ꦩꦼꦂꦣꦺꦏꦧꦼꦭꦗꦂ

11 December 2023 | 62 kali
Cerkak By : Dyah Kurniawati

 

 

ꦩꦼꦂꦣꦺꦏꦧꦼꦭꦗꦂ

MERDHEKA BELAJAR

 

ꦢꦺꦤꦶꦁ: ꦢꦾꦃꦏꦸꦂꦤꦶꦪꦮꦠꦶ
Dening: Dyah Kurniawati

 

꧋ꦮꦶꦱ꧀ꦫꦺꦴꦁꦩꦶꦁꦒꦸꦲꦶꦏꦶꦱꦧꦼꦤ꧀ꦢꦶꦤꦗꦼꦩꦸꦮꦃ꧈ꦩꦸꦫꦶꦢ꧀ꦩꦸꦫꦶꦢ꧀ꦱꦼꦏꦺꦴꦭꦃꦏꦸꦔꦁꦒꦺꦴꦏ꧀ꦭꦩ꧀ꦧꦶꦧꦺꦧꦱ꧀ꦫꦥꦶ꧈ꦲꦺꦛꦺꦴꦏ꧀ꦲꦺꦛꦺꦴꦏ꧀ꦏꦺꦩꦤꦸꦠ꧀ꦝꦮꦸꦃꦲꦺꦩꦱ꧀ꦩꦼꦤ꧀ꦠꦿꦶ꧇ꦩꦼꦂꦣꦺꦏꦧꦼꦭꦗꦂ꧇꧉ꦗꦢ꧀ꦮꦭ꧀ꦏꦸꦏꦼꦧꦒꦶꦪꦤ꧀ꦥꦶꦏꦺꦠ꧀ꦲꦶꦁꦏꦩ꧀ꦥꦸꦱ꧀ꦠꦼꦭꦸ꧉

꧋ꦤꦭꦶꦏꦗꦩ꧀ꦏꦭꦶꦩꦱꦧꦸꦧꦂꦫꦺꦔꦱꦺꦴ꧈ꦲꦤꦧꦺꦴꦕꦃꦒ꧀ꦭꦼꦤꦶꦏ꧀ꦏꦤ꧀ꦤꦺꦁꦭꦶꦚ꧀ꦕꦏ꧀ꦔꦉꦥ꧀ꦏꦤ꧀ꦠꦶꦤ꧀꧈ꦏꦢꦶꦢꦺꦤꦺꦒꦸꦫꦸꦥꦶꦏꦺꦠ꧀ꦱꦶꦁꦱꦽꦒꦼꦥ꧀ꦭꦤ꧀ꦠꦁꦒꦸꦁꦗꦮꦧ꧀ ꦲꦏꦸꦒꦒꦺꦩꦫꦤꦶꦧꦺꦴꦕꦃꦭꦺꦴꦫꦺꦴꦏꦸꦮꦶ꧉ꦱꦶꦗꦶꦗꦶꦭ꧀ꦧꦧ꧀ꦏꦿꦺꦩ꧀ꦭꦤ꧀ꦱꦶꦗꦶꦤꦺꦗꦶꦭ꧀ꦧꦧ꧀ꦲꦧꦁ꧈ꦗꦼꦒꦶꦒꦶꦱ꧀ꦱꦤ꧀ꦚꦼꦝꦺꦴꦠ꧀ꦲꦺꦱ꧀ꦠꦺꦃꦱꦏꦒꦼꦭꦱ꧀ꦭꦤ꧀ꦔꦼꦩꦶꦭ꧀ꦕꦶꦏꦶ꧉ꦏꦫꦺꦴꦏꦫꦺꦴꦤꦺꦭꦸꦁꦒꦸꦃꦚꦶꦁꦏꦸꦂꦫꦶꦲꦏꦸ꧉

꧋ꦧꦉꦁꦮꦶꦱ꧀ꦕꦼꦣꦏ꧀ꦠꦏ꧀ꦒꦼꦠꦏ꧀꧇ꦲꦶꦏꦶꦏꦺꦴꦏ꧀ꦩꦭꦃꦒ꧀ꦭꦼꦤꦶꦏ꧀ꦏꦤ꧀ꦤꦺꦁꦏꦺꦤꦺ꧈ꦲꦪꦺꦴꦤ꧀ꦢꦁꦩ꧀ꦭꦼꦧꦸꦤꦺꦁꦏ꧀ꦭꦱ꧀꧇

ꦧꦺꦴꦕꦃꦭꦺꦴꦫꦺꦴꦱꦏ꧀ꦏꦭ꧀ꦩꦺꦔꦺꦴꦚꦮꦁꦲꦏꦸꦏꦫꦺꦴꦩ꧀ꦭꦺꦴꦔꦺꦴ꧈ꦧꦚ꧀ꦗꦸꦂꦥꦤ꧀ꦢꦼꦁꦥꦤ꧀ꦢꦼꦁꦔꦤ꧀꧈

꧋ꦲꦏꦸꦠꦤ꧀ꦱꦪ꧀ꦏꦼꦩꦿꦸꦁꦱꦸꦁꦲꦺꦴꦫꦢꦶꦒꦥꦺ꧈꧇ꦥ꧀ꦭꦗꦂꦫꦤ꧀ꦤꦺꦱꦥ?꧈ꦏꦲꦺꦲ꧀ꦭꦺꦴꦒꦸꦫꦸꦤꦺꦮꦶꦱ꧀ꦥꦣꦫꦮꦸꦃꦩꦶꦮꦶꦠ꧀ꦠꦶꦥ꧀ꦭꦗꦂꦫꦤ꧀꧇꧈

ꦧꦺꦴꦕꦃꦭꦺꦴꦫꦺꦴꦠꦩ꧀ꦧꦃꦧꦶꦔꦸꦁ꧈ꦱꦶꦁꦗꦶꦭ꧀ꦧꦧ꧀ꦏꦽꦩ꧀ꦧꦚ꧀ꦗꦸꦂꦔꦸꦕꦥ꧀꧇ꦲꦼꦩ꧀꧈꧈꧈꧈꧈ꦔꦤꦸ꧈꧈꧈꧈꧈꧇꧉

꧋ꦲꦏꦸꦠꦩ꧀ꦧꦃꦩꦸꦤ꧀ꦠꦧ꧀꧇ꦔꦺꦴꦤꦔꦤꦸꦲꦥ꧈ꦲꦪꦺꦴꦒꦺꦏ꧀ꦕꦼꦥꦼꦠ꧀ꦤꦺꦁꦏ꧀ꦭꦱ꧀ ꦲꦺꦴꦫꦲꦥꦶꦏ꧀ꦢꦶꦱꦮꦁꦮꦺꦴꦁ꧇꧉

꧋꧇ꦥꦔꦥꦸꦤ꧀ꦠꦼꦤ꧀ ꦥꦸꦤꦶꦏꦥꦺꦴꦤꦏ꧀ꦏꦤ꧀ꦏꦸꦭꦲꦶꦁꦏꦁꦔꦿꦺꦚ꧀ꦕꦁꦔꦶꦱꦢꦺꦪꦤ꧀꧇꧈

ꦲꦸꦗꦸꦒ꧀ꦲꦸꦗꦸꦒ꧀ꦪꦸꦯꦶꦠꦶꦧꦏꦸꦭ꧀ꦏꦤ꧀ꦠꦶꦤ꧀ꦚꦼꦣꦏ꧀ꦏꦶꦲꦏꦸꦏꦫꦺꦴꦧꦶꦱꦶꦏ꧀ꦧꦶꦱꦶꦏ꧀ꦭꦶꦫꦶꦃꦤꦔꦶꦁꦒꦮꦺꦏꦒꦺꦠ꧀ꦏꦸ꧉

꧋꧇ꦲꦺꦴꦮꦭꦃ꧈ꦱꦼꦥꦸꦤ꧀ꦠꦺꦤ꧀ꦤꦺ꧇꧉

꧋ꦲꦏꦸꦒꦒꦺꦏ꧀ꦭꦺꦥꦠ꧀ꦭꦸꦔꦤꦸꦗꦸꦏꦤ꧀ꦠꦺꦴꦂꦒꦸꦫꦸ꧉ꦲꦶꦁꦏꦺꦴꦤꦺꦴꦲꦤꦏꦚ꧀ꦕꦏꦸꦭꦺꦴꦫꦺꦴꦤꦔꦶꦁꦲꦏꦸꦩꦼꦤꦼꦁꦧꦲꦺ꧉ꦒꦺꦁꦱꦶꦭꦃꦪꦺꦤ꧀ꦔꦤ꧀ꦠꦶꦢꦶꦲꦶꦱꦶꦤ꧀ꦲꦶꦱꦶꦤ꧀ ꦮꦏꦮꦏꦏꦮꦏꦏꦏ꧉

꧋ꦪꦔꦺꦤꦺꦲꦶꦏꦶ꧈ꦏꦉꦥ꧀ꦥꦺꦩꦺꦤꦺꦃꦲꦶꦏꦼꦧꦺꦧ꧀ꦧꦱ꧀ꦱꦤ꧀ꦱꦶꦱ꧀ꦮꦲꦺꦴꦫꦱꦿꦒꦩ꧀ꦩꦤ꧀

ꦤꦔꦶꦁꦩꦭꦶꦃ ꦲꦺꦴꦫꦲꦤꦧꦺꦢꦤꦺꦏꦫꦺꦴꦱꦶꦁꦲꦺꦴꦫꦱꦼꦏꦺꦴꦭꦃ꧉ꦲꦤꦲꦤꦧꦲꦺ꧉

*********

꧋ꦩꦢꦶꦪꦸꦤ꧀ ꦤꦼꦩ꧀ꦭꦶꦏꦸꦂꦄꦒꦸꦱ꧀ꦠꦸꦱ꧀꧇꧒꧐꧒꧓꧇꧉

꧋ꦮꦶꦱ꧀ꦏꦥꦕꦏ꧀ꦲꦶꦁꦏꦭꦮꦂꦠꦶꦗꦪꦧꦪꦤꦺꦴꦩꦼꦂ꧇꧑꧑꧇ ꦟꦺꦴꦥꦺꦩ꧀ꦧꦼꦂ꧇꧒꧐꧒꧒꧇꧉

 

Leave a Reply

Your email address will not be published. Required fields are marked *