ꦭꦮꦆꦁꦭꦔꦶꦠ꧀ꦒꦸꦮ

16 January 2024 | 62 kali
Cerkak By : Suprayitno Fitra

ꦗꦒꦢ꧀ꦢꦶꦁꦊꦊꦩ꧀ꦧꦸꦠ꧀

ꦭꦮꦆꦁꦭꦔꦶꦠ꧀ꦒꦸꦮ

ꦢꦺꦤꦶꦁ ꦯꦿꦶꦮꦶꦗꦪꦟ꧀ꦠꦶ

 

ꦗꦩ꧀ꦮꦺꦴꦭꦸꦧꦼꦔꦶ꧈ꦩꦺꦴꦧꦶꦭ꧀ꦥꦗꦺꦫꦺꦴꦕꦺꦠ꧀ꦲꦶꦉꦁꦥ꧀ꦭꦠ꧀꧇ꦄꦄ꧇ꦮꦶꦱ꧀ꦏꦠꦺꦴꦤ꧀ꦩꦼꦠꦸꦱꦏꦥꦼꦏꦫꦁꦔꦤ꧀ꦲꦺꦴꦩꦃ꧉ꦆꦁꦗꦼꦫꦺꦴꦩꦺꦴꦧꦶꦭ꧀ꦏꦸꦮꦶꦄꦤꦮꦺꦴꦁꦥꦥꦠ꧀ꦥꦼꦤꦸꦩ꧀ꦥꦁꦭꦤ꧀ꦱꦶꦗꦶꦱꦺꦴꦥꦶꦂꦈꦒꦱꦶꦁꦢꦸꦮꦺꦩꦺꦴꦧꦶꦭ꧀ ꦪꦆꦏꦸꦝꦺꦴꦏ꧀ꦠꦼꦂꦪꦤ꧀ꦠꦺꦴ꧉ꦏꦸꦫꦁꦭꦸꦮꦶꦃꦠꦼꦭꦸꦁꦠꦲꦸꦤ꧀ꦤꦤ꧀ꦝꦺꦴꦏ꧀ꦠꦼꦂꦪ ꦤ꧀ꦠꦺꦴꦢꦢꦶꦥꦼꦤ꧀ꦝꦸꦝꦸꦏ꧀ꦲꦶꦁꦠ꧀ꦭꦠꦃꦦ꧀ꦭꦺꦫꦺꦠ꧀ꦲꦩꦂꦒꦢꦢꦶꦝꦺꦴꦱꦺꦤ꧀ꦲꦶꦁꦱꦭꦃꦱꦶꦗꦶꦤꦺꦥꦼꦂꦒꦸꦫꦸꦮꦤ꧀ꦠꦶꦁꦒꦶꦱꦶꦁꦏꦺꦴꦤ꧀ꦝꦁꦆꦁꦪꦺꦴꦓꦾꦏꦂꦠ꧉ꦢꦺꦤꦺꦮꦺꦴꦁꦥꦥꦠ꧀ꦩꦲꦸ꧈ꦫꦺꦴꦃꦩꦠ꧀ꦏꦫꦺꦴꦧꦥꦏ꧀ꦲꦶꦧꦸꦤꦺꦭꦤ꧀ꦩꦩꦤ꧀꧈ꦆꦧꦸꦤꦺꦫꦺꦴꦃꦩꦠ꧀ꦲꦫꦤ꧀ꦤꦶꦤꦶꦁ꧈ꦢꦺꦤꦺꦧꦥꦏ꧀ꦤꦺꦄꦫꦤ꧀ꦲꦠ꧀ꦩꦗ꧉

ꦩꦺꦴꦧꦶꦭ꧀ꦲꦶꦏꦸꦩ꧀ꦭꦏꦸꦭꦶꦮꦠ꧀ꦥꦿꦥꦠ꧀ꦠꦤ꧀ꦗꦼꦗꦼꦂꦫꦤ꧀ ꦤ꧀ꦢꦶꦭꦭꦃꦭꦩ꧀ꦥꦸꦧꦁꦗꦺꦴꦱꦶꦁꦱꦏꦄ ꦫꦃꦮꦺꦠꦤ꧀ꦩꦠꦶ꧉

꧇ꦔꦠꦺꦴꦱ꧀ꦔꦠꦺꦴꦱ꧀ ꦥꦏ꧀ꦝꦺꦴꦏ꧀ꦠꦼꦂꦪꦤ꧀ꦠꦺꦴ꧈ꦏꦊꦩ꧀ꦩꦮꦺꦴꦤ꧀ ꦮꦺꦴꦤ꧀ꦠꦼꦤ꧀ꦭꦩ꧀ꦥꦸꦧꦁꦗꦺꦴꦆꦁꦏꦁ ꦩꦠꦶ꧈꧇ꦏꦤ꧀ꦝꦤꦺꦩꦩꦤ꧀꧈ꦩꦩꦤ꧀ꦭꦸꦁꦒꦸꦃꦗꦺꦗꦺꦂꦱꦺꦴꦥꦶꦂꦱꦶꦁꦠꦸꦒꦱ꧀ꦱꦺꦔꦧꦤ꧀ꦤꦶꦪꦺꦤ꧀ꦩꦺꦴꦧꦶꦭ꧀ꦲꦉꦥ꧀ꦥꦂꦏꦶꦂꦈꦠꦮꦄꦉꦥ꧀ꦩꦁꦏꦠ꧀꧈

ꦭꦭꦸꦭꦶꦤ꧀ꦠꦱ꧀ꦲꦶꦁꦗꦭꦤ꧀ꦲꦶꦩꦺꦴꦒꦶꦫꦶꦠꦶꦩꦸꦂꦔꦭꦺꦴꦂꦏꦠꦺꦴꦤ꧀ꦫꦩꦺ꧈ꦧꦤ꧀ꦗꦸꦂꦩ꧀ꦊꦧꦸꦗꦭꦤ꧀ꦫꦶꦁꦫꦺꦴꦢ꧀ꦱꦼꦭꦠꦤ꧀ ꦠꦼꦫꦸꦱ꧀ꦫꦶꦁꦫꦺꦴꦢ꧀ꦧꦫꦠ꧀ ꦭꦶꦮꦠ꧀ꦓꦺꦴꦢꦺꦪꦤ꧀ꦠꦼꦫꦸꦱ꧀ꦔꦭꦺꦴꦂꦔꦸꦭꦺꦴꦤ꧀ꦥꦫꦤ꧀ꦤꦺ ꧉ꦆꦁꦢꦭꦤ꧀ ꦮꦺꦴꦁꦭꦶꦩꦥꦝꦎꦩꦺꦴꦁꦎꦩꦺꦴꦁꦔꦤ꧀ꦧꦧ꧀ꦏꦲꦤ꧀ꦤꦤ꧀ꦱꦆꦏꦶ꧉

꧇ꦥꦸꦠꦸꦏꦸꦭꦤꦶꦏꦸꦏꦼꦥꦺꦔꦶꦤ꧀ꦏꦸꦭꦶꦪꦃꦠꦼꦤ꧀ꦗꦺꦴꦓ꧀ꦗꦔ꧀ꦒꦺꦴꦤ꧀ꦥꦼꦂꦒꦸꦫꦸꦮꦤ꧀ꦠꦶꦁꦒꦶꦱꦶꦁꦄꦥꦶꦏ꧀ ꦝꦺ ꦮꦺꦏ꧀ꦏꦺꦒꦝꦃꦕꦶꦠꦕꦶꦠꦄꦉꦥ꧀ꦢꦢꦶꦥꦼꦔꦕꦫꦈꦠꦮꦥꦼꦩ꧀ꦧꦺꦭ꧉ꦔ꧀ꦒꦶꦃꦏꦸꦭꦩꦤ꧀ꦠꦼꦥ꧀ꦔꦿꦒꦢ꧀ꦢꦶ꧈ꦱꦶꦁꦥꦼꦤ꧀ꦠꦶꦁꦥꦸꦠꦸꦏꦸꦭꦱꦼꦩꦔꦠ꧀ꦏꦸꦭꦶꦪꦃꦲꦺ꧈ꦧꦺꦤ꧀ꦧꦶꦱꦏꦱꦼꦩ꧀ꦧꦢꦤ꧀ꦕꦶꦠꦕꦶꦠꦤꦺ꧈꧇ꦔꦼꦤ꧀ꦢꦶꦏꦤ꧀ꦤꦺꦝꦺꦴꦏ꧀ꦠꦼꦂꦪꦤ꧀ꦠꦺꦴ꧉

ꦏꦶꦫꦏꦶꦫꦥꦠꦁꦥꦸꦭꦸꦃꦭꦶꦩꦩꦼꦤꦶꦠ꧀ꦥꦼꦂꦗꦭꦤ꧀ꦤꦤ꧈ꦩꦺꦴꦧꦶꦭ꧀ꦲꦶꦏꦸꦩ꧀ꦊꦧꦸꦆꦁꦥꦼꦏꦫꦁꦔꦤ꧀ꦱꦶꦁꦗꦼꦩ꧀ꦧꦂ꧈ꦪꦏꦸꦮꦶꦢꦊꦩ꧀ꦩꦺꦥꦏ꧀ꦑꦾꦲꦶꦆꦁꦠ꧀ꦭꦠꦃꦯ꧀ꦭꦺꦩꦤ꧀꧈ꦩꦺꦴꦧꦶꦭ꧀ꦧꦤ꧀ꦗꦸꦂꦢꦶꦥꦂꦏꦶꦂꦫꦏꦺꦏꦤ꧀ꦛꦶꦠꦼꦂꦠꦶꦧ꧀꧈ꦝꦺꦴꦏ꧀ꦠꦼꦂꦪꦤ꧀ꦠꦺꦴꦔꦼꦤ꧀ꦢꦶꦏ꧈꧇ꦩꦁꦒꦧꦸꦤꦶꦤꦶꦁꦭꦤ꧀ꦱꦼꦢꦪꦏꦤ꧀ꦕꦩꦤ꧀ꦝꦥ꧀ꦲꦭꦺꦴꦤ꧀ꦲꦭꦺꦴꦤ꧀ ꦩꦼꦤꦶꦏꦱꦩ꧀ꦥꦸꦤ꧀ꦢꦸꦩꦸꦒꦶꦢꦊꦩ꧀ꦩꦶꦥꦸꦤ꧀ꦥꦏ꧀ꦑꦾꦲꦶ꧈꧇ꦤꦶꦤꦶꦁꦧꦤ꧀ꦗꦸꦂꦩ꧀ꦧꦸꦏꦏ꧀ꦭꦮꦁꦩꦺꦴꦧꦶꦭ꧀ꦏꦶꦮ꧈ꦩꦼ ꦠꦸꦲꦭꦺꦴꦤ꧀ꦲꦭꦺꦴꦤ꧀ ꦧꦤ꧀ꦗꦸꦂꦄꦠ꧀ꦩꦗꦭꦤ꧀ꦫꦺꦴꦃꦩꦠ꧀ꦲꦸꦒꦩꦼꦠꦸ꧉

꧇ꦏꦸꦭꦤꦸꦮꦸꦤ꧀꧇ꦤꦶꦤꦶꦁꦈꦭꦸꦏ꧀ꦱꦭꦩ꧀ꦩꦫꦁꦏꦤ꧀ꦕꦩꦗꦼꦭꦶꦱ꧀ꦩꦸꦗꦲꦢꦃꦱꦶꦁꦮꦶꦱ꧀ꦊꦁꦒꦃꦭꦺꦱꦺꦃꦲꦤ꧀꧈

꧇ꦩꦁꦒꦧꦸꦤꦶꦤꦶꦁ꧈ꦥꦏ꧀ꦝꦺꦴꦏ꧀ꦠꦼꦂꦪꦤ꧀ꦠꦺꦴ꧈ꦥꦏ꧀ꦲꦠ꧀ꦩꦗ꧈ꦩꦱ꧀ꦫꦺꦴꦃꦩꦠ꧀ ꦭꦤ꧀ꦥꦏ꧀ꦩꦩꦤ꧀ ꦏꦠꦸꦂꦫꦤ꧀ꦊꦁꦒꦃꦫꦸꦩꦶꦪꦶꦤ꧀ꦲꦁꦏꦁꦥꦿꦪꦺꦴꦒꦶ꧉ꦩꦁꦒꦱꦼꦢꦪꦱꦼꦝꦺꦫꦺꦏ꧀ ꦏꦸꦭꦄꦠꦸꦂꦫꦶꦔꦸꦤ꧀ꦗꦸ ꦏ꧀ꦏꦺꦴꦥꦶꦭꦤ꧀ꦝꦲꦂꦱꦏ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀꧇ꦔꦼꦤ꧀ꦢꦶꦏꦤ꧀ꦤꦺꦥꦏ꧀ꦑꦾꦲꦶ꧉ ꦮꦺꦴꦁꦭꦶꦩꦥꦝꦱꦭꦩ꧀ꦩꦤ꧀ꦏꦫꦺꦴꦥ ꦏ꧀ꦑꦾꦲꦶꦏꦤ꧀ꦛꦶꦠꦏ꧀ꦢꦶꦩ꧀꧈ꦱꦮꦶꦱ꧀ꦱꦺꦏꦤ꧀ꦕꦩꦗꦼꦭꦶꦱ꧀ꦮꦶꦱ꧀ꦠꦼꦏꦏꦧꦺꦃ꧈ꦥꦏ꧀ꦑꦾꦲꦶꦧꦤ꧀ꦗꦸꦂꦔꦕꦫꦤ꧀ꦤꦶ꧈ꦄꦕꦫꦢ꦳ꦶꦏꦶꦂꦭꦤ꧀ꦱ꦳ꦭꦮꦠ꧀ꦏꦮꦶꦮꦶꦠ꧀ꦠꦤ꧀꧈

꧇ꦱꦼꦢꦪꦏꦢꦁꦩꦗꦼꦭꦶꦱ꧀ꦱ꦳ꦭꦮꦠ꧀ꦮꦲ꦳ꦶꦢꦶꦪꦃ꧈ꦩꦁꦒꦏꦶꦠꦱꦩꦶꦤꦶꦁꦏꦠ꧀ꦠꦏꦼꦤ꧀ꦲꦶꦩꦤ꧀ꦭꦤ꧀ꦠꦏ꧀ꦮꦮꦺꦴꦤ꧀ꦠꦼꦤ꧀ꦔꦂꦱꦤ꧀ꦤꦶꦥꦸꦤ꧀ꦓꦸꦱ꧀ꦠꦶꦄꦭ꧀ꦭꦃ꧉ꦒꦼꦱꦁꦆꦁꦄꦏ꦳ꦶꦂꦗꦩꦤ꧀ꦩꦼꦤꦶꦏꦏꦼꦢꦃꦏꦛꦃꦩꦲꦺꦴꦱ꧀ꦢ꦳ꦶꦏꦶꦂꦭꦤ꧀ꦱ꦳ꦭꦮꦠ꧀ꦕꦼꦭꦸꦏ꧀ꦕꦼꦭꦸꦏ꧀ꦝꦠꦼꦁꦑꦤ꧀ꦗꦼꦁꦟꦧꦶꦩꦸꦲ꦳ꦩ꧀ꦩꦢ꧀ ꦠꦽꦱ꧀ꦤꦝꦠꦼꦁꦑꦤ꧀ꦗꦼꦁꦟꦧꦶꦭꦤ꧀ꦠꦤ꧀ꦱꦃꦕꦏꦼ ꦠ꧀ꦝꦠꦼꦁꦒꦸꦫꦸꦫꦺꦴꦲꦤꦶꦱꦸꦥꦢꦺꦴꦱ꧀ꦢꦺꦴꦔꦤ꧀ꦤꦶꦥꦸꦤ꧀ꦢꦶꦥꦸꦤ꧀ꦮꦸꦱꦸꦭ꧀ꦭꦏꦼꦤ꧀ꦭꦤ꧀ꦢꦶꦆꦗꦧꦃꦢꦺꦤꦶꦁꦦꦔꦺꦫꦤ꧀꧈ ꦄꦕꦫꦩꦲꦺꦴꦱ꧀ꦢ꦳ꦶꦏꦶꦂꦭꦤ꧀ꦱ꦳ꦭꦮꦠ꧀ꦲꦺꦁꦒꦭ꧀ꦏꦶꦠꦮꦶꦮꦶꦠ꧀ꦠꦶ꧉ꦩꦁꦒꦏꦶꦠꦗꦒꦶꦄꦢꦧ꧀ꦲꦶꦁꦏꦁꦱꦏ꧀ꦱꦲꦺꦱꦲꦺꦤꦶꦥꦸꦤ꧀ ꦊꦁꦒꦃꦱꦶꦭ꧈ꦧꦺꦴꦠꦼꦤ꧀ꦥꦉꦁꦱꦺꦤ꧀ꦛꦺꦱꦺꦤ꧀ꦛꦺ꧈ꦢꦶꦧꦸꦮꦁꦫꦱꦔꦤ꧀ꦠꦸ ꦏ꧀ꦏꦺ꧈ꦄꦤꦤꦺꦩꦸꦁꦥꦱꦿꦃꦢꦺꦴꦱꦭꦤ꧀ꦏꦭꦸꦥꦸꦠ꧀ꦠꦤ꧀ꦝꦠꦼꦁꦦꦔꦺꦫꦤ꧀ꦱꦸꦥꦢꦺꦴꦱ꧀ꦢꦶꦥꦫꦶꦁꦔꦶꦥꦔꦥꦸꦫ꧉ꦩꦁꦒꦧꦸꦤꦶꦤꦶꦁꦏꦱꦸꦮꦸꦤ꧀ꦩꦶꦩ꧀ꦥꦶꦤ꧀ꦮꦲꦺꦴꦱ꧀ꦱꦤ꧀ꦢ꦳ꦶꦏꦶꦂꦭꦤ꧀ꦱ꦳ꦭꦮꦠ꧀ꦩꦼꦤꦶꦏꦏꦤ꧀ꦛꦶꦮꦶꦭꦁꦔꦤ꧀ꦥꦶꦠꦸꦥꦶꦠꦸꦭꦱ꧀꧈꧇

꧇ꦆꦁꦒꦶꦃꦥꦏ꧀ꦑꦾꦲꦶꦏꦸꦭꦔꦼꦱ꧀ꦠꦺꦴꦏ꧀ꦏꦏꦼꦤ꧀ꦝꦮꦸꦃ꧈꧇ꦮꦁꦱꦸꦭ꧀ꦭꦤ꧀ꦤꦺꦤꦶꦤꦶꦁ꧉ꦏꦧꦺꦃꦥꦱꦂꦠꦩꦗꦼꦭꦶꦱ꧀ꦭꦸꦁꦒꦸꦃꦱꦶꦭ꧈ꦩꦿꦶꦥꦠ꧀ꦩꦼꦉꦩ꧀ꦤꦔꦶꦁꦎꦫꦠꦸꦫꦸ꧈ꦧꦤ꧀ꦗꦸꦂꦩꦕꦢ꦳ꦶꦏꦶꦂꦭꦤ꧀ꦱ꦳ꦭꦮꦠ꧀ꦏꦤ꧀ꦛꦶꦌꦠꦸꦁꦔꦤ꧀ꦱꦶꦁꦮꦶꦱ꧀ꦏꦝꦮꦸꦃꦲꦏꦺ꧉ꦠꦼꦱ꧀ꦧꦺꦃꦱꦶꦁꦏꦁꦒꦺꦴꦌꦠꦸꦁꦔꦤ꧀ꦩꦸꦧꦼꦁꦕꦺꦥꦺꦠ꧀ꦧꦔꦼꦼꦠ꧀ꦔꦤ꧀ꦠꦶꦠꦼꦏꦤ꧀ꦫꦩ꧀ꦥꦸꦁ꧉

ꦄꦕꦫꦢ꦳ꦶꦏꦶꦂꦭꦤ꧀ꦱ꦳ꦭꦮꦠ꧀ꦧꦤ꧀ꦗꦸꦂꦢꦶꦠꦼꦫꦸꦱ꧀ꦱꦏꦺꦢꦶꦥꦶꦩ꧀ꦥꦶꦤ꧀ꦢꦺꦤꦶꦁꦥꦏ꧀ꦑꦾꦲꦶ꧉ꦤꦭꦶꦏꦠꦼꦔꦃꦠꦼꦔꦃꦲꦺꦢ꦳ꦶꦏꦶꦂꦭꦤ꧀ꦱ꦳ꦭꦮꦠ꧀ ꦲꦮꦏꦿꦱꦄꦝꦼꦼꦩꦤ꧀ꦗꦺꦏꦸꦠ꧀꧈ ꦢ꦳ꦶꦏꦶꦂꦭꦤ꧀ꦱ꦳ꦭꦮꦠ꧀ꦩꦸ ꦩ꧀ꦧꦸꦭ꧀ꦠꦼꦏꦤ꧀ꦭꦔꦶꦠ꧀꧈ꦤꦶꦤꦶꦁꦩ꧀ꦊꦧꦸꦄꦭꦩ꧀ꦭꦶꦪ꧈ꦮꦼꦫꦸꦃꦥꦼꦒꦸꦤꦸꦁꦔꦤ꧀ꦏꦁꦌꦤ꧀ꦢꦃꦧꦔꦼꦠ꧀ ꦠꦼꦫꦸꦱ꧀ꦝꦺꦮꦺꦏ꧀ꦏꦺ ꦩ꧀ꦭꦏꦸꦩ꧀ꦊꦧꦸꦒꦸꦮ꧈ꦆꦁꦗꦼꦫꦺꦴꦒꦸꦮꦄꦤꦠ꧀ꦭꦒꦱꦶꦁꦗꦼꦩ꧀ꦧꦂꦧꦚꦸꦤꦺꦧꦼꦤꦶꦁꦏꦶꦩ꧀ꦥ꧀ꦭꦃꦏꦶꦩ꧀ꦥ꧀ꦭꦃ꧈ꦄꦏꦺꦃꦭꦮꦱꦶꦁꦥꦝꦩꦧꦸꦂꦭꦤ꧀ꦲꦤꦭꦮꦒꦼꦝꦺꦧꦔꦼꦠ꧀ꦱꦶꦁꦔ꧀ꦒꦤ꧀ꦝꦸꦭ꧀ꦲꦁꦭꦔꦶꦠ꧀ꦒꦸꦮ꧉

ꦒꦸꦮꦏꦸꦮꦶꦠꦼꦩ꧀ꦧꦸꦱ꧀ꦠꦼꦏꦤ꧀ꦱꦼꦒꦫ꧈ꦱꦲꦺꦁꦒꦎꦩ꧀ꦧꦏ꧀ꦒꦼꦝꦺꦱꦏꦱꦼꦒꦫꦱꦶꦁꦔꦥꦾꦸꦏ꧀ꦧꦺꦴꦭꦧꦭꦶꦎꦫꦧꦶꦱꦩ꧀ꦊꦧꦸꦒꦸꦮꦄꦩꦂꦒꦤꦠꦥ꧀ꦮꦠꦸꦮꦠꦸꦏꦫꦁ꧉ꦫꦱꦤꦺꦏꦪꦶꦁꦮꦪꦃꦱꦸꦫꦸꦥ꧀꧈ꦏꦠꦺꦴꦤ꧀ꦱ꧀ꦮꦱꦤꦥꦤ꧀ꦠꦺꦆꦁꦮꦪꦃꦱꦸꦫꦸꦥ꧀꧈ꦱꦽꦔꦺꦔꦺꦱꦶꦁꦩꦺꦃꦄꦁꦱ꧀ꦭꦸꦥ꧀ꦏꦸꦮꦶꦫꦸꦥꦤꦺꦄꦧꦁꦧꦸꦤ꧀ꦢꦼꦂꦏꦪꦏꦼꦩꦩ꧀ꦧꦁꦤꦶꦁꦝꦸꦮꦸꦂꦧꦚꦸꦱꦼꦒꦫ꧉ꦭꦔꦶꦠ꧀ꦮꦂꦤꦗꦶꦁꦒ꧈ꦎꦩ꧀ꦧꦏ꧀ꦱꦼꦝꦺꦭꦱꦼꦝꦺꦭꦥꦼꦕꦃꦆꦁꦒꦶꦱꦶꦏ꧀ꦲꦭꦺꦴꦤ꧀ꦲꦭꦺꦴꦤ꧀꧈ꦱꦮꦼꦤ꧀ꦠꦫꦤꦶꦤꦶꦁꦚꦮꦁꦔꦶꦢꦸꦭ꧀ ꦆꦁꦱꦼꦒꦫꦄꦤꦥꦶꦪꦪꦶꦏꦏꦸꦁꦄ ꦒꦼꦩꦤ꧀ꦤꦺꦱꦂꦮꦥꦸꦠꦶꦃ꧈ꦤꦶꦠꦶꦃꦥꦿꦲꦸꦩꦸꦁꦆꦗꦺꦤ꧀꧈[ꦱꦠꦁꦩꦸꦁꦱꦶꦗꦶꦢꦶꦒ꧀ꦭꦺꦛꦺꦏ꧀ꦏꦺꦆꦁꦝꦸꦮꦸꦂꦥꦿꦲꦸ꧈ꦤꦔꦶꦁꦥꦿꦲꦸꦩꦲꦸꦠꦼꦠꦼꦥ꧀ꦩꦼꦭꦸꦤ꧀ꦕꦸꦂꦧꦤ꧀ꦠꦼꦂꦧꦔꦼꦠ꧀ꦔꦶꦢꦸꦭ꧀ꦥꦫꦤ꧀ꦤꦺꦔꦤ꧀ꦠꦶꦎꦫꦏꦱꦠ꧀ꦩꦠ꧉ꦱꦮꦶꦱ꧀ꦱꦺꦩꦺꦃꦫꦩ꧀ꦥꦸꦁꦤꦶꦤꦶꦁꦮꦼꦫꦸꦃꦕꦃꦪꦈꦔꦸꦕꦼꦩ꧀ꦭꦺꦴꦫꦺꦴꦠ꧀ꦏꦼꦂꦭꦥ꧀ꦏꦼꦂꦭꦥ꧀ꦲꦶꦁꦗꦼꦫꦺꦴꦫꦸꦮꦁꦔꦤ꧀ꦩꦗꦼꦭꦶꦱ꧀ꦩꦸꦗꦲꦢꦃ꧉ꦫꦩ꧀ꦥꦸꦁꦩꦸꦗꦲꦢꦃꦤꦶꦤꦶꦁꦧꦤ꧀ꦗꦸꦂꦩꦠꦸꦂꦩꦫꦁꦥꦏ꧀ꦑꦾꦲꦶꦩꦸꦁꦒꦸꦃꦄꦥꦱꦶꦁꦢꦶꦮꦼꦫꦸꦃꦲꦶꦤꦭꦶꦏꦭꦒꦶꦩꦸꦗꦲꦢꦃ꧉

ꦥꦏ꧀ꦑꦾꦲꦶꦥꦫꦶꦁꦥꦔꦤ꧀ꦢꦶꦏꦤ꧀꧇ꦆꦁꦒꦶꦃꦱꦲꦺꦱ꧀ꦠꦸꦧꦸꦤꦶꦤꦶꦁꦩꦼꦤꦶꦏꦧꦺꦴꦠꦼꦤ꧀ꦔꦪꦮꦫ꧈ꦢꦺꦤꦺꦠ꧀ꦭꦒꦩꦼꦤꦶꦏꦠ꧀ꦭꦒꦏꦱꦸꦮꦂꦒꦤ꧀꧈ꦩꦸꦭꦧꦼꦗꦧꦼꦗꦤꦺꦥꦤ꧀ꦗꦼꦤꦼꦁꦔꦤ꧀ꦱꦼꦢꦪꦱꦼꦝꦺꦫꦺꦏ꧀ꦩꦗꦼꦭꦶꦱ꧀ꦲꦶꦁꦏꦁꦱꦩ꧀ꦥꦸꦤ꧀ꦩꦲꦺꦴꦱ꧀ꦢ꦳ꦶꦏꦶꦂꦭꦤ꧀ꦱ꦳ꦭꦮꦠ꧀ ꦢꦺꦴꦱꦤꦺꦢꦶꦔꦥꦸꦫꦭꦤ꧀ꦱ꦳ꦭꦮꦠ꧀ꦮꦲꦸ ꦏꦊꦧꦼꦠ꧀ꦔꦶꦧꦢꦃꦭꦤ꧀ꦢꦺꦴꦔꦤꦺꦢꦶꦆꦗꦧꦃ꧉꧇

ꦥꦸꦁꦏꦱ꧀ꦱꦶꦁꦠꦂꦧꦶꦪꦃꦥꦏ꧀ꦑꦾꦲꦶꦔꦼꦤ꧀ꦢꦶꦏ꧈꧇ꦩꦁꦒꦏꦶꦠꦏꦼꦢꦃꦠꦤ꧀ꦱꦃꦤ꧀ꦗꦒꦱꦸꦥꦢꦺꦴꦱ꧀ꦧꦺꦴꦠꦼꦤ꧀ꦠꦸꦩꦶꦤ꧀ꦢꦏ꧀ꦩꦏ꧀ꦱꦶꦪꦠ꧀꧈ꦝꦲꦂꦆꦁꦏꦁꦲ꦳ꦭꦭ꧀ꦲꦶꦁꦏꦁꦧꦫꦺꦴꦏꦃ꧈ꦱꦸꦥꦢꦺꦴꦱ꧀ꦲꦸꦫꦶꦥ꧀ꦲꦪꦼꦩ꧀ꦠꦼꦤ꧀ꦠꦽꦩ꧀ꦲꦶꦁꦏꦼꦭꦸꦮꦂꦒꦆꦁꦏꦁꦱꦏꦶꦤꦃ꧉ꦔꦤ꧀ꦠꦺꦴꦱ꧀ꦥꦸꦥꦠ꧀ꦠꦶꦁꦪꦸꦱ꧀ꦮꦏꦶꦠꦠꦼꦠꦼꦥ꧀ꦥꦶꦱ꦳ꦭꦮꦠ꧀ꦭꦤ꧀ꦢ꦳ꦶꦏꦶꦂꦏꦁꦒꦺꦔꦶꦧꦢꦃ꧉꧇

ꦨꦤ꧀ꦠꦸꦭ꧀ ꧇꧑꧇ ꦗꦸꦤꦶ ꧇꧒꧐꧒꧓꧇

Leave a Reply

Your email address will not be published. Required fields are marked *