ꦏ꧀ꦭꦺꦫꦸꦱꦼꦏꦺꦴꦭꦃ

28 December 2023 | 93 kali
Cerkak By : Haikal Fatur Rozi Mustofa

ꦏ꧀ꦭꦺꦫꦸꦱꦼꦏꦺꦴꦭꦃ

 

ꦢꦺꦤꦶꦁ꧇ꦢꦾꦃꦏꦸꦫ꧀‍ꦟ꧀ꦚꦮꦠꦶ

 

ꦥꦏ꧀ꦗꦤꦮꦺꦴꦔꦸꦠꦸꦤ꧀ꦰꦧꦼꦤ꧀ꦢꦶꦤꦱꦧꦤꦺꦩꦸꦁꦤꦺꦁꦱꦮꦃꦭꦤ꧀ꦔꦫꦶꦠ꧀꧉ꦄꦤꦏꦺꦲꦺꦴꦤ꧀ꦠꦔꦤ꧀ꦠꦶꦁꦮꦢꦺꦴꦤ꧀ꦗꦼꦤꦼꦔꦺꦪꦸꦤꦶꦮꦶꦱ꧀ꦏꦼꦭꦱ꧀ꦭꦺꦴꦫꦺꦴ꧈ꦱ꧈ꦩ꧈ꦏ꧈ꦲꦶꦁꦏꦸꦛ꧉ꦱꦱꦸꦮꦺꦤꦺꦲꦶꦏꦶꦢꦸꦫꦸꦁꦠꦲꦸꦮꦼꦫꦸꦃꦱꦼꦏꦺꦴꦭꦲꦺꦲꦤꦏꦺ꧈ꦄꦩꦫ꧀‍ꦒ꧀ꦒꦮꦶꦮꦶꦠ꧀ꦝꦥ꧀ꦠꦫ꧀‍ꦧꦺꦴꦕꦲꦺꦮꦶꦱ꧀‍ꦧꦶꦱꦔꦸꦫꦸꦱ꧀ꦝꦺꦮꦺꦏꦫꦺꦴꦏꦚ꧀ꦕꦏꦚ꧀ꦕꦤꦺ꧉ꦄꦩꦫ꧀‍ꦒ꧀ꦒꦲꦺꦴꦩꦲꦺꦲꦢꦺꦴꦃꦧꦚ꧀ꦗꦸꦫ꧀‍ꦔꦼꦏꦺꦴꦱꦶꦁꦱꦕꦼꦝꦏꦺꦱꦼꦏꦺꦴꦭꦃ꧉

ꦤꦸꦗꦸꦫꦥꦺꦴꦠꦤ꧀ꦰꦼꦩꦺꦱ꧀ꦠꦫ꧀‍ꦱꦶꦗꦶꦱꦶꦁꦗꦸꦥꦸꦏ꧀ꦏꦸꦢꦸꦮꦺꦴꦁꦠꦸꦮꦤꦺ꧉ꦱꦶꦪꦸꦤꦶꦩꦸꦭꦶꦃꦱꦥꦽꦭꦸꦔꦧꦫꦶꦮꦺꦴꦁꦠꦸꦮꦤꦺ꧉ꦱꦗꦤꦺꦫꦥꦺꦴꦠꦉꦥ꧀ꦢꦶꦗꦸꦥꦸꦏꦶꦧꦸꦤꦺꦱꦶꦁꦏꦸꦭꦶꦤꦤꦁꦏꦸꦛ꧉ꦤꦔꦶꦁꦥꦱꦶꦏꦸꦭꦒꦶꦮꦪꦲꦺꦫꦺꦮꦁꦠꦔ꧀ꦒꦤꦺꦱꦶꦁꦢꦸꦮꦺꦒꦮꦺꦢꦢꦾꦺꦴꦫꦧꦶꦱ꧉ꦱꦶꦢꦤꦺꦱꦶꦁꦗꦸꦥꦸꦏꦿꦥꦺꦴꦠ꧀ꦥꦏ꧀ꦗꦤ꧈ꦭꦥꦶꦪꦺꦩꦤꦺꦃꦱꦥꦱꦶꦔꦉꦥ꧀ꦗꦸꦥꦸꦏ꧀ꦱꦭꦶꦪꦤꦺꦮꦺꦴꦁꦠꦸꦮꦤꦺꦱꦏ꧀ꦭꦺꦴꦫꦺꦴꦤ꧀꧉

ꦱꦗꦤꦺꦪꦸꦤꦶꦪꦏꦸꦮꦠꦶꦫ꧀‍ꦧꦥꦏꦺꦧꦶꦔꦸꦔꦥꦲꦺꦴꦫꦴꦩꦫ꧀‍ꦒ꧀ꦒꦧꦥꦏꦺꦲꦺꦴꦫꦠꦲꦸꦭꦸꦔꦩꦼꦚꦁꦏꦸꦛ꧉ꦱꦮꦶꦱꦺꦢꦶꦠꦼꦫꦔ꧀ꦏꦺꦲꦔ꧀ꦏꦸꦠꦤ꧀ꦭꦤꦚ꧀ꦕꦼꦫꦚ꧀ꦕꦼꦫ꧀‍ꦱꦼꦏꦺꦴꦭꦲꦺꦭꦤ꧀ꦏꦺꦠꦺꦴꦏꦺꦥꦏ꧀ꦗꦤꦥꦲꦩ꧀꧈ꦪꦸꦤꦶꦧꦭꦶꦏ꧀ꦤꦺꦁꦏꦺꦴꦱ꧀ꦩꦤꦺꦲꦩꦫ꧀‍ꦒ꧀ꦒꦱꦺꦱꦸꦏ꧀ꦏꦸꦢꦸꦱꦼꦏꦺꦴꦭꦃ꧉ꦭꦤ꧀ꦗꦢ꧀ꦮꦭ꧀ꦗꦸꦥꦸꦏꦿꦥꦺꦴꦠ꧀ꦢꦶꦤꦱꦧ꧀ꦠ꧀ꦮꦶꦱꦶꦃꦱꦸꦏꦼꦩ꧀‍ꦧꦺꦤ꧀

ꦠꦼꦤꦤ꧀꧉ꦱꦧ꧀ꦠ꧀ꦮꦺꦱꦸꦏ꧀ꦗꦩꦼꦤꦼꦩ꧀ꦥꦏ꧀ꦗꦤꦮꦶꦱ꧀ꦢꦤ꧀ꦢꦤ꧀ꦩ꧀ꦭꦶꦛꦶꦠꦺꦴꦫꦏꦪꦧꦾꦱꦤꦺ꧉ꦱꦮꦶꦱꦺꦱꦫꦥꦤ꧀ꦭꦤ꧀ꦔꦺꦴꦩ꧀‍ꦧꦺꦏꦺꦴꦥꦾꦺꦔ꧀ꦒꦭ꧀‍ꦧꦸꦝꦭ꧀ꦤꦺꦁꦫꦠꦤ꧀ꦒꦼꦝꦺꦱꦥꦽꦭꦸꦚꦼꦒꦠ꧀ꦏꦺꦴꦭ꧀ꦠꦱꦶꦁꦤꦸꦗꦸꦩꦼꦚꦁꦏꦸꦛ꧉ꦢꦾꦺꦭꦶꦔꦺꦭꦶꦁꦧꦔꦼꦠ꧀ꦏꦟ꧀ꦝꦤꦺꦲꦤꦏꦺꦔꦼꦤꦤꦾꦚ꧀ꦕꦼꦫꦚ꧀ꦕꦼꦫ꧀‍ꦱꦼꦏꦺꦴꦭꦲꦺ꧉ꦎꦫꦔꦤ꧀ꦠꦶꦭꦶꦩꦁꦩꦼꦤꦶꦠ꧀ꦰꦏꦮꦺꦠꦤ꧀ꦮꦶꦱꦤꦏꦺꦴꦭ꧀ꦠꦮꦫ꧀‍ꦟ꧀ꦤꦧꦶꦫꦸ꧉ꦌꦔ꧀ꦒꦭ꧀ꦢꦶꦱꦼꦠꦺꦴꦥ꧀ꦭꦤ꧀ꦥꦏ꧀ꦗꦤꦩꦸꦔ꧀ꦒꦲꦺꦴꦭꦺꦃꦥꦔ꧀ꦒꦺꦴꦤꦤ꧀ꦰꦕꦼꦝꦏꦺꦧꦏꦸꦭ꧀ꦏꦁꦥꦝꦴꦉꦥ꧀ꦩꦼꦚꦁꦥꦱꦫ꧀꧉

ꦠꦼꦏꦤꦼꦤ꧀ꦠꦺꦏꦼꦤ꧀ꦠꦺꦏꦤꦺꦥꦔ꧀ꦒꦺꦴꦤꦤ꧀ꦏꦺꦴꦭ꧀ꦠꦩꦟ꧀ꦝꦼꦒ꧀ꦥꦏ꧀ꦗꦤꦩꦸꦝꦸꦤ꧀ꦭꦤ꧀ꦩ꧀ꦭꦏꦸꦔꦼꦤꦺꦫ꧀‍ꦏꦸꦭꦺꦴꦤ꧀ꦏꦪꦮꦺꦭꦶꦔꦺꦲꦤꦏꦺ꧉ꦈꦢꦏꦫꦭꦶꦩꦔꦠꦸꦱ꧀ꦩꦺꦠꦼꦫ꧀‍ꦥꦏ꧀ꦗꦤꦱꦼꦩ꧀ꦭꦼꦔꦼꦉꦤꦩꦫ꧀‍ꦒ꧀ꦒꦲꦶꦁꦏꦤꦗꦺꦗꦺꦫ꧀‍ꦗꦺꦗꦺꦫ꧀‍ꦒꦼꦝꦸꦁꦱꦼꦏꦺꦴꦭꦲꦏꦺꦃ꧉ꦝꦺꦮꦺꦏꦺꦧꦶꦔꦸꦔꦶꦁꦔꦼꦤ꧀ꦢꦶꦱꦼꦏꦺꦴꦭꦲꦺꦲꦤꦏꦺ꧉ꦏꦫꦺꦴꦝꦼꦊꦒ꧀ꦝꦼꦊꦒ꧀ꦥꦏ꧀ꦗꦤꦭꦺꦫꦺꦤꦶꦁꦧꦺꦴꦏ꧀ꦰꦕꦼꦝꦏꦺꦒꦼꦫ꧀‍ꦧ꧀‍ꦧꦁꦱꦭꦃꦱꦶꦗꦶꦤꦺꦱꦼꦏꦺꦴꦭꦲꦤ꧀꧉ꦩꦺꦃꦱꦗꦩ꧀ꦩꦸꦁꦩꦼꦤꦼꦁꦏꦫꦺꦴꦚꦮꦁꦩ꧀ꦭꦼꦧꦸꦩꦼꦠꦸꦤꦺꦮꦺꦴꦁꦭꦶꦮꦠ꧀꧉

ꦤꦭꦶꦏꦴꦤꦧꦥꦏ꧀ꦏ꧀ꦭꦩ꧀‍ꦧꦶꦥꦸꦠꦶꦲꦉꦥ꧀ꦩ꧀ꦭꦼꦧꦸꦒꦼꦫ꧀‍ꦧ꧀‍ꦧꦁ꧈ꦥꦏ꧀ꦗꦤꦩꦤꦺꦏ꧀ꦩꦤꦺꦏ꧀ꦤꦺꦠꦏꦺꦴꦤ꧀꧈꧋ꦥꦏ꧀꧈ꦩꦤꦮꦶꦧꦝꦺꦩꦺꦟ꧀ꦝꦼꦠꦿꦥꦺꦴꦠ꧀ꦝꦠꦼꦁꦥꦸꦤ꧀ꦢꦶꦔ꧀ꦒꦶꦃ?꧋

ꦧꦥꦏ꧀ꦏ꧀ꦭꦩ꧀‍ꦧꦶꦥꦸꦠꦶꦃꦩꦟ꧀ꦝꦼꦒ꧀ꦏꦫꦺꦴꦩꦺꦱꦼꦩ꧀꧈

꧋ꦩꦔ꧀ꦒꦱꦉꦁꦏꦸꦭꦔ꧀ꦒꦶꦃꦧꦝꦺꦩꦺꦟ꧀ꦝꦼꦠꦿꦥꦺꦴꦠꦺꦲꦤꦏ꧀ꦏꦸꦭ꧋꧉

ꦥꦏ꧀ꦗꦤꦗꦿꦤ꧀ꦠꦭ꧀ꦔꦼꦠꦸꦠ꧀ꦏꦺꦩ꧀ꦭꦼꦧꦸꦤꦺꦁꦱꦼꦏꦺꦴꦭꦲꦶꦏꦸꦭꦤ꧀ꦩ꧀ꦭꦼꦧꦸꦫꦸꦮꦔꦤ꧀꧈ꦭꦸꦔ꧀ꦒꦸꦃꦩꦺꦭ꧀ꦮꦤ꧀ꦠꦿꦶꦤꦸꦔ꧀ꦒꦸꦢꦶꦕꦼꦭꦸꦏ꧀ꦗꦼꦤꦼꦔꦺꦲꦤꦏꦺ꧉ꦮꦶꦱ꧀ꦥꦶꦫꦁꦥꦶꦫꦁꦗꦩ꧀ꦥꦏ꧀ꦗꦤꦩ꧀‍ꦧꦠꦶꦤ꧀ꦏꦺꦴꦏ꧀ꦗꦼꦤꦼꦔꦺꦲꦤꦏꦺꦲꦺꦴꦫꦤ꧀ꦢꦁꦢꦶꦱꦼꦧꦸꦠ꧀ꦔꦤ꧀ꦠꦶꦏꦧꦺꦃꦮꦺꦴꦁꦱꦶꦁꦤꦺꦁꦏꦤꦲꦼꦤ꧀ꦠꦺꦏ꧀ꦏꦫꦶꦒꦸꦫꦸꦱꦶꦁꦧꦒꦶꦫꦥꦺꦴꦠ꧀꧉ꦧꦸꦒꦸꦫꦸꦩꦫꦤꦶꦥꦏ꧀ꦗꦤꦭꦤ꧀ꦏꦟ꧀ꦛꦾꦭꦸꦱ꧀ꦠꦏꦺꦴꦤ꧀꧈꧋ꦭꦺꦴꦥꦏ꧀꧈ꦥꦸꦠꦿꦤꦺꦏꦼꦭꦱ꧀ꦥꦶꦤ꧀ꦠꦼꦤ꧀?꧋

ꦥꦏ꧀ꦗꦤꦩꦔ꧀ꦰꦸꦭꦶꦏꦫꦺꦴꦔꦺꦭꦶꦁꦔꦺꦭꦶꦁꦏꦼꦭꦱꦺꦲꦤꦏꦺ꧈꧋ꦏꦼꦭꦱ꧀ꦏꦭꦶꦃꦗꦸꦫꦸꦱꦤ꧀ꦠꦠꦧꦺꦴꦒꦧꦸ꧋

ꦧꦸꦒꦸꦫꦸꦏꦒꦺꦠ꧀꧈꧋ꦭꦺꦴꦩꦿꦶꦏꦶ꧈ꦱ꧈ꦩ꧈ꦄ꧈꧇꧕꧇ꦥꦏ꧀꧈ꦭ꧈ꦱ꧈ꦩ꧈ꦏ꧈ꦱꦼꦏꦺꦴꦭꦲꦺꦱꦮꦺꦠꦤꦺꦩꦿꦶꦏꦶ꧋

ꦥꦏ꧀ꦗꦤꦧꦶꦔꦸꦁ꧈ꦱꦶꦢꦤꦺꦏꦫꦺꦴꦲꦶꦧꦸꦒꦸꦫꦸꦱꦶꦔꦥꦶꦏꦤ꧀ꦩꦲꦸꦥꦏ꧀ꦗꦤꦢꦶꦠꦼꦫ꧀‍ꦏꦺꦠꦼꦏꦤ꧀ꦔꦉꦥ꧀ꦰꦼꦏꦺꦴꦭꦃꦱꦶꦁꦢꦶꦏꦉꦥ꧀ꦏꦺꦥꦏ꧀ꦗꦤ꧉

ꦱꦲꦸꦤ꧀ꦠꦫꦲꦶꦏꦸꦪꦸꦤꦶꦮꦶꦱ꧀ꦤꦔꦶꦱ꧀ꦤꦸꦔ꧀ꦒꦸꦧꦥꦏꦺꦲꦺꦴꦫꦠꦼꦏꦠꦼꦏꦗꦸꦥꦸꦏꦿꦥꦺꦴꦠ꧀꧉ꦏꦩꦔ꧀ꦏꦩꦺꦃꦗꦩ꧀ꦰꦼꦮꦼꦭꦱ꧀ꦭꦤꦸꦤ꧀ꦢꦔꦤꦺꦗꦩ꧀ꦮꦺꦴꦭꦸ꧉ꦏꦧꦺꦃꦮꦺꦴꦁꦠꦸꦮꦤꦺꦏꦚ꧀ꦕꦤꦺꦱꦏꦼꦭꦱ꧀ꦮꦶꦱ꧀ꦥꦝꦗꦸꦥꦸꦏ꧀ꦏꦫꦶꦝꦺꦮꦺꦏꦺꦛꦺꦴꦏ꧀꧉ꦏꦼꦧꦏ꧀ꦥꦶꦏꦶꦫꦤ꧀ꦰꦶꦔꦺꦴꦫꦏꦫꦸꦮꦤ꧀꧈ꦪꦸꦤꦶꦤꦸꦔ꧀ꦒꦸꦧꦥꦏꦺꦲꦶꦁꦥꦶꦔ꧀ꦒꦶꦫ꧀‍ꦢꦭꦤ꧀ꦰꦕꦼꦝꦏꦺꦒꦼꦫ꧀‍ꦧ꧀‍ꦧꦁ꧉ꦮꦼꦢꦶꦤꦺꦏ꧀ꦧꦥꦏꦺꦏꦼꦱꦱꦫꦸꦠꦮꦭꦶꦪꦤꦺ꧉

ꦤꦭꦶꦏꦮꦼꦫꦸꦃꦏ꧀ꦭꦺꦝꦔꦺꦧꦥꦏꦺꦱꦏꦏꦸꦭꦺꦴꦤꦒꦺꦲꦒꦺꦢꦶꦒꦥꦾꦸꦏ꧀꧈ꦢꦶꦧꦿꦺꦴꦭ꧀ꦏꦺꦱꦏꦧꦺꦲꦺꦥꦔꦿꦱ꧉ꦌꦪꦭꦃꦠꦶꦧꦏꦺꦩꦲꦸꦏ꧀ꦭꦺꦫꦸꦩ꧀ꦭꦼꦧꦸꦱꦼꦏꦺꦴꦭꦃ꧉ꦄꦤꦴꦤꦧꦲꦺ꧉

ꦩꦢꦶꦪꦸꦤ꧈꧇꧑꧒꧇ꦩꦺꦲꦶ꧇꧒꧐꧒꧒꧇

ꦤꦠꦺꦏꦥꦕꦏꦶꦁꦏꦭꦮꦫ꧀‍ꦠ꧀ꦠꦶꦗꦪꦧꦪꦤꦺꦴꦩꦼꦫ꧀꧇꧔꧒꧇꧈ꦩꦶꦔ꧀ꦒꦸ꧇꧓꧇꧈ꦗꦸꦤꦶ꧇꧒꧐꧒꧒꧇꧈ꦏꦏ꦳꧇꧔꧘꧇꧈ꦫꦸꦧꦿꦶꦏꦤꦴꦤꦧꦲꦺ꧉

Leave a Reply

Your email address will not be published. Required fields are marked *