꦔꦼꦭꦭꦸꦁꦏꦺꦏꦼꦂꦠꦱ꧀ꦩꦫꦁꦲꦏꦸ꧉

꧋꧇ꦮꦃꦲꦼꦧꦠ꧀ ꦏꦺꦴꦏ꧀ꦕꦼꦥꦼꦠ꧀ꦩꦼꦤ꧀?ꦪꦏꦶꦤ꧀ꦧꦼꦤꦼꦂꦏꦧꦃꦗꦮꦧꦤ꧀ꦩꦸ?ꦢꦶꦠ꧀ꦭꦶꦠꦶꦱꦶꦏ꧀ꦧꦺꦤ꧀ꦲꦺꦴꦭꦺꦃꦱꦠꦸꦱ꧀꧇

꧋꧇ꦗꦼꦭꦱ꧀ꦱꦩ꧀ꦥꦸꦤ꧀ꦠꦧꦸ꧈ꦏꦸꦭꦪꦏꦶꦤ꧀ꦲꦁꦱꦭ꧀ꦧꦶꦗꦶꦱꦼꦠꦸꦁꦒꦭ꧀ꦲꦠꦸꦱ꧀ꦩꦁꦏꦺ꧇꧈ꦨꦸꦢꦶꦩꦁꦱꦸꦭ꧀ꦭꦶꦏꦫꦺꦴꦩꦺꦱꦩ꧀ꦩꦺꦱꦼꦩ꧀ꦏꦊꦒꦤ꧀

꧋꧇ꦱꦶꦏ꧀ꦲꦗꦔꦭꦶꦃ꧈ꦠꦏ꧀ꦠꦼꦭꦶꦠꦶꦤꦺꦒꦫꦥꦤ꧀ꦩꦸ꧇꧈ꦠꦏ꧀ꦕꦤ꧀ꦝꦼꦠ꧀ꦧꦺꦴꦕꦃꦲꦺꦏꦁꦏꦸꦢꦸꦩ꧀ꦭꦪꦸꦗꦗꦤ꧀ ꦲꦩꦼꦂꦒꦫꦩ꧀ꦥꦸꦁꦣꦶꦱꦶꦏꦏ꧀꧈ꦲꦏꦸꦥꦤ꧀ꦕꦺꦤ꧀ꦔꦺꦴꦭꦺꦃꦲꦶꦩꦸꦫꦶꦢ꧀ꦱꦶꦁꦩꦫꦶꦣꦶꦱꦶꦏ꧀ꦝꦺꦮꦺꦗꦗꦤ꧀ꦩꦼꦚꦁꦏꦤ꧀ꦠꦶꦤ꧀ꦱꦼꦏꦺꦴꦭꦃꦏꦫꦺꦴꦔꦼꦤ꧀ꦠꦺꦤ꧀ꦤꦶꦏꦤ꧀ꦕꦏꦤ꧀ꦕꦤꦺꦫꦩ꧀ꦥꦸꦁꦲꦁꦒꦫꦥ꧀ꦲꦸꦭꦔꦤ꧀꧈

꧋꧇ꦲ꧀ꦭꦺꦴꦭꦺ꧈ꦲ꧀ꦭꦲꦶꦏꦶꦲꦥꦏꦺꦴꦏ꧀ꦲꦺꦤꦺꦏ꧀ꦩꦺꦠꦺꦴꦣꦺꦔꦧ꧀ꦭꦏ꧀?꧇ꦲꦏꦸꦏꦒꦺꦠ꧀ꦲꦤ꧀ꦢꦸꦭꦸꦗꦮꦧꦤ꧀ꦤꦺꦨꦸꦢꦶ꧉

꧋꧇ꦤꦶꦏꦸꦩꦏ꧀ꦱꦸꦢ꧀ꦢꦺꦩꦼꦠꦺꦴꦣꦺꦱꦼꦱꦺꦴꦫꦃꦲꦶꦁꦏꦁꦧꦺꦴꦠꦼꦤ꧀ꦩꦮꦶꦲꦥꦭ꧀ꦭꦤ꧀ ꦢꦢꦺꦴꦱ꧀ꦱꦺꦲꦁꦒꦼꦁꦔꦧ꧀ꦭꦏ꧀ꦩꦮꦺꦴꦤ꧀ ꦲꦺ꧉꧉꧉ꦲꦺ꧉꧉꧉꧇

꧋ꦮꦼꦠꦼꦁꦏꦸꦔꦤ꧀ꦠꦶꦭꦫꦔꦼꦩ꧀ꦥꦼꦠ꧀ꦒꦸꦪꦸ꧉ꦱꦏꦼꦭꦱ꧀ꦫꦩꦺꦲꦁꦒꦸꦪꦸꦏꦼꦏꦼꦭ꧀ꦚꦮꦁꦨꦸꦢꦶꦤꦼꦫꦁꦔꦏꦺꦏꦤ꧀ꦛꦶꦱꦼꦫꦶꦪꦸꦱ꧀ꦭꦤ꧀ꦥꦼꦂꦕꦪꦣꦶꦫꦶ꧉ꦲꦥꦠꦸꦩꦺꦴꦤ꧀ ꦩꦼꦠꦺꦴꦣꦺꦱꦼꦱꦺꦴꦫꦃꦏꦺꦴꦏ꧀ꦲꦤꦩꦺꦠꦺꦴꦣꦺꦔꦧ꧀ꦭꦏ꧀ꦧꦫꦁ꧉

 

*****

*꧊ꦩꦢꦶꦪꦸꦤ꧀꧇꧔꧇ꦗꦤꦸꦮꦫꦶ꧇꧒꧐꧒꧔꧇꧉

*꧋ꦮꦶꦱ꧀ꦤꦠꦺꦏꦥꦕꦏ꧀ꦲꦶꦁꦏꦭꦮꦂꦠꦶ꧇ꦥꦤ꧀ꦗꦼꦧꦂꦱꦼꦩꦔꦠ꧀꧇ꦤꦺꦴꦩꦼꦂ꧇꧑꧐꧇ꦩꦉꦠ꧀꧇꧒꧐꧒꧔꧇ꦏꦕ꧇꧔꧖꧇ꦫꦸꦧꦿꦶꦏ꧀ꦲꦥꦠꦸꦩꦺꦴꦤ꧀?꧉

Leave a Reply

Your email address will not be published. Required fields are marked *