ꦱꦸꦒꦼꦁꦤꦠꦭ꧀ ꦫꦩ

20 December 2023 | 23 kali
Cerkak By : Philipus Dellian AR

ꦱꦸꦒꦼꦁꦤꦠꦭ꧀ ꦫꦩ

ꦢꦺꦤꦶꦁ꧇ꦥ꦳ꦶꦭꦶꦥꦸꦱ꧀ꦝꦺꦭ꧀ꦭꦶꦭꦤ꧀ ꦲ꧈ꦫ꧈

꧋ꦭꦸꦁꦏꦿꦃꦲꦮꦏ꧀ꦏꦸꦱꦮꦸꦱ꧀ꦱꦺꦥꦠꦁꦥꦸꦭꦸꦃꦗꦩ꧀ꦤꦸꦩ꧀ꦥꦏ꧀ꦩꦺꦴꦤ꧀ꦠꦺꦴꦂꦩꦧꦸꦂꦔꦩ꧀ꦧꦃꦗꦸꦩꦤ꧀ꦠꦫꦱꦏꦆꦤ꧀ꦝꦺꦴꦤꦺꦱꦾꦠꦼꦏꦤ꧀ꦤꦒꦫꦲꦶꦁꦥꦱꦶꦱꦶꦂꦏꦸꦭꦺꦴꦤ꧀ꦄꦩꦺꦫꦶꦏꦏꦶꦢꦸꦭ꧀꧉ꦠꦸꦗꦸꦤꦺꦏꦚ꧀ꦕꦏꦸꦭꦶꦪꦃꦏꦸꦧꦶꦪꦺꦤ꧀ꦒꦼꦊꦩ꧀ꦩꦥꦒ꧀ꦠꦼꦏꦏꦸꦲꦶꦁꦧꦤ꧀ꦝꦫ꧉ꦲꦏꦸꦔꦶꦤꦼꦥ꧀ꦱꦮꦼꦔꦶꦲꦶꦁꦲꦺꦴꦩꦃꦲꦺ꧈ꦲꦶꦁꦥꦶꦁꦒꦶꦂ Santiago(ꦱꦤ꧀ꦠꦾꦏ꦳ꦺꦴ)꧉ꦤꦸꦁꦏꦶ꧈ꦏꦚ꧀ꦕꦏꦸꦭꦶꦪꦃꦏꦸꦏꦸꦮꦶꦮꦸꦱ꧀ꦠꦼꦭꦸꦁꦠꦲꦸꦤ꧀ꦩꦁꦒꦺꦴꦤ꧀ꦲꦶꦁ Chile (ꦕꦶꦭꦺ) ꦚꦩ꧀ꦧꦸꦠ꧀ꦒꦮꦺꦲꦶꦁꦏꦼꦣꦸꦠꦄꦤ꧀꧉ꦲꦏꦸꦏꦫꦪꦫꦪꦠꦼꦏꦤ꧀ꦤꦒꦫꦲꦶꦏꦶꦲꦩꦂꦒꦲꦺꦤ꧀ꦠꦸꦏ꧀ꦲꦸꦤ꧀ꦝꦁꦔꦤ꧀ꦱꦏꦊꦩ꧀ꦧꦒꦏꦧꦸꦢꦪꦤ꧀ꦥꦼꦩꦼꦫꦶꦤ꧀ꦠꦃꦕꦶꦭꦺꦲꦶꦁꦲꦕꦫꦥꦩꦺꦫꦤ꧀ꦭꦸꦏꦶꦱ꧀ꦱꦤ꧀ꦭꦤ꧀ꦏꦫꦶꦏꦠꦸꦂꦆꦤ꧀ꦠꦼꦂꦤꦱꦾꦺꦴꦤꦭ꧀꧉

꧋ꦠꦼꦏꦤꦲꦺꦴꦩꦃꦲꦺꦤꦸꦁꦏꦶ꧈ꦲꦏꦸꦮꦶꦱ꧀ꦲꦺꦴꦫꦢꦸꦮꦺꦱꦼꦭꦺꦫꦩꦔꦤ꧀꧈ꦱꦏꦶꦁꦏꦼꦱꦼꦭ꧀ꦭꦺꦲꦮꦏ꧀ꦏꦸ꧉ꦩꦱꦶꦪꦔꦺꦴꦤꦺꦴ꧈ꦤꦸꦁꦏꦶꦏꦤ꧀ꦝꦪꦺꦤ꧀ꦱꦮꦪꦃꦮꦭꦃꦲꦏꦸꦏꦿꦱꦭꦸꦮꦺ꧈ꦲꦏꦸꦏꦼꦤꦩꦱꦏ꧀ꦝꦺꦮꦺꦤꦺꦁꦥꦮꦺꦴꦤ꧀꧉ꦲꦏꦸꦩꦸꦁꦔꦶꦪꦤꦶꦲꦥꦲꦸꦗꦂꦫꦺꦤꦸꦁꦏꦶ꧉

꧋ꦢꦶꦤꦕꦤ꧀ꦝꦏ꧀ꦏꦺꦲꦏꦸꦭꦤ꧀ꦤꦸꦁꦏꦶꦱꦫꦥꦤ꧀ꦱꦼꦒꦒꦺꦴꦫꦺꦁ꧉ꦤꦸꦁꦏꦶꦶꦶꦶꦶꦶꦶꦶꦶꦶꦶꦶꦶꦶꦶꦶꦶꦶꦶꦶꦶꦶꦣꦺꦮꦺꦱꦶꦁꦩꦱꦏ꧀꧉ꦤꦭꦶꦏꦱꦫꦥꦤ꧀ꦲꦶꦏꦸꦤꦸꦁꦏꦶꦕꦿꦶꦠꦧꦧ꧀ꦤꦤꦒꦫꦕꦶꦭꦺ꧈ꦮꦺꦴꦁꦮꦺꦴꦁꦔꦺ꧈ꦲꦸꦒꦠꦿꦣꦶꦱꦶꦤꦺ꧉ꦩꦭꦃꦣꦺꦮꦺꦏ꧀ꦏꦺꦲꦸꦒꦏꦤ꧀ꦝꦪꦺꦤ꧀ꦮꦸꦱ꧀ꦠꦸꦤꦁꦔꦤ꧀ꦏꦫꦺꦴꦥꦿꦶꦪꦤꦒꦫꦲꦶꦏꦸ꧉ꦤꦸꦭꦶꦤꦸꦁꦏꦶꦠꦏꦺꦴꦤ꧀꧇ꦲꦤꦏ꧀ꦩꦸꦥꦶꦫ꧈ꦪꦸꦤ꧇꧉

꧋ꦲꦏꦸꦩꦺꦱꦼꦩ꧀ꦮꦲꦺ꧉ꦤꦸꦁꦏꦶꦠꦏꦺꦴꦤ꧀ꦩꦤꦺꦃ꧇ꦏꦺꦴꦮꦺꦲꦶꦱꦶꦃꦲꦶꦗꦺꦤ꧀ ꦪꦸꦤ꧇꧉

꧋ꦲꦏꦸꦩꦤ꧀ꦛꦸꦏ꧀ꦩꦁꦱꦸꦭ꧀ꦭꦶ꧇ꦲꦶꦪ꧈ꦲꦏꦸꦲꦶꦱꦶꦃꦊꦒꦤ꧀ ꦤꦸꦁ꧇꧉

꧋ꦥꦔꦸꦕꦥ꧀ꦥꦺꦤꦸꦁꦏꦶ꧇ꦲꦺꦴꦮꦭꦃ꧈ꦪꦸꦤ꧀ ꦒꦺꦏ꧀ꦤꦸꦁꦒꦸꦸꦱꦥ꧈ꦏꦺꦴꦏ꧀ꦧꦼꦠꦃꦩꦼꦤ꧀ꦱꦥꦿꦤꦱꦥꦿꦺꦤꦺꦣꦺꦮꦺꦏ꧀ꦏꦤ꧀꧉ꦥꦔꦺꦫꦤ꧀ꦮꦶꦭ꧀ꦭꦶꦪꦩ꧀ꦮꦶꦱ꧀ꦢꦸꦮꦺꦲꦤꦏ꧀ꦠꦼꦭꦸ꧈ꦏꦺꦴꦮꦺꦥꦁꦒꦃꦱꦶꦁꦒꦼꦭ꧀ꦮꦲꦺ꧇꧉

꧋ꦥꦔꦺꦫꦤ꧀ꦮꦶꦭ꧀ꦭꦶꦪꦩ꧀ꦱꦏꦆꦁꦒꦿꦶꦱ꧀ꦲꦶꦏꦸꦆꦣꦺꦴꦭꦤꦺꦤꦸꦁꦏꦶꦣꦺꦏ꧀ꦗꦩꦤ꧀ꦏꦸꦭꦶꦪꦃ꧉ꦢꦺꦤꦺꦲꦏꦸꦭꦸꦮꦶꦃꦱꦼꦤꦼꦁꦧꦶꦤ꧀ꦠꦁꦥ꦳ꦶꦊꦩ꧀ Keanu Reeves꧉

꧋ꦤꦸꦁꦏꦶꦠꦏꦺꦴꦤ꧀꧇ꦲꦥꦏꦺꦴꦮꦺꦢꦸꦫꦸꦁꦧꦶꦱꦭꦭꦶꦩꦫꦁꦩꦱ꧀ ꦲꦺꦂꦤꦮ꧇꧉

꧋ꦩꦏ꧀ꦝꦼꦒ꧀ ꦲꦠꦶꦏꦸꦠꦿꦠꦧ꧀ꦧꦤ꧀ꦤꦭꦶꦏꦤꦸꦁꦏꦶꦚꦼꦧꦸꦠ꧀ꦗꦼꦤꦼꦁꦏꦸꦮꦶ꧉ꦲꦺꦂꦤꦮ꧈ꦗꦼꦤꦼꦁꦏꦸꦮꦶꦥꦚ꧀ꦕꦺꦤ꧀ꦱꦶꦁꦔꦼꦧꦏ꧀ꦏꦶꦲꦠꦶꦏꦸ꧉ꦤꦔꦶꦁꦮꦸꦱ꧀ꦱꦸꦮꦺꦲꦏꦸꦲꦺꦴꦫꦤꦠꦺꦏꦼꦠꦼꦩꦸꦥꦿꦶꦪꦏꦁꦠꦤ꧀ꦱꦃꦔꦼꦧꦏ꧀ꦏꦶꦲꦶꦩ꧀ꦥꦺꦤ꧀ꦏꦸ꧉ꦲꦤꦪꦺꦤ꧀ꦭꦶꦩꦭꦱ꧀ꦠꦲꦸꦤ꧀ꦤꦤ꧀ꦲꦏꦸꦲꦺꦴꦫꦏꦼꦼꦥꦼꦛꦸꦏ꧀ꦝꦺꦮꦺꦏ꧀ꦏꦺ꧉ꦲꦼꦩ꧀ꦧꦸꦃꦲꦤꦔꦼꦤ꧀ꦢꦶꦲꦺꦂꦤꦮꦱꦲꦶꦶꦶꦶꦏꦶ꧉ꦤꦭꦶꦏꦱꦩꦤꦣꦺꦮꦺꦏ꧀ꦏꦲꦸꦫꦶꦥ꧀ꦏꦫꦺꦴꦲꦺꦪꦁꦔꦺ꧈ꦲꦩꦂꦒꦧꦥꦏ꧀ꦭꦤ꧀ꦲꦶꦶꦧꦸꦤꦺꦏꦠꦸꦠ꧀ꦢꦢꦶꦏꦺꦴꦂꦧꦤ꧀ꦏꦕꦶꦭꦏꦤ꧀ꦩꦺꦴꦤ꧀ꦠꦺꦴꦂꦩꦧꦸꦂ꧉ꦲꦺꦂꦤꦮꦢꦢꦶꦧꦺꦴꦕꦃꦭꦺꦴꦭ꧉ꦱꦮꦸꦱ꧀ꦱꦺꦲꦺꦪꦁꦔꦺꦱꦺꦢꦏꦧꦺꦃ꧈ꦲꦺꦂꦤꦮꦥꦩꦶꦠ꧀ꦲꦉꦥ꧀ꦒꦺꦴꦭꦺꦏ꧀ꦥꦒꦮꦺꦪꦤ꧀ꦲꦶꦁꦗꦏꦂꦠ꧉ꦱꦱꦱꦶ꧈ꦫꦺꦴꦁꦱꦱꦶꦣꦺꦮꦺꦏ꧀ꦏꦺꦲꦶꦱꦶꦃꦏꦶꦫꦶꦩ꧀ꦏꦧꦂ꧉ꦤꦔꦶꦁꦱꦠꦼꦫꦸꦱ꧀ꦱꦺꦲꦏꦸꦲꦺꦴꦫꦤꦺꦴꦩ꧀ꦥꦏꦧꦂꦩꦤꦺꦃ꧉ꦢꦏ꧀ꦠꦶꦭ꧀ꦥꦸꦤ꧀꧈ꦲꦺꦴꦫꦢꦶꦲꦁꦏꦠ꧀꧉ꦥꦚ꧀ꦕꦺꦤ꧀ꦏꦭꦱꦩꦤ꧈ꦱꦤꦗꦤ꧀ꦫꦏꦼꦠ꧀꧈ꦤꦔꦶꦁꦢꦸꦫꦸꦁꦤꦠꦺꦏꦲꦸꦕꦥ꧀ꦪꦺꦤ꧀ꦲꦺꦂꦤꦮꦢꦸꦮꦺꦫꦱꦠꦽꦱ꧀ꦤꦩꦫꦁꦲꦏꦸ꧉

꧋ꦤꦸꦁꦏꦶꦏꦤ꧀ꦝ꧇ꦪꦮꦶꦱ꧀꧈ꦪꦸꦤ꧀꧈ꦲꦺꦴꦫꦱꦃꦏꦺꦴꦏ꧀ꦒꦒꦱ꧀ꦲꦺꦴꦩꦺꦴꦁꦔꦤ꧀ꦏꦸ꧉ꦩꦸꦒꦩꦸꦒꦏꦺꦴꦮꦺꦲꦺꦁꦒꦭ꧀ꦲꦤ꧀ꦠꦸꦏ꧀ꦗꦺꦴꦣꦺꦴ꧉ꦮꦶꦱ꧀꧈ꦲꦪꦺꦴꦢꦏ꧀ꦠꦼꦂꦏꦺꦚꦁꦒꦊꦫꦶꦤꦱꦾꦺꦴꦤꦭ꧀꧉

꧋ꦥꦩꦺꦂꦫꦤ꧀ꦱꦥꦱꦂꦱꦸꦮꦺꦤꦺꦮꦸꦱ꧀ꦫꦩ꧀ꦥꦸꦁ꧉ꦢꦶꦤꦱꦼꦠꦸꦲꦮꦤ꧀ꦉꦱ꧀ꦩꦶꦢꦶꦠꦸꦠꦸꦥ꧀꧉ꦱꦺꦱꦸꦏ꧀ꦠꦁꦒꦭ꧀꧇꧒꧔꧇ꦣꦺꦱꦺꦩ꧀ꦧꦼꦂ꧈ꦱꦺꦴꦫꦺꦤꦺꦩꦼꦰ ꧀ꦛꦶꦮꦶꦶꦱ꧀ꦲꦤꦩꦶꦱ Vigili (ꦥ꦳ꦶꦗꦶꦭꦶ) ꦤꦠꦭ꧀꧉ꦤꦸꦁꦏꦶꦔꦗꦏ꧀ꦲꦏꦸꦱꦺꦱꦸꦏ꧀ꦩꦼꦚꦁ Rancagua (ꦫꦁꦏꦲ꧀ꦮ)꧈ꦏꦸꦛꦱꦏꦶꦢꦸꦭ꧀ꦭꦺꦱꦤ꧀ꦠꦾꦏ꦳ꦺꦴ꧉ꦗꦫꦺꦤꦺꦪꦺꦤ꧀ꦩꦶꦱꦤꦠꦭ꧀ꦭꦸꦮꦶꦃꦥꦺꦤꦏ꧀ꦤꦺꦁꦏꦤ꧈ꦭꦸꦮꦶꦃꦭꦺꦴꦁꦒꦂꦠꦶꦤꦶꦩ꧀ꦧꦁꦤꦺꦁꦏꦠꦼꦢꦿꦭ꧀ꦱꦤ꧀ꦠꦾꦒꦺꦴ꧉ꦏꦗꦧꦏꦸꦮꦶ꧈ꦠꦸꦤꦁꦔꦤ꧀ꦤꦺꦤꦸꦁꦏꦶꦮꦺꦴꦁꦏꦤ꧉

꧋ꦱꦺꦱꦸꦏ꧀ꦱꦺꦴꦫꦺꦤꦺꦲꦏꦸꦭꦤ꧀ꦤꦸꦁꦏꦶꦮꦶꦶꦱ꧀ꦠꦼꦼꦏꦤ꧀ꦫꦁꦏꦲ꧀ꦮ꧈꧇꧙꧓꧇ꦏꦶꦭꦺꦴꦩꦺꦠꦼꦂꦱꦏꦶꦢꦸꦭ꧀ꦭꦺꦱꦤ꧀ꦠꦾꦏ꦳ꦺꦴ꧉ꦲꦶꦁꦏꦸꦛꦏꦸꦮꦶꦲꦸꦒꦲꦤꦏꦠꦼꦢꦿꦭ꧀ꦏꦁꦔꦣꦼꦥ꧀ꦏꦺꦭꦥꦁꦔꦤ꧀ꦲꦺꦴꦩ꧀ꦧꦲꦫꦤ꧀ꦤꦺ Plaza de los Héroes꧉ꦤꦔꦶꦁꦢꦸꦢꦸꦏꦠꦼꦢꦿꦭ꧀ꦏꦸꦮꦶꦱꦶꦁꦢꦢꦶꦗꦸꦗꦸꦒ꧀ꦒꦤ꧀꧉ꦤꦸꦁꦏꦶꦭꦤ꧀ꦲꦏꦸꦔꦶꦢꦸꦭ꧀ꦱꦶꦛꦶꦏ꧀꧈ꦠꦼꦏꦤ꧀ꦥꦫꦺꦴꦏꦶ San José Obrero (ꦱꦤ꧀ꦲꦺꦴꦱꦺꦎꦧꦿꦺꦫꦺꦴ)꧉ꦗꦫꦺꦤꦸꦁꦏꦶꦲꦤꦫꦩꦲꦚꦂ꧈ꦩꦶꦱꦶꦪꦺꦴꦤꦫꦶꦱ꧀ꦱꦏꦆꦤ꧀ꦝꦺꦴꦤꦺꦱꦾ꧉

꧋ꦩꦶꦱꦢꦶꦮꦶꦮꦶꦶꦶꦶꦠ꧀ꦠꦶꦲꦫꦏ꧀ꦲꦫꦏ꧀ꦏꦤ꧀ꦩꦶꦱ꧀ꦝꦶꦤꦂ꧈ꦣꦾꦏꦺꦴꦤ꧀ꦭꦤ꧀ꦫꦩꦏꦁꦩꦶꦩ꧀ꦥꦶꦤ꧀ꦩꦶꦱ꧉ꦤꦭꦶꦏꦫꦩꦲꦁꦭꦶꦮꦠ꧀ꦠꦶꦲꦏꦸ꧈ꦱꦠ꧀ꦭꦺꦫꦩꦤ꧀ꦏꦪꦮꦸꦱ꧀ꦤꦠꦺꦏꦼꦠꦼꦩꦸ꧈ꦲꦼꦩ꧀ꦧꦸꦃꦲꦤꦔꦼꦤ꧀ꦢꦶ꧉ꦤꦔꦶꦁꦤꦭꦶꦏꦫꦩꦲꦶꦏꦸꦮꦶꦮꦶꦠ꧀ꦔꦤ꧀ꦢꦶꦏ꧈ꦩꦏ꧀ꦝꦼꦒ꧀ꦲꦠꦶꦏꦸꦏꦪꦏꦱꦩ꧀ꦧꦼꦂꦛꦛꦶꦠ꧀꧉

꧋ꦫꦸꦥꦧꦶꦱꦩꦁꦭꦶꦁꦔꦶ꧈ꦤꦔꦶꦁꦱ꧀ꦮꦫꦠꦔꦺꦃꦭꦩꦸꦤ꧀ꦧꦶꦱ꧉ꦲꦺꦴꦫꦏ꧀ꦭꦶꦫꦸꦸꦸꦸꦩꦤꦺꦃ꧈ꦲꦶꦏꦸꦱ꧀ꦮꦫꦤꦺꦲꦺꦂꦤꦮ꧉ꦗꦤ꧀ꦠꦸꦁꦏꦸꦤꦶꦠꦶꦂ꧉ꦭꦸꦮꦶꦃꦭꦸꦮꦶꦃꦤꦭꦶꦏꦲꦺꦂꦤꦮꦔꦺꦴꦚ꧀ꦗꦸꦏ꧀ꦏꦺꦢꦺꦴꦔꦥꦿꦺꦥ꦳ꦱꦶ꧈ꦩꦿꦶꦥꦠ꧀ꦏꦸꦲꦺꦴꦫꦏꦸꦮꦮꦩꦤꦺꦃꦤꦲꦤ꧀ꦲꦼꦭꦸꦃ꧉ꦲꦠꦶꦏꦸꦲꦁꦒꦽꦒꦼꦭ꧀꧈ꦧꦺꦴꦏ꧀ꦩꦤꦮꦲꦶꦏꦶꦢꦺꦴꦔꦥꦿꦺꦥ꦳ꦱꦶꦥꦭꦶꦁꦲꦺꦤ꧀ꦢꦃꦏꦁꦭꦸꦩꦼꦧꦸꦲꦶꦁꦏꦸꦥꦶꦁꦭꦤ꧀ꦏꦭ꧀ꦧꦸꦏꦸ꧉

꧋ꦩꦶꦱꦤꦠꦭ꧀ꦭꦸꦩꦏꦸꦏꦤ꧀ꦛꦶꦭꦚ꧀ꦕꦂ꧉ꦱꦮꦸꦱ꧀ꦱꦺꦥꦸꦁꦏꦱ꧀ꦱꦤ꧀ ꦫꦩꦥꦫꦶꦁꦧꦼꦂꦏꦃꦤꦠꦭ꧀ꦏꦁꦒꦺꦴꦥꦫꦲꦸꦩꦠ꧀ꦭꦤ꧀ꦔꦤ꧀ꦢꦶꦏ꧇ Feliz navidad꧉

꧋ꦲꦏꦸꦏꦤ꧀ꦝꦭꦶꦫꦶꦃ꧇ꦱꦸꦒꦼꦁꦤꦠꦭ꧀ ꦫꦩ꧉

 

ꦱꦼꦩꦫꦁ꧈꧇ꦊ꧐꧇ꦣꦺꦱꦺꦩ꧀ꦧꦼꦂ꧇ꦊ꧐ꦊ꧓꧇

Leave a Reply

Your email address will not be published. Required fields are marked *