ꦠꦽꦰ꧀ꦟꦏꦒꦮꦴꦔ꧀ꦰ꧀ꦭꦸꦥꦺꦱꦤ꧀ꦢꦾꦮꦺꦭ

21 December 2023 | 84 kali
Cerkak By : Haikal Fatur Rozi Mustofa

 ꦠꦽꦰ꧀ꦟꦏꦒꦮꦴꦔ꧀ꦰ꧀ꦭꦸꦥꦺꦱꦤ꧀ꦢꦾꦮꦺꦭ

 

ꦢꦺꦤꦶꦁꦢꦾꦃꦏꦸꦫ꧀‍ꦟ꧀ꦚ

ꦅꦁꦏꦺꦤꦺꦔꦸꦤ꧀ꦠꦲꦏꦺꦲꦔ꧀ꦰ꧀ꦭꦸꦥꦺꦱꦤ꧀ꦢꦾꦮꦺꦭ

ꦱꦤ꧀ꦢꦾꦮꦺꦭꦏꦁꦔ꧀ꦒꦮꦱꦏꦺꦲꦶꦁꦕꦿꦶꦠ

ꦕꦿꦶꦠꦏꦁꦠꦤ꧀ꦰꦃꦏꦒꦮ

ꦏꦲꦺꦢꦼꦊꦔꦼꦤꦶꦱꦶꦲꦤꦥꦥꦝꦔꦶꦁꦕꦤ꧀ꦢꦿ

ꦥꦿꦠꦟ꧀ꦝꦲꦶꦱꦶꦲꦤꦏꦁꦧꦏꦭ꧀ꦠꦼꦏ

ꦒꦸꦱ꧀ꦠꦶꦮꦶꦱ꧀ꦥꦫꦶꦁꦢꦭꦤ꧀ꦏꦔ꧀ꦒꦺꦴꦏꦶꦠ

ꦱꦶꦁꦱꦧꦫ꧀‍ꦔꦝꦼꦥꦶꦱꦏꦧꦺꦲꦶꦁꦕꦺꦴꦧ

ꦱꦤ꧀ꦢꦾꦮꦺꦭꦏꦁꦠꦼꦏꦤꦺꦩꦸꦁꦱꦼꦝꦺꦭ

ꦏꦱꦸꦭꦶꦱ꧀ꦠꦾꦤꦺꦩꦸꦁꦱꦏꦼꦝꦺꦥꦶꦁꦤꦺꦠꦿ

ꦱꦤ꧀ꦢꦾꦮꦺꦭꦏꦁꦒꦼꦒꦸꦭꦁꦩꦤꦸꦔ꧀ꦰꦏꦸꦢꦸꦊꦒꦮ

ꦊꦒꦮꦤꦭꦶꦏꦤꦺꦲꦠꦶꦏꦸꦏꦛꦸꦠ꧀ꦏꦒꦮꦴꦔ꧀ꦰ꧀ꦭꦸꦥꦺꦱꦤ꧀ꦢꦾꦮꦺꦭ

ꦊꦒꦮꦤꦭꦶꦏꦤꦺꦱ꧀ꦭꦶꦫꦩꦸꦢꦶꦒꦟ꧀ꦝꦺꦁꦮꦺꦴꦁꦭꦶꦪ

ꦱꦤꦗꦤ꧀ꦭꦫꦤꦺꦭꦫꦤꦼꦩ꧀‍ꦧꦸꦱ꧀ꦗꦿꦺꦴꦤꦶꦁꦝꦝ

ꦩꦸꦒꦾꦧꦒꦾꦩꦸꦭꦾꦔꦤ꧀ꦠꦶꦥꦸꦥꦸꦠꦶꦁꦪꦸꦯ꧀ꦮ

ꦧꦒꦸꦱ꧀‍ꦚꦺꦭꦺꦲꦏꦺꦥꦸꦭ꧀ꦥꦺꦤꦺꦲꦶꦁꦝꦸꦮꦸꦫ꧀‍ꦏꦼꦫ꧀‍ꦠ꧀ꦠꦱ꧀ꦏꦫꦺꦴꦢꦿꦺꦴꦢꦺꦴꦱꦤ꧀꧉ꦌꦭꦸꦃꦤꦼꦊꦱꦶꦏꦼꦫ꧀‍ꦠ꧀ꦠꦱ꧀ꦏꦁ‍ꦲꦶꦱꦶꦤꦺꦒꦸꦫꦶꦠ꧀ꦥꦚ꧀ꦗꦼꦫꦶꦠꦺꦧꦠꦶꦤ꧀꧉ꦧꦚꦸꦩꦠꦏꦁꦠꦤ꧀ꦰꦃꦠꦸꦩꦺꦠꦱ꧀ꦰꦮꦶꦱꦺꦮꦼꦫꦸꦃꦥꦸꦥꦸꦗꦤꦺꦲꦠꦶꦢꦶꦭꦩꦫ꧀‍ꦮꦺꦴꦁꦭꦶꦪ꧉ꦎꦫꦱꦸꦩ꧀‍ꦧꦸꦠ꧀ꦏꦫꦺꦴꦗꦼꦤꦼꦁꦭꦤ꧀ꦢꦼꦢꦼꦒꦺꦱꦶꦁꦒꦼꦝꦺꦝꦸꦮꦸꦫ꧀꧉ꦗꦫꦺꦏꦚ꧀ꦕꦏꦚ꧀ꦕꦤꦺꦏ꧀ꦗꦸꦭꦸꦏꦶ꧋ꦧꦺꦴꦝꦶꦱꦸꦥꦼꦫ꧀‍ꦩꦺꦤ꧀ꦤꦶꦔꦠꦶꦤꦺꦲꦺꦭꦺꦴꦏꦶꦠꦶ꧋꧉

ꦱꦗꦺꦴꦒꦺꦥꦿꦮꦱ꧀ꦠꦮꦲꦶꦁꦢꦶꦤꦗꦼꦩꦸꦮꦲꦶꦏꦸꦧꦒꦸꦱ꧀ꦢꦢꦶꦤꦔꦶꦱꦤ꧀ꦏꦪꦧꦺꦴꦕꦃꦕꦶꦭꦶꦏ꧀ꦔꦿꦺꦔꦺꦏ꧀‍ꦚꦸꦮꦸꦤ꧀ꦢꦺꦴꦭꦤꦤꦺꦴꦫꦢꦶꦠꦸꦏꦺꦴꦏꦏꦺ꧉ꦤꦶꦁꦱꦶꦁꦢꦶꦥꦺꦔꦶꦤꦶꦢꦸꦢꦸꦢꦺꦴꦭꦤꦤ꧀ꦤꦔꦶꦁꦏꦠꦽꦰ꧀ꦟꦤ꧀꧉ꦠꦽꦰ꧀ꦟꦤꦺꦲꦺꦴꦫꦏꦠꦼꦏꦤ꧀ꦰꦼꦢꦾꦤꦺꦩꦸꦁꦻꦴ꧊꧊ꦢꦶꦥꦼꦟ꧀ꦝꦼꦩꦶꦔꦠꦶ꧉ꦈꦫꦸꦁꦔꦤ꧀ꦠꦶꦢꦶꦮꦼꦝꦫꦏꦺꦫꦱꦱꦶꦁꦏꦥꦼꦟ꧀ꦝꦼꦩꦶꦏꦸꦗꦸꦒꦫ꧀‍ꦠꦼꦔꦃꦢꦭꦤ꧀꧉ꦥꦶꦏꦶꦫꦤꦺꦠꦼꦩ꧀ꦭꦮꦸꦔꦢꦺꦴꦲꦶꦁꦗꦧꦗꦼꦤ꧀ꦢꦺꦭꦱꦶꦁꦠꦼꦩ꧀‍ꦧꦸꦱ꧀ꦰꦮꦃꦩ꧀‍ꦧꦸꦫ꧀‍ꦪꦺꦴꦩꦃ꧉ꦈꦢꦤꦿꦶꦮꦶꦱꦿꦶꦮꦶꦱ꧀ꦤꦩ꧀‍ꦧꦲꦶꦥꦔꦿꦱꦤꦺꦠꦤ꧀ꦰꦪꦏꦲꦶꦫꦶꦱꦶꦫꦶꦱ꧀꧉ꦄꦃ꧉꧉꧉

ꦧꦒꦸꦱꦺꦴꦫꦲꦺꦭꦶꦁꦏꦥꦤ꧀ꦮꦶꦮꦶꦠꦤꦺꦱꦼꦤꦼꦁꦏꦫꦺꦴꦮꦶꦏꦤ꧀ꦠꦔ꧀ꦒꦏꦶꦢꦸꦭꦺꦴꦩꦲꦶꦏꦸ꧉ꦱꦤꦗꦤꦺꦴꦫꦱꦧꦫꦏꦤ꧀ꦤꦔꦶꦁꦫꦱꦠꦽꦰ꧀ꦟꦲꦶꦏꦶꦱꦪꦤ꧀ꦢꦢꦿ꧉ꦧꦺꦴꦕꦃꦮꦢꦺꦴꦤ꧀ꦥꦮꦏꦤ꧀ꦊꦚ꧀ꦕꦶꦫꦶꦏꦸꦱꦏ꧀ꦗꦤꦺꦲꦺꦴꦫꦴꦪꦸꦤꦶꦔꦶꦉꦁꦩꦤꦶꦱ꧀꧉ꦕꦶꦭꦶꦏꦤꦺꦢꦶꦒꦺꦟ꧀ꦝꦺꦴꦔꦶꦱꦲꦶꦏꦶꦩꦭꦃꦩ꧀‍ꦧꦺꦢꦴꦠꦶ꧉ꦈꦩꦸꦫꦺꦭꦸꦮꦶꦲꦤꦺꦴꦩ꧀꧇꧕꧇ꦠꦲꦸꦤ꧀ꦏꦫꦺꦴꦝꦺꦮꦺꦏꦺ꧉

ꦫꦱꦲꦶꦏꦸꦮꦶꦮꦶꦠ꧀ꦰꦼꦩꦶꦤꦭꦶꦏꦴꦱꦿꦶꦁꦔ꧀ꦒꦺꦴꦝꦤꦶꦮꦶꦏꦤ꧀ꦏꦁꦫꦩ꧀‍ꦧꦸꦠꦺꦧꦿꦶꦤ꧀ꦠꦶꦏꦶꦏꦸ꧉ꦧꦶꦪꦺꦤ꧀ꦰꦼꦤꦼꦁꦚꦼꦒꦠꦾꦺꦤ꧀ꦮꦶꦏꦤ꧀ꦔ꧀ꦭꦶꦮꦠꦾꦺꦴꦩꦲꦺꦏꦁꦏꦼꦭꦺꦠꦤ꧀꧇꧕꧇ꦎꦩꦲꦶꦏꦸ꧉ꦪꦺꦤ꧀ꦮꦶꦱ꧀ꦮꦼꦫꦸꦃꦏ꧀ꦭꦺꦝꦔꦺꦧꦺꦴꦕꦲꦶꦉꦁꦩꦤꦶꦱꦶꦏꦸꦩꦼꦰ꧀ꦛꦶꦩ꧀‍ꦧꦺꦢ꧋ꦏꦿꦶꦮꦸꦭ꧀꧈꧈꧈ꦏꦿꦶꦮꦸꦭ꧀꧈꧈꧈ꦏꦿꦶꦮꦸꦭ꧈꧈꧈꧋꧉ꦭꦤ꧀ꦥꦝꦠꦤꦺꦱꦶꦮꦶꦏꦤ꧀‍ꦧꦚ꧀ꦗꦸꦫ꧀‍ꦩꦏ꧀ꦱ꧀ꦭꦺꦪꦺꦴꦠ꧀ꦩ꧀ꦭꦪꦸꦩ꧀‍ꦧꦭꦏꦺꦴꦫꦱꦶꦢꦭꦶꦮꦠꦺꦴꦩꦲꦺꦧꦒꦸꦱ꧀꧉ꦅꦏꦸꦮꦶꦱ꧀‍ꦧꦶꦱꦒꦮꦺꦩꦉꦩꦺꦲꦠꦶꦤꦺꦧꦒꦸꦱ꧀꧈ꦱꦼꦤꦼꦁꦤ꧀ꦢꦼꦊꦁꦥ꧀ꦭꦺꦫꦺꦴꦏꦤ꧀ꦏꦫꦺꦴꦩꦼꦕꦸꦕꦸꦤꦺ꧉ꦄꦩꦫ꧀‍ꦒ꧀ꦒꦴꦱꦿꦶꦁꦔꦼꦭꦺꦴꦏ꧀ꦤꦺꦲꦶꦏꦸꦮꦸꦱꦤꦤꦺꦏꦼꦤꦏꦸꦠꦸꦏꦤ꧀‍ꦧꦚ꧀ꦗꦸꦫ꧀‍ꦏꦠꦺꦴꦤ꧀ꦏꦠꦺꦴꦤꦼꦤ꧀ꦰꦧꦼꦤ꧀ꦰꦏ꧀ꦏꦼꦝꦺꦥꦺꦤꦺꦠꦿ꧉

ꦤꦭꦶꦏꦠꦽꦰ꧀ꦟꦤꦺꦤꦺꦝꦺꦁꦤꦺꦝꦺꦔꦺꦩꦼꦏꦫ꧀‍ꦧꦒꦸꦱ꧀ꦏꦼꦥꦼꦏ꧀ꦱꦏꦺꦴꦱꦶꦁꦏꦸꦛꦭꦤ꧀ꦩꦸꦭꦶꦃꦏꦩ꧀ꦥꦸꦁꦱꦼꦩꦶꦔ꧀ꦒꦸꦥꦶꦱꦤ꧀꧉ꦭꦤꦶꦏꦸꦚ꧀ꦗꦭꦫ꧀‍ꦪꦫꦁꦤ꧀ꦢꦼꦊꦁꦥ꧀ꦭꦺꦫꦺꦴꦏꦤ꧀ꦏꦫꦺꦴꦩꦼꦕꦸꦕꦸꦤꦺꦮꦶꦏꦤ꧀꧉ꦤꦭꦶꦏꦲꦶꦏꦸꦮꦶꦏꦤꦶꦱꦶꦃ‍꧈ꦱ꧈ꦝ꧉ꦄꦉꦥ꧀ꦩꦼꦝꦫꦏꦺꦫꦱꦲꦶꦏꦸꦏꦺꦴꦏ꧀ꦢꦸꦫꦸꦁꦮꦪꦲꦺ꧉ꦅꦧꦫꦠꦺꦱꦶꦔꦉꦥ꧀ꦤꦩ꧀ꦥꦠꦽꦰ꧀ꦟꦤꦺꦢꦸꦫꦸꦔꦶꦱꦱꦶꦱꦶ꧈ꦲꦺꦲꦺ꧉ꦱꦮꦶꦱꦺꦭꦸꦭꦸꦱ꧀꧈ꦱ꧈ꦩ꧈ꦄ꧈ꦧꦒꦸꦱ꧀ꦤꦼꦫꦸꦱꦏꦺꦏꦸꦭꦾꦲꦤꦯꦹꦫꦨꦪ꧉ꦭꦤ꧀ꦮꦶꦏꦤ꧀ꦒꦤ꧀ꦠꦶꦤꦼꦫꦸꦱꦏꦺ꧈ꦱ꧈ꦩ꧈ꦄ꧈ꦄꦤꦲꦶꦁꦏꦸꦛꦭꦤ꧀ꦏꦺꦴꦱ꧀꧉ꦗꦼꦭꦭꦃꦏꦸꦭꦾꦲꦺꦲꦺꦴꦫꦭꦸꦭꦸꦱ꧀ꦭꦸꦭꦸꦱꦩꦫ꧀‍ꦒ꧀ꦒꦢꦶꦱꦩ꧀‍ꦧꦶꦚꦩ꧀‍ꦧꦸꦠ꧀ꦒꦮꦺ꧉ꦭꦤ꧀ꦏꦧꦫꦺꦮꦶꦏꦤꦸꦒꦤꦼꦫꦸꦱꦏꦺꦏꦸꦭꦾꦲꦶꦁꦯꦹꦫꦨꦪ꧉

ꦧꦒꦸꦱ꧀ꦮꦶꦮꦶꦠ꧀ꦒꦺꦴꦭꦺꦏ꧀ꦰꦶꦱꦶꦏ꧀ꦩꦼꦭꦶꦏ꧀ꦏꦺꦴꦱꦤꦺꦮꦶꦏꦤ꧀꧉ꦭꦤ꧀ꦠꦶꦧꦏꦺꦕꦼꦝꦏ꧀‍ꦧꦔꦼꦠ꧀ꦏꦫꦺꦴꦥꦔ꧀ꦒꦺꦴꦤꦤꦺꦏꦼꦫ꧀‍ꦗ꧀ꦗ꧉ꦧꦺꦴꦭꦧꦭꦶꦪꦺꦤ꧀ꦮꦪꦃꦥꦿꦺꦲꦶꦏꦼꦫ꧀‍ꦗ꧀ꦗꦧꦒꦸꦱ꧀ꦰ꧀ꦭꦶꦮꦼꦫꦤꦤꦲꦶꦁꦱꦕꦼꦝꦏꦺꦏꦩ꧀ꦥꦸꦱꦺꦮꦶꦏꦤ꧀꧉ꦥꦝꦠꦤꦺꦩꦔ꧀ꦏꦭ꧀ꦤꦺꦁꦮꦫ꧀‍ꦤꦺꦠ꧀ꦰꦶꦤꦩ꧀‍ꦧꦶꦔꦼꦠꦶꦏ꧀ꦰ꧀ꦏꦿꦶꦥ꧀ꦰꦶꦱꦶꦁꦏꦫꦶꦫꦺꦮ꦳ꦶꦱꦶ꧉ꦧꦒꦸꦱꦾꦮꦶꦱ꧀ꦤꦠꦺꦔ꧀ꦒꦺꦴꦭꦺꦏꦶꦏꦺꦴꦱꦤꦺꦕꦲꦶꦉꦁꦩꦤꦶꦱꦶꦏꦸ꧈ꦤꦔꦶꦁꦧꦉꦁꦮꦶꦱ꧀ꦠꦼꦏꦤ꧀ꦔꦉꦥ꧀ꦥꦒꦼꦫ꧀‍ꦧꦚ꧀ꦗꦸꦫ꧀‍ꦩꦔꦸꦩꦔꦸ꧈ꦧꦶꦔꦸꦁꦒꦺꦏ꧀ꦗꦸꦫꦉꦥ꧀ꦔꦺꦴꦩꦺꦴꦔꦥ꧉ꦱꦶꦢꦤꦺꦤꦶꦪꦠ꧀ꦩꦼꦛꦸꦏꦶꦥꦸꦥꦸꦗꦤꦺꦲꦠꦶꦩꦸꦁꦢꦶꦥꦼꦟ꧀ꦝꦼꦩ꧀ꦝꦺꦮꦺ꧉ꦮꦶꦮꦶꦠꦶꦏꦸꦧꦒꦸꦱ꧀ꦗꦚ꧀ꦗꦾꦉꦥ꧀ꦰꦼꦔ꧀ꦏꦸꦢꦺꦴꦭꦺꦲꦺꦚꦩ꧀‍ꦧꦸꦠ꧀ꦒꦮꦺꦭꦤ꧀ꦏꦸꦢꦸꦭꦸꦭꦸꦱ꧀ꦠꦲꦸꦤꦶꦏꦶ꧉ꦭꦤꦿꦱꦏꦔꦼꦤ꧀ꦩꦫꦁꦮꦶꦏꦤ꧀ꦩꦸꦁꦢꦶꦥꦼꦟ꧀ꦝꦼꦩ꧀ꦢꦶꦢꦢꦺꦏꦏꦺꦱꦼꦩꦔꦠꦺꦚꦩ꧀‍ꦧꦸꦠ꧀ꦒꦮꦺ꧉ꦒꦼꦒꦝꦔꦤꦺꦪꦺꦤ꧀ꦰꦸꦏ꧀ꦱꦺꦱ꧀ꦒꦒꦺꦔ꧀ꦭꦩꦫ꧀‍ꦮꦶꦏꦤ꧀ꦢꦶꦢꦢꦺꦏꦏꦺꦱꦶꦒꦫꦤꦺꦚꦮꦱꦠꦼꦫꦸꦱꦺ꧉

ꦢꦶꦤꦲꦶꦏꦶꦒꦼꦤꦼꦥ꧀꧇꧓꧇ꦠꦲꦸꦤ꧀ꦰꦏꦏꦢꦢꦺꦪꦤꦶꦁꦔꦉꦥ꧀ꦏꦺꦴꦱ꧀ꦮꦶꦏꦤ꧀꧉ꦄꦩꦫ꧀‍ꦒ꧀ꦒꦮꦶꦱ꧀ꦢꦶꦫꦱꦕꦸꦏꦸꦥ꧀ꦕꦺꦭꦺꦔꦤꦺ꧈ꦢꦶꦤꦲꦶꦏꦶꦧꦒꦸꦱ꧀ꦗꦸꦥꦸꦏ꧀ꦕꦸꦠꦾꦉꦥ꧀ꦩꦸꦭꦶꦲꦶꦁꦏꦩ꧀ꦥꦸꦁꦔꦺꦟ꧀ꦝꦔꦶꦮꦺꦴꦁꦠꦸꦮꦤꦺꦱꦶꦁꦮꦶꦱ꧀‍ꦧꦺꦴꦭꦧꦭꦶꦠꦺꦭ꧀ꦥꦺꦴꦤ꧀ꦔꦉꦥ꧀ꦔꦉꦥ꧀‍ꦧꦭꦶꦤꦺ꧉ꦭꦤ꧀ꦰꦶꦁꦮꦶꦒꦠꦶꦩꦸꦭꦶꦲꦺꦲꦶꦏꦶꦢꦶꦤꦶꦪꦠꦾꦉꦥ꧀ꦰꦺꦴꦮꦤ꧀ꦩꦼꦚꦔꦺꦴꦩꦲꦺꦮꦺꦴꦁꦠꦸꦮꦤꦺꦮꦶꦏꦤ꧀ꦰꦥꦼꦫ꧀‍ꦭꦸꦔ꧀ꦭꦩꦫ꧀꧉

ꦮꦺꦴꦁꦠꦸꦮꦤꦺꦮꦶꦏꦤ꧀ꦮꦶꦱ꧀ꦏꦪꦲꦶꦧꦸꦏꦺꦝꦺꦮꦺ꧈ꦄꦩꦫ꧀‍ꦒ꧀ꦒꦱꦱꦸꦮꦺꦤꦺꦲꦶꦏꦶꦠꦤ꧀ꦰꦃꦩꦺꦤꦺꦲꦶꦥꦚ꧀ꦗꦸꦫꦸꦁꦩꦫꦁꦧꦒꦸꦱ꧀ꦰꦸꦥꦪꦤꦼꦫꦸꦱꦏꦺꦏꦸꦭꦾꦃ꧉ꦭꦤ꧀ꦰꦧꦼꦤ꧀ꦮꦸꦭꦤ꧀ꦠꦤ꧀ꦰꦃꦩꦺꦤꦺꦲꦶꦠꦩ꧀‍ꦧꦲꦤ꧀ꦰꦔꦸꦩꦫꦁꦝꦺꦮꦺꦏꦺ꧉ꦧꦒꦸꦱꦿꦸꦩꦔ꧀ꦰꦲꦸꦠꦁꦧꦸꦢꦶꦏꦫꦺꦴꦮꦺꦴꦁꦠꦸꦮꦱꦶꦁꦏꦸꦭꦶꦤꦢꦾꦸꦤ꧀ꦢꦁꦧꦸꦝꦺ꧋ꦅꦤ꧀꧋꧉

ꦗꦼꦩꦸꦮꦃꦗꦩ꧀꧇꧓꧇ꦱꦺꦴꦫꦺꦧꦒꦸꦱ꧀ꦮꦶꦱ꧀ꦢꦤ꧀ꦢꦤ꧀ꦒꦟ꧀ꦛꦼꦁ꧉ꦔꦔ꧀ꦒꦺꦴꦕ꧀ꦭꦤꦗꦶꦤ꧀ꦰ꧀ꦝꦸꦮꦸꦫꦤ꧀ꦏꦲꦺꦴꦱ꧀‍ꦧꦶꦫꦸꦝꦺꦴꦔ꧀ꦏꦼꦫ꧀‍ꦏꦟ꧀ꦛꦶꦠꦸꦭꦶꦱꦤ꧀꧋ꦱꦼꦩꦔꦠ꧀꧋꧉ꦱꦮꦶꦱꦺꦢꦶꦫꦱꦕꦸꦏꦸꦥꦔ꧀ꦒꦺꦴꦤꦺꦤ꧀ꦭꦶꦠꦶꦧꦫꦔꦺꦭꦤ꧀‍ꦧꦚ꧀ꦗꦸꦫ꧀‍ꦢꦶꦊꦧꦺꦴꦏ꧀ꦤꦺꦩꦺꦴꦧꦶꦭ꧀꧋ꦄꦭꦥꦫ꧀‍ꦢ꧀꧋ꦱꦶꦔꦶꦱꦶꦃꦏꦶꦚꦶꦱ꧀ꦏꦶꦚꦶꦱ꧀ꦒꦽꦱꦩꦫ꧀‍ꦒ꧀ꦒꦭꦒꦶꦩꦔ꧀ꦒꦺꦴꦤꦶꦁꦒꦫꦱꦶꦤꦺꦧꦒꦸꦱ꧀ꦮꦸꦭꦤ꧀ꦮꦶꦔꦶ꧉ꦎꦭꦺꦲꦺꦥꦺꦔꦶꦤ꧀ꦩꦺꦴꦧꦶꦭꦶꦏꦶꦢꦶꦫꦺꦮꦔꦶꦊꦩ꧀‍ꦧꦸꦫꦮꦤ꧀‍ꦧꦼꦔꦶꦱꦸꦥꦪꦧꦶꦱꦤ꧀ꦢꦁꦩ꧀‍ꦧꦺꦴꦪꦺꦴꦁꦒꦼꦒꦟ꧀ꦛꦶꦭꦤꦺꦲꦠꦶꦤꦺ꧉ꦌꦭꦺꦏꦺꦭꦺꦏꦾꦮꦶꦱ꧀‍ꦚꦶꦕꦶꦭꦺꦴꦩꦃꦩꦱꦶꦪꦩꦸꦁꦕꦶꦭꦶꦏ꧀꧈ꦤꦶꦁꦥꦭꦶꦔꦺꦴꦫꦮꦶꦱꦺꦴꦫꦏꦺꦴꦤ꧀ꦠꦿꦏꦸꦠꦮꦔꦼꦏꦺꦴꦱ꧀ꦩꦤꦺꦃ꧉

ꦢꦶꦢꦼꦊꦁꦱꦏꦏꦕꦸꦏꦸꦥꦤ꧀ꦩꦠꦺꦫꦶ꧈ꦧꦒꦸꦱ꧀ꦮꦶꦱ꧀ꦰꦾꦥ꧀‍ꦧꦔꦼꦠ꧀ꦏꦫꦶꦤꦸꦔ꧀ꦒ꧀ꦮꦶꦧꦸꦫꦸꦩꦃꦠꦔ꧀ꦒꦱꦶꦁꦧꦏꦭ꧀ꦔ꧀ꦭꦲꦶꦫꦏꦺꦲꦤꦏꦤꦏꦺꦧꦺꦱꦸꦏ꧀꧉ꦏꦫꦺꦴꦫꦺꦔꦺꦁꦫꦺꦔꦺꦁꦚꦚꦶ꧋ꦔꦮꦶꦤꦒꦶꦃꦗꦚ꧀ꦗꦶ꧋ꦤꦺꦝꦺꦤꦶꦕꦏ꧀ꦤꦤ꧀ꦩꦺꦴꦧꦶꦭ꧀ꦢꦶꦭꦏꦺꦴꦏ꧀ꦤꦺꦲꦭꦺꦴꦤꦭꦺꦴꦤ꧀ꦭꦤꦺꦴꦫꦭꦭꦶꦩꦩ꧀ꦥꦶꦫ꧀‍ꦠꦸꦏ꧀ꦮꦺꦴꦭꦺꦲꦺꦴꦭꦺꦃꦗꦗꦤꦤ꧀ꦏ꦳ꦱ꧀ꦯꦹꦫꦨꦪ꧉

ꦗꦩ꧀꧇꧖꧇ꦱꦺꦴꦫꦺꦧꦒꦸꦱ꧀ꦮꦶꦱ꧀ꦠꦼꦏꦤꦺꦴꦩꦲꦺꦮꦺꦴꦁꦠꦸꦮꦤꦺꦤꦺꦁꦢꦺꦯ꧉ꦱꦮꦶꦱꦺꦲꦢꦸꦱ꧀ꦭꦤ꧀ꦩꦫꦶꦏꦼꦱꦼꦭꦺ꧈ꦧꦒꦸꦱ꧀ꦢꦶꦠꦶꦩ꧀‍ꦧꦭꦶꦱꦶꦩ꧀‍ꦧꦺꦴꦏ꧀ꦔꦚ꧀ꦕꦤꦶꦧꦥꦏꦺꦝꦲꦫ꧀꧉

꧋ꦭꦺ꧈ꦏꦺꦤꦺꦏꦚ꧀ꦕꦤꦶꦧꦥꦏ꧀ꦩꦸꦝꦲꦫ꧀꧈ꦄꦮꦏ꧀ꦩꦸꦩꦼꦱꦶꦱꦤ꧀ꦩꦲꦼꦩ꧀꧋꧉ꦔꦼꦤ꧀ꦢꦶꦏꦤꦺꦱꦶꦩ꧀‍ꦧꦺꦴꦏ꧀ꦏꦫꦺꦴꦤꦠꦝꦲꦫꦤꦶꦁꦩꦺꦗ꧉

꧋ꦅꦏꦶꦭꦺꦴꦗꦔꦤ꧀ꦭꦺꦴꦝꦺꦃꦏꦼꦟ꧀ꦛꦁꦭꦤ꧀ꦠꦺꦩ꧀ꦥꦺꦧꦺꦴꦱꦺꦴꦏ꧀ꦏꦉꦩꦤ꧀ꦩꦸ꧋꧉ꦧꦥꦏꦺꦤꦩ꧀‍ꦧꦲꦶꦱꦶꦤꦩ꧀‍ꦧꦶꦚꦿꦸꦥꦸꦠ꧀ꦏꦺꦴꦥꦶ꧉

꧋ꦮ꧀ꦮꦶꦃ꧈ꦩ꧀ꦥꦸꦤ꧀ꦢꦔꦸꦏꦸꦭꦧꦺꦴꦠꦼꦤ꧀ꦩꦲꦼꦩ꧀ꦗꦔꦤ꧀ꦔꦠꦼꦤ꧀ꦤꦶꦏꦶꦭꦺꦴ꧈ꦧꦺꦴꦏ꧀꧋꧉ꦏꦫꦺꦴꦔ꧀ꦒꦺꦫꦺꦠ꧀ꦏꦸꦫ꧀‍ꦱꦶꦧꦒꦸꦱ꧀ꦮꦶꦱ꧀ꦏꦼꦩꦺꦕꦺꦫ꧀꧈ꦔꦼꦊꦒꦶꦢꦸ꧉

ꦎꦫꦒꦤ꧀ꦠꦭꦤ꧀ꦰꦸꦮꦺꦝꦺꦮꦺꦏꦺꦚꦺꦟ꧀ꦝꦺꦴꦏ꧀ꦰꦼꦒꦱꦶꦁꦮꦶꦱ꧀ꦢꦷꦩ꧀‍ꦧꦸꦲꦶꦱꦶꦩ꧀‍ꦧꦺꦴꦏꦺꦩꦲꦸ꧉ꦎꦭꦺꦲꦺꦠꦺꦭꦥ꧀ꦠꦺꦊꦥ꧀ꦏꦪꦮꦶꦱ꧀ꦰꦼꦱꦱꦾꦺꦴꦫꦏꦩ꧀‍ꦧꦺꦴꦤ꧀ꦰꦼꦒꦧꦲꦺ꧉ꦏꦮꦶꦠ꧀‍ꦧꦶꦪꦺꦤ꧀ꦥꦚ꧀ꦕꦺꦤ꧀ꦰꦼꦤꦼꦔꦤꦺꦗꦔꦤ꧀ꦭꦺꦴꦩ꧀‍ꦧꦺꦴꦏꦾꦻꦏꦸꦏꦼꦟ꧀ꦛꦁꦢꦶꦕꦩ꧀ꦥꦸꦫ꧀‍ꦠꦺꦩ꧀ꦥꦺꦧꦺꦴꦱꦺꦴꦏ꧀‍ꦚꦼꦩꦼꦏ꧀‍ꦚꦼꦩꦼꦏ꧀ꦰꦤ꧀ꦠꦼꦤ꧀ꦢꦶꦠꦩ꧀‍ꦧꦲꦶꦥꦼꦠꦺꦭꦤ꧀ꦭꦺꦴꦩ꧀‍ꦧꦺꦴꦏꦺꦢꦾꦸꦠꦸꦲ꧀ꦤꦺ꧉ꦔꦤ꧀ꦠꦶꦱꦲꦶꦏꦶꦢꦸꦫꦸꦔꦤꦱꦶꦔꦶꦱꦤꦟ꧀ꦝꦶꦔꦾꦺꦤꦏꦺꦗꦔꦤꦶꦏꦶ꧉

ꦏꦫꦺꦴꦔꦼꦱꦼꦱ꧀ꦏꦼꦥꦼꦝꦼꦱꦼꦤꦩꦫ꧀‍ꦒ꧀ꦒꦔ꧀ꦊꦛꦸꦱ꧀ꦭꦺꦴꦩ꧀‍ꦧꦺꦴꦏ꧀꧈ꦧꦒꦸꦱ꧀ꦠꦏꦺꦴꦤ꧀ꦰꦶꦩ꧀‍ꦧꦺꦴꦏꦺ꧈꧋ꦭꦱꦶꦩ꧀‍ꦧꦺꦴꦏ꧀ꦤꦥꦥꦶꦫ꧀‍ꦱꦪꦺꦤ꧀ꦏꦸꦭꦧꦝꦺꦮꦔ꧀ꦰꦸꦭ꧀꧈ꦏꦺꦴꦏ꧀ꦢꦶꦩꦱꦏ꧀ꦤꦺꦗꦔꦤ꧀ꦗꦺꦴꦱ꧀ꦒꦟ꧀ꦝꦺꦴꦱ꧀ꦔꦺꦠꦼꦤ꧀ꦤꦶꦏꦶ꧋꧉

꧋ꦏꦸꦮꦶꦩꦲꦸꦭꦃꦔꦼꦠꦼꦫꦷꦧꦸꦏꦺꦮꦶꦏꦤ꧀ꦏꦫꦺꦴꦗꦢꦃꦗꦼꦤꦁ꧈ꦗꦢꦲꦺꦢꦶꦧꦏꦫ꧀‍ꦱꦺꦱꦸꦏꦺꦱꦸꦏ꧀‍ꦧꦲꦺꦔ꧀ꦒꦺꦴꦏꦚ꧀ꦕꦔꦺꦴꦥꦶ꧋꧉ꦔꦼꦤ꧀ꦢꦶꦏꦤꦺꦲꦶꦧꦸꦏꦺꦱꦶꦁꦚ꧀ꦗꦭꦫꦶꦧꦒꦸꦱ꧀ꦠꦿꦠꦧꦤ꧀꧉

꧋ꦭꦏꦺꦴꦏꦠꦼꦫꦠꦼꦫ꧀‍ꦏꦒꦸꦔꦤ꧀ꦏꦴꦫ꧀‍ꦰꦤꦥꦧꦸꦝꦺꦲꦶꦤ꧀?꧋ꦧꦒꦸꦱ꧀ꦠꦏꦺꦴꦤ꧀ꦰꦶꦤꦩ꧀‍ꦧꦶꦚꦮꦁꦱꦶꦩ꧀‍ꦧꦺꦴꦏ꧀ꦰꦼꦩꦸꦤꦺꦏꦪꦝꦺꦠꦺꦏ꧀ꦠꦶꦥ꦳꧀꧉ꦏꦫꦺꦴꦔꦼꦩ꧀ꦥꦼꦠ꧀ꦠꦿꦠꦧꦤꦺꦲꦠꦶꦤꦺꦝꦒ꧀ꦝꦶꦒ꧀ꦝꦸꦒꦺꦴꦫꦏꦫꦸꦮꦤ꧀꧉

꧋ꦄꦉꦥ꧀ꦢꦸꦮꦺꦒꦮꦺ꧈ꦱꦺꦱꦸꦏ꧀ꦮꦶꦏꦤꦶꦗꦧꦤ꧀꧋꧉ꦱꦶꦩ꧀‍ꦧꦺꦴꦏꦺꦚꦲꦸꦫꦶꦏꦟ꧀ꦛꦶꦏꦊꦩ꧀ꦤꦔꦶꦁꦏꦪꦢꦺꦤꦺꦧ꧀ꦊꦝꦺꦒ꧀‍ꦚꦩ꧀‍ꦧꦼꦫ꧀‍ꦱꦶꦫꦲꦺꦧꦒꦸꦱ꧀꧉ꦩꦏ꧀ꦝꦼꦒ꧀꧈ꦩꦏ꧀ꦠꦿꦠꦧ꧀꧈ꦱꦏꦭꦧꦚꦸꦥꦸꦠꦶꦃꦱꦶꦁꦭꦒꦶꦢꦾꦺꦴꦩ꧀‍ꦧꦺꦚꦼꦩ꧀ꦥꦿꦺꦴꦠꦩ꧀‍ꦧꦾꦫꦶꦁꦥꦶꦫꦶꦁꦔꦉꦥꦺꦧꦒꦸꦱ꧀꧉

꧋ꦮꦭꦃ꧈ꦄꦤꦴꦥꦭꦺ꧈ꦄꦠꦾꦠꦶꦠꦤꦺꦏ꧀‍ꦚꦿꦸꦥꦸꦠ꧀꧋꧉ꦱꦶꦩ꧀‍ꦧꦺꦴꦏ꧀ꦏꦒꦺꦠ꧀‍ꦧꦚ꧀ꦗꦸꦫ꧀‍ꦔꦼꦭꦸꦱ꧀ꦔꦼꦭꦸꦱ꧀ꦒꦼꦒꦼꦫꦺꦧꦒꦸꦱ꧀꧉

ꦢꦸꦚꦫꦱꦤꦺꦏꦶꦪꦩꦠ꧀꧈ꦮꦶꦱꦺꦴꦫꦏꦸꦮꦠ꧀ꦒ꧀ꦭꦮꦠ꧀꧉ꦱꦤꦭꦶꦏꦥꦸꦕꦼꦠ꧀ꦕꦲꦾꦤꦺ꧈ꦩꦭꦶꦏ꧀ꦒꦽꦩ꧀‍ꦧꦾꦁꦏꦫꦺꦴꦕꦲꦾꦱꦶꦁꦱꦸꦩꦿꦶꦔꦃꦤꦼꦩꦸꦗꦔꦤ꧀ꦭꦺꦴꦩ꧀‍ꦧꦺꦴꦏ꧀ꦩꦲꦸ꧉ꦩꦏ꧀ꦥꦼꦠ꧀꧈꧈꧈ꦥꦼꦠꦼꦁꦝꦼꦝꦼꦠ꧀꧉

ꦩꦢꦶꦪꦸꦤ꧀꧇꧙꧇ꦤꦺꦴꦥꦺꦩ꧀‍ꦧꦼꦫ꧀꧇꧒꧐꧒꧑꧇

ꦥꦼꦔꦶꦫꦶꦩ꧀꧋ꦢꦾꦃꦏꦸꦫ꧀‍ꦟ꧀ꦚꦮꦠꦶ꧋

ꦗꦭꦤꦿꦪꦢꦸꦔꦸꦱ꧀ꦢꦺꦯꦩꦗꦥꦹꦫ꧀‍ꦟ꧀ꦤ꧈ꦫ꧈ꦠ꧈꧇꧔꧒꧇꧈ꦫ꧈ꦮ꧈꧇꧐꧑꧇꧈

ꦏꦼꦕꦩꦠꦤ꧀ꦮꦸꦔꦸ꧈ꦏꦨꦹꦥꦛꦺꦤ꧀ꦩꦢꦶꦪꦸꦤ꧀꧇꧖꧓꧑꧘꧑꧇꧈

ꦠꦺꦭꦺꦥꦺꦴꦤ꧀꧇꧐꧘꧒꧓꧐꧑꧒꧗꧘꧕꧖꧕꧇꧈

ꦫꦺꦏꦼꦤꦶꦁ꧈ꦧ꧈ꦫ꧈ꦅ꧈꧇꧐꧐꧔꧕꧐꧑꧐꧓꧕꧘꧔꧙꧕꧐꧘꧇

ꦮꦶꦱ꧀ꦏꦥꦕꦏꦶꦁꦤꦼꦒꦼꦫꦶꦏꦼꦫ꧀‍ꦠ꧀ꦠꦱ꧀꧈

ꦠꦻꦴꦠꦤ꧀꧇ https://www.negerikertas.com/2022/11/cerkak-tresna-kagawa-angslupe-sandyakala.html?m=1

Leave a Reply

Your email address will not be published. Required fields are marked *