ꦢꦿꦩꦏꦲꦺꦴꦱ꧀ꦏꦏꦶꦱꦱꦶꦱꦶꦃ

20 December 2023 | 62 kali
Cerkak By : Anggoro Seno

                                                                      ꦢꦿꦩꦏꦲꦺꦴꦱ꧀ꦏꦏꦶꦱꦱꦶꦱꦶꦃ

                                                                       ꦢꦺꦤꦶꦁ꧇ꦢꦾꦃꦑꦸꦂꦤꦶꦪꦮꦠꦶ

꧊꧊ꦧꦸꦯꦶꦠꦶꦏꦒꦸꦔꦤ꧀ꦥꦸꦠꦿꦗꦼꦤꦼꦁꦔꦺꦨꦸꦢꦶ꧉ꦧꦺꦴꦕꦃꦲꦺꦲꦶꦱꦶꦃꦥꦺꦴꦭꦺꦴꦱ꧀ꦭꦤ꧀ꦏꦣꦁꦲꦁꦒꦽꦒꦼꦠ꧀ꦏꦺꦔꦤ꧀ꦠꦶꦚꦼꦥꦺꦴꦠ꧀ꦠꦏꦺꦏꦸꦕꦶꦂ꧉ꦤꦭꦶꦏꦲꦉꦥ꧀ ꦩ꧀ꦭꦼꦧꦸꦯ꧈ꦩ꧈ꦄ꧈ꦭꦤ꧀ꦲꦶꦱꦶꦃꦩꦱꦎꦫꦶꦪꦺꦤ꧀ꦠꦱꦶ꧈ꦢꦶꦏꦺꦴꦁꦏꦺꦴꦤ꧀ꦲꦁꦒꦮꦏꦲꦺꦴꦱ꧀ꦏꦏꦶꦱꦱꦶꦱꦶꦃꦱꦶꦁꦲꦚꦂ꧉ꦲꦩꦂꦒꦱꦱꦸꦮꦺꦤꦺꦲꦶꦏꦶꦱꦼꦩ꧀ꦧꦫꦁꦏꦧꦸꦠꦸꦃꦲꦤꦺꦲꦶꦱꦶꦃꦢꦶꦲꦸꦫꦸꦱ꧀ꦱꦶꦲꦶꦧꦸꦤꦺꦢꦢꦶꦪꦭꦁꦱꦸꦁꦚꦸꦮꦸꦤ꧀ꦏꦲꦺꦴꦱ꧀ꦏꦏꦶꦱꦶꦁꦩꦸꦁꦱꦱꦶꦱꦶꦃꦩꦫꦁꦲꦶꦧꦸꦤꦺ꧉

꧋ꦲꦺꦴꦭꦺꦃꦲꦺꦩꦠꦸꦂꦲꦶꦧꦸꦤꦺꦩꦶꦁꦒꦸꦲꦮꦤ꧀ꦭꦤ꧀ꦏꦁꦒꦺꦴꦤꦺꦱꦼꦤꦶꦤ꧀꧉ꦮꦼꦏ꧀ꦠꦸꦲꦶꦏꦸꦲꦶꦧꦸꦤꦺꦭꦒꦶꦫꦺꦥꦺꦴꦠ꧀ꦧꦔꦼꦠ꧀꧉ꦨꦸꦢꦶꦧꦚ꧀ꦗꦸꦂꦢꦶꦥꦫꦶꦔꦶꦣꦸꦮꦶꦠ꧀ꦏꦺꦴꦤ꧀ꦠꦸꦏꦸꦣꦺꦮꦺ꧈ꦩꦼꦱꦶꦱꦤ꧀ꦭꦠꦶꦪꦤ꧀ꦱꦸꦥꦪꦩꦤ꧀ꦢꦶꦫꦶ꧉

꧊꧊ꦱꦶꦢꦤꦺꦨꦸꦢꦶꦠꦸꦏꦸꦏꦲꦺꦴꦱ꧀ꦏꦏꦶꦢꦶꦠꦼꦂꦤꦺꦏꦚ꧀ꦕꦤꦺ

ꦱꦶꦁꦲꦸꦒꦱꦱꦼꦏꦺꦴꦭꦃꦲꦤ꧀꧉ꦤꦔꦶꦁꦔꦤ꧀ꦠꦶꦱꦸꦫꦸꦥ꧀ꦏꦺꦴꦏ꧀ꦲꦺꦴꦫꦩꦸꦭꦶꦃꦩꦸꦭꦶꦃ꧉ꦧꦸꦯꦶꦠꦶꦏꦸꦮꦠꦶꦂꦪꦺꦤ꧀ꦲꦤꦲꦥꦲꦥ꧉ꦲꦩꦼꦂꦒꦨꦸꦢꦶꦢꦸꦫꦸꦃꦭꦚꦃꦩꦺꦴꦠꦺꦴꦂꦫꦤ꧀ꦣꦺꦮꦺ꧈ꦲꦥꦩꦤꦺꦃꦩꦲꦸꦲꦁꦒꦺꦴꦤ꧀ꦕꦺꦁꦏꦚ꧀ꦕꦤꦺ꧉‍ꦤꦭꦶꦏꦲꦢ꦳ꦤ꧀ꦩꦒꦿꦶꦥ꧀ꦱꦶꦁꦢꦶꦧꦠꦶꦤ꧀ꦢꦮꦲꦸ

ꦩꦸꦂꦫꦺ꧈ꦧꦺꦴꦕꦃꦲꦺꦲꦚ꧀ꦗꦼꦣꦸꦭ꧀꧉ꦤꦔꦶꦁꦏꦺꦴꦏ꧀ꦲꦁꦭꦸꦃꦏꦪꦮꦪꦁꦲꦶꦭꦁꦒꦥꦶꦠ꧀ꦠꦺ꧉

꧊꧊꧇ꦏꦺꦴꦏ꧀ꦱꦸꦮꦺꦩꦼꦤ꧀ꦩꦲꦸꦤꦺꦁꦔꦼꦤ꧀ꦢꦶꦧꦲꦺꦠ꧈ꦭꦺ꧇

ꦧꦸꦯꦶꦠꦶꦩꦒꦶꦠꦒꦶꦠꦲꦺꦴꦭꦺꦲꦺꦔꦼꦂꦠꦏ꧀ꦏꦏꦺ꧉

꧊꧊꧇ꦪꦩꦸꦧꦼꦁꦲꦁꦒꦺꦴꦭꦺꦏ꧀ꦏꦲꦺꦴꦱ꧀ꦏꦏꦶꦛꦺꦴꦏ꧀꧈ꦩ꧀ꦭꦼꦧꦸꦩꦼꦠꦸꦠꦺꦴꦏꦺꦴꦲꦺꦴꦫꦲꦺꦤꦺꦏ꧀ꦱꦶꦁꦲꦢꦺꦴꦭ꧀꧈ꦧꦸ꧇

ꦗꦮꦧꦺꦨꦸꦢꦶꦏꦫꦺꦴꦚꦺꦭꦺꦃꦤꦺꦧꦺꦴꦏꦺꦴꦁꦤꦺꦁꦏꦸꦂꦱꦶ꧉

꧊꧊꧇ꦲ꧀ꦭꦺꦴ꧈ꦩꦺꦴꦱꦺꦴꦏ꧀ꦧꦏꦸꦭ꧀ꦏꦲꦺꦴꦱ꧀ꦏꦏꦶꦱꦏ꧀ꦏꦸꦛꦲꦺ

ꦤ꧀ꦠꦺꦏ꧀ꦏꦧꦺꦃꦢꦒꦔꦤ꧀ꦤꦺ꧉ꦲꦤꦺꦃꦩꦼꦤ꧀꧇

꧊꧊꧇ꦪꦲꦶꦱꦶꦃꦲꦺꦤꦺꦏ꧀ꦧꦫꦔꦺ꧈ꦤꦔꦶꦁꦱꦶꦁꦢꦺꦴꦢꦺꦴꦭ꧀ꦏꦲꦺꦴꦱ꧀ꦏꦏꦶꦱꦱꦶꦱꦶꦃꦲꦺꦴꦫꦲꦺꦤꦺꦏ꧀꧇ꦱꦸꦩꦲꦸꦂꦔꦺꦴꦤꦺꦴꦏꦫꦺꦴꦩꦕꦏ꧀ꦩꦼꦭꦱ꧀꧉

꧊꧊꧇ꦗꦧꦁꦧꦪꦶꦏ꧀꧉꧉꧉꧉꧉ꦲꦲꦲꦲꦲ꧇ꦧꦸꦯꦶꦠꦶꦏꦼꦩꦼꦏꦼꦭ꧀ꦏꦼꦤ꧀꧉

꧊꧊꧇ꦲꦺꦴꦮꦭꦃꦭꦺꦺ꧈ꦭꦤꦺꦏ꧀ꦩꦸꦁꦠꦸꦏꦸꦱꦱꦶꦱꦶꦃꦪꦧꦏꦸꦭ꧀ꦭꦺꦮꦼꦒꦃꦫꦸꦒꦶ꧈ꦠ꧉ꦔꦤ꧀ꦠꦶꦠꦼꦏꦤ꧀ꦭꦸꦮꦂꦤꦼꦒꦼꦫꦶꦪꦲꦺꦴꦫꦧꦏꦤ꧀ꦲꦺꦴꦭꦺꦃ꧉ꦏꦸꦢꦸꦤꦺꦠꦸꦏꦸꦩꦸꦩꦲꦸꦏꦲꦺꦴꦱ꧀ꦏꦏꦶꦱꦼꦥꦱꦁ꧈ꦠꦿꦸꦱ꧀ꦲꦺꦁꦏꦺꦴꦱꦶꦁꦱꦱꦶꦱꦶꦃꦏꦁꦒꦺꦴꦏꦚ꧀ꦕꦩꦸꦏꦸꦮꦶ꧉꧉ꦮꦏꦮꦏꦮꦏ꧇

꧊꧊꧇ꦭꦲꦶꦧꦸꦏ꧀ꦩꦲꦸꦲꦺꦴꦫꦔꦼꦤ꧀ꦢꦶꦏꦤꦺꦏ꧀ꦠꦸꦏꦸꦤꦺꦏꦲꦺꦴꦱ꧀ꦏꦏꦶꦱꦥꦱꦁ꧉ꦩꦲꦸꦪꦲꦏꦺꦃꦤꦺꦏ꧀ꦱꦼꦥꦱꦁ꧉꧇

ꦨꦸꦢꦶꦱꦶꦏ꧀ꦚꦭꦃꦤꦺꦲꦶꦧꦸꦤꦺ꧉ꦣꦸꦃꦒꦸꦱꦠꦶꦚꦸꦮꦸꦤ꧀ꦔꦥꦸꦫ꧉

꧋ꦪꦔꦺꦤꦺꦲꦶꦏꦶꦲꦏꦶꦧꦠ꧀ꦪꦺꦤ꧀ꦢꦶꦩꦤ꧀ꦗꦏꦮꦶꦠ꧀ꦕꦶꦭꦶꦏ꧀꧉ꦗꦼꦭꦭꦃꦏꦺꦴꦏ꧀ꦏꦚ꧀ꦕꦤꦺꦥꦣꦧꦲꦺ꧉ꦲꦥꦠꦸꦩꦺꦴꦤ꧀꧈ꦠꦸꦏꦸꦏꦲꦺꦴꦱ꧀ꦏꦏꦶꦏꦺꦴꦏ꧀ꦩꦸꦁꦱꦱꦶꦱꦶꦃ꧉ꦲꦺꦲꦺ꧉꧉꧉꧉

*******

꧋ꦩꦢꦶꦪꦸꦟ꧀꧇꧒꧔꧇ꦗꦸꦭꦶ꧇꧒꧐꧒꧒꧇꧉

#ꦮꦶꦱ꧀ꦏꦥꦕꦏ꧀ꦲꦶꦁꦥꦚ꧀ꦗꦼꦧꦂꦱꦼꦩꦔꦠ꧀꧈ꦤꦺꦴꦩꦼꦂ꧇꧕꧐꧇ꦠꦁꦒꦭ꧀꧇꧑꧘꧇ꦢꦺꦱꦺꦩꦨꦼꦂ꧇꧒꧐꧒꧓꧇

#ꦲꦭꦶꦃꦲꦏ꧀ꦱꦫꦲꦺꦴꦭꦺꦃꦄꦁꦒꦺꦴꦫꦱꦺꦤ꧉

Leave a Reply

Your email address will not be published. Required fields are marked *